1 Juan 4:6 - Nuevo Testamento Toba Maskoy

⁶ Ennengko'o koka nelleniem'o Eniapom Neten, hengellailhave mota m'a apkellelto la apkeliekpelkemo Eniapom Neten. Koka mankonmak'ak hengellailhok ma'a apkellelto nak melleniem'o nak Eniapom Neten. Netamen envanka'ak angelvetak apnaikamok la Espíritu akto have niapak anke nak niapom, nlho ka la nhan apnangko la av'alhok hengiennenkeskama ngken.

1 Juan 4:6 Referans Kwoze

Juan 10:27

Nepkesek ehenko'ok la'a apkeliekpelkavek aspaioma, helieplakhek nahan, askeliekpelkavek na ko lha m'a.

Juan 15:26

Ko'o ta allapaskesek apto Hengiatekho niapom ketlhengkap, Espíritu apto have niapak anke niapom apkeniem'o nhan ma'a Eniapom, hata etlhekmoksek lhamakho qaselha aniem'o ko'o.

1 Juan 4:1

Ketlhengkap apkellelto nak askellamelaiam, menmamonkek takha aptakha la aplhenammakpo pankek la enenlhet apietnema Eniapom Neten Apvalhok ma'a. Koka eltaqmelkaso ta sekhek apkellailheiangko apketlhekmoskama apankok aptakha la m'a, kakpota nkotlhenek apvalho'ok apkeniemo m'a Eniapom Neten nlho ka la mma'. Ngkanek aplhaniek lhmankek ham apkeleltennasemmap ania'a apkenmopvanka ania'a.

1 Juan 4:4

Eietkak apketkok, apkelpasmekhak Eniapom Neten ketlhengkap, apkeltemeskesentamo lhta koneng apketsekama ania'a nak apkenmopvanka ania'a, ngkanek nnankek apvalho'ok apto aknema nak apmopvana metlhok aknaiangko nak apvalho'ok meliekpelko nak mokhom Eniapom Neten.

Juan 18:37

Koka lhna lhta aptemak mokhom Pilato apkanemo: —Ia', tokha nak kelha apiav'akha apveske lheiap —lhna lhta aptemak. Koka lhna lhta aptemak mokhom Jesús: —Lheiap aplhenak ma'a, ko'o koka asva'ak kakpota atlhekmoksek akto have niapak, hellailhavek na enenlhet'avok aptengiaikamo mota akto have niapak anke —lhna lhta aptemak.

1 Corintios 14:37

Aptek hata nkek lhema aphapak la aplhenammakpo pankek apto apkeltennasemmap ania'a, apto nhan apkeliehekho Espíritu apankok Eniapom Neten, ntasek eihangvakho mota aktemakha asketlhekmoskama nak aniem'o Apveske engankok henganemakha apankok.

2 Tesalonicenses 1:8

Evatak hata kakpota ellangkok akiaqmoiekha apkellelto nak menmaikamok takha Eniapom Neten kanhan meleliehekho lhta ania'a aktaqmanma aplhenammap apveske engankok Jesús.

Juan 16:13

Hata apvo'o ta Espíritu apto have niapak anke na niapom, hato ka eliangveskeskamhok ketlhengkap akto have niapak anke. Melhenek hata apankok apankek qaselha, vanlha ta elhenek aktemakha aplengai'a aniem'o Eniapom Neten apaivoma, eleltennaksek hata nhan akmak'akha ta nkovak qaselha apmaniaie ketlhengkap.

1 Juan 4:8

Koka apto la meniasekhai'o po'ok, meiekpelkak na Eniapom Neten, ngkanek Eniapom Neten apto nengasekhai'o niapom.

1 Timoteo 4:1

Aplheianmek Espíritu akto iokhalhmek ankek akmak'o ta nkovak aktemongvanlha nnelha aknem, moklhem'a elvatesangko ta aptaikamok meliaskeiam, elieplo'ok hata kasekapo av'alhok hengiennenkeskama kakpota nhan hengetlhekmoskama anko'ok kasekapok av'alho'ok.

Juan 13:20

Apkenmangkek hata nkek takha enenlhet askellapaskama nak, henmankek na takha ko'o m'a. Henmankek na takha ko'o, apkenmangkek na takha akto lhta heiapaskama ko'o, have niapak ankek astakha nak —lhta aptak.

Juan 8:19

Netamen alhta aptangkok apkelelmalhnengka m'a: —¿Ko la apnakha Apiapom lheiap ma'a, he? Ka apkatemmongka lhta Jesús ma'a, lhta aptak: —Mangheliekpelkak ketlhengkap ko'o, man na eliekpelkak ko'o Tata, koka heliekpelko la'a, apkeliekpelkek na ko'o Tata —lhta aptak Jesús.

Lucas 10:22

Netamen nak ma'a lhna aptemak apkellanemo Jesús aplhamakho enenlhet'avok ma'a: —Hellaiangkek lhamakho qaselha ko'o Tata, mamma enenlhet apiekpelkemo Apketka nak, vanlha koka Eniapom apiekpelkemo m'a. Mamma nhan enenlhet apiekpelkemo Eniapom anak ma'a, vanlha koka apto Apketka apankek apto apiekpelkemo m'a kanhan apkeliekpelkemo m'a apkellelto la enenlhet'avok apkeliekieskama Apketka —lhna aptemak Jesús.

Judas 1:17

Elialheng'a askellasekhai'o, kotlheianvakho ta apvalho'ok apketlheianmo lhta sekhe ankek apkellapaskama, apkellasennaikama nhan apveske engankok Jesucristo.

2 Pedro 3:2

Kotlheianvakho no apvalho'ok apketlhekmosekamo lhnak nanek apkeleltennasemmap ania'a annenga apkelpokkenammap, kotlheianvakho ta nhan apvalho'ok apkellanemakha etnangkok apveske apto henvonkeskama tep, kakpota nhan apketlhekmosekamo alhta nema allapaskama.

2 Corintios 10:7

Moklhem'a lhna mota ketlhengkap apketlheianme mota have niapak apkelpasmekha Cristo, ennengko'o nhan nelpasmekha m'a, iokhalhmek ma'a, nkotlheianvakho ta mota apvalho'ok ma'a.

Romanos 11:8

Ka aktemo nak aklheianma aktalhesammalhka Vakkahak Eniapom Neten apaivoma hengke'e: «Apkeltemeskaskek Eniapom Neten malha teien allapekama apvalho'ok, malha nhan melvetai'a lhma la apaqto'ok, malha mellengai'a lhma nhan apaiko'ok, akvakmo nenvanlha nak», lhna aptemak.

Romanos 1:1

Ko'o Pablo, heiasennaikama Cristo Jesús, nketlhenkek evalhok ketlhengkap ham. Heliekieskama lhta Eniapom Neten kakpota atnek heiapaskama mota apaiaksek ania'a aktaqmanma apankok ma'a.

Juan 20:21

Lhta aptak mokhom Jesús apkellano: —¡Altaqmelaikama apvalho'ok hata ketlhengkap hengke'e! Allapaksek hata ketlhengkap ka kto nak ko'o heiapaskama Eniapom —lhta aptak.

Juan 10:16

Apiangkek na aplhamakha nepkesek apkelloka mo'ok nekha, alaqlosengvakhak hata nhan ma'a, heleliehekhok hata nhan ma'a, netamen angvankesekhak hata aplhamakho atnekhak lhema apienaktemakha, lhema aphapak na apto apkellanekama m'a.

Juan 8:23

Koka lhta aptak Jesús: —Ko takhalhet lhepop ketlhengkap, ko'o koka askeniem'o neten. Apkellomakha pankek ketlhengkap hengke'e, ko'o koka have askeniem'o hengke'e nalhepop anak.

1 Juan 5:19

Nengeliavek na ennengko'o nelleniem'o Eniapom Neten, koka apkellelto nak meleliehekhok malha aknaktetema m'a maniamolhma ngken anak.