Biblia Todo Logo
Bib sou entènèt

- Piblisite -




1 Juan 5:13 - Nuevo Testamento Toba Maskoy

13 Hai', lhamakho aktemakha asnaktalheskeskama nak ketlhengkap apkellelto nak meliaskeiam apvesai'a Eniapom Neten Apketka, kakpota eliangvomhok aknaikamok aliennaktema apnenio'ok mankotnengvaianlha nnelha.

Gade chapit la Kopi




1 Juan 5:13
26 Referans Kwoze  

Koka aklhamakho qaselha akietno vakkahak anak, nema aktalheskama kakpota meliaskamek hata ketlhengkap Jesús apto Cristo Eniapom Neten apketka, hata nkoniema' aliennaktema apnenio'ok mankotnengvaianlha nnelha ketlhengkap ma'a aniem'o apvesai'a m'a.


Koka apkellelto lhta apkenmaikamok takha kakpota nhan meliaskeiam ma'a, aptaiangke lhta Eniapom Neten apketkak ma'a.


Ka hengke'e apkanemakha nak antangkok Eniapom Neten: Mangeliaskamek apvesai'a Apketka Jesucristo, kakpota nhan angellasekhalhkok na nenieseksa nak ennengko'o ngkanek apkanemakha antangkok ma'a.


Meliaskakmo la Eniapom Neten Apketka m'a, mangkolhek hata atlheno apketselhnanemmap ma'a. Koka nnak atlheno m'a aptangko apketselhnanemmap apkellelto la apkeliaskeiam ma'a. Ngkanek apvai'o nak apto lhema aphapak apankek Eniapom Neten Apketka. Apto nhan malha apommatema atsaskeskama lhma, mang koka eleliehekhok ma'a. Koka apteniaiangkok ma'a ienaqtesakha lhma nak ngkanek apkellaneiangkek qaselha ngkollatsekama m'a.


Asnaktalheskaskek ko'o vakkahak anak ngkanek apkeliavek ketlhengkap akto have niapak anke nak, apkeliavek na akmovana ania'a nak have aniem'o m'a akto have niapak anke nak.


Ka nkeniemai'ak hengellapaskeskamo Espíritu apankok Apketka apkellaneiangkok engelvalho'ok, apaqmetkeskama nhan Eniapom Neten, ka aptak hengke'e: "Ta"


Apto la enenlhet mei'askeiam Eniapom Neten apketka, apmek na takha aplheianma Eniapom Neten aptemakha Apketka. Koka apiaskakmo la enenlhet, apkeltangkek na apmopvana ania'a Eniapom Neten.


Ketlhengkap eietkak apketko'ok, asnaktalheskaso nak vakkahak anak askeleltemakha etnangkok kakpota mellanankek qaselha ngkollatsekama, ka apkelan'o la ngkolatsekama lhema aphapak ham, apnek koka lhema apto Henmasmo niapom, Jesucristo apto nhan apeivomo m'a, enio ta mota m'a napaqtek Eniapom.


Nennaktalheskaskek ennengko'o aktemakha qaselha nelvetai'a kakpota nkolpaihekhok ankek na apvalho'ok lhemek ennengko'o.


Hai, akiakvatema nkek vakkahak anak astalheskama aniem'o nhan hepasmoma astema emo'ok nengaqtek eialheng Silvano, astalheskek vakkahak anak askellanemakha etnangkok, kakpota elvetaskesek qaselha altaqmelo alleniem'o Eniapom Neten akiavai'a apkellamelaiam ketlhengkap ma'a, etlhengkes hata nhan alpaihekha nak apvalho'ok aniem'o apkellamelaiam ma'a.


Neniokha nak malha lhema la pa'at akmaskengvaiam anak. Koka aktevaselhko la m'a, neliavek koka nhan ennengko'o hengellangkok hata Eniapom Neten mo'ok neliokha m'a mankomovana nhan nkomaskengvomok akieto neten, malha nhan pa'at la m'a have kto nak apkelanai'a nak enenlhet.


Vanlha koka apvankek hengelvongkesek tep ma'a ngkanek apvesai'a nak akto neten ankek ma'a, mangkolhnok po'ok enenlhet takhalhet lhepop anak —lhna aptemak Pedro apkellanemo m'a.


Apne lhta Jesús ma'a aktaqmelaikama lhma Pascua m'a Jerusalen, ma lhta eliaskakmok enenlhet ngkanek apkelvet'a lhta qaselha mongenatkeskama apkellanai'a m'a.


Asnaktalheskaskek vakkahak anak askeltemo ellahok ma'a enenlhet anak apkenmahai'a na mota eliennengkeska.


Aniem'o koka nhan mei'askeiam apvesai'a m'a aptaqmalvakmo lhkek enenlhet anak hengke'e apkeliekpelkemelha nak ketlhengkap.


Ka apkeltameskama nak aptalheskama nhan lhamakho aktemakha ania'a nak, neliavek ennengko'o akto have niapak ankek ma'a.


Apto la enenlhet aptaqmelkeskamo apkailhemo astakha alheianma, mei'askakmo la nhan apto heiapaskama, have niapak ankek enenlhet anak ngkoitek hata akiennaktema apneniek nkotnengvaianlha nnelha, meselhnanakpe hata nhan. Malha apketsepma lhta aptemak, kolhva koka aptakhak aphalhnankok.


nkolhnangkok hata nhan aliennaktema apnenio'ok mankotnengvaianlha nnelha apeneskamo lhta aplheianma apkeleltennasekamok.


Hengelvetaskaske ennengko'o hengamelaiam Eniapom Neten, apkapaskamo lhta apketka vanlha apankek lhema nalhepop anak kakpota angelloka mota aniem'o m'a.


Aplheianme lhta Eniapom Neten hengellaiangkok aliennaktema ennenio'ok mankotnengvaianlha nnelha aniem'o m'a apketka apanko ie'.


Nengeliavek na apvai'o lhta Eniapom Neten Apketka, hengellangkongvai'o lhta nhan aknema nengeliamo kakpota angeliekpelkangvomok ma'a apto have niapak anke nak niapom, nelpasmekhek na ennengko'o m'a aniem'o apketka Jesucristo. Koka apto Eniapom Neten, apto nha niapom have niapak anke, hengaikamok na akiennaktema enneniek nkotnengvaianlha nnelha.


Swiv nou:

Piblisite


Piblisite