1 Juan 4:12 - Nuevo Testamento Toba Maskoy

¹² Mamma enenlhet apvetai'o Eniapom Neten, koka nellasekhalhko la ennengko'o, eloka nhan nenieseksa ennengko'o, nkovenke pankok na hengasekhai'o m'a akvakmo aktakha nnelha akvanekamok.

1 Juan 4:12 Referans Kwoze

1 Juan 2:5

Koka envanka'ak ennengko'o angelleliehekhok apaivoma nak ma'a aniem'o nelletsavhongvaiakmo akiokho nkek nengasekhai'o nak hengaikamok ma'a Eniapom Neten, ka ngkanek neliavek nengelelto nelpasmekama m'a.

1 Timoteo 6:16

Apto nhan lhema aphapak menietsepma, apto apkaniemhaikama nhan aiseksek atsak'elha lhma, mamma nhan nkoteteskamok ma'a, mamma nhan enenlhet apto apvetai'a m'a ngkanek na mongapvankek angellanhok ma'a. Apto nhan vanlha lhema aphapak akietnema apmopvana m'a, ntasek angellaho mota m'a metka nnelha. Amen.

1 Juan 4:20

Apto la enenlhet aplheianma mota apkasekhai'o Eniapom Neten, koka aptaqnevakke mota enialheng la'a, apmopvana ania'a m'a. Apto la enenlhet apvetai'a mota enialheng man koka eniasekhak ma'a, mankapvankek na eniasekhok Eniapom Neten ma'a nkanek meta'ak ma'a.

1 Juan 3:24

Enenlhet apkellelto la apkelleliehekho apkellanemakha etnangkok Eniapom Neten, apkelpasmekha nhan ma'a, Eniapom Neten na apkelpasmakhak ma'a. Ka ngkanek nengeliavek na ennengko'o apnek engelvalhok Eniapom Neten aniem'o Espíritu apankok hengellaikamo lhta.

1 Juan 4:6

Ennengko'o koka nelleniem'o Eniapom Neten, hengellailhave mota m'a apkellelto la apkeliekpelkemo Eniapom Neten. Koka mankonmak'ak hengellailhok ma'a apkellelto nak melleniem'o nak Eniapom Neten. Netamen envanka'ak angelvetak apnaikamok la Espíritu akto have niapak anke nak niapom, nlho ka la nhan apnangko la av'alhok hengiennenkeskama ngken.

1 Timoteo 1:17

¡Ntasek angeltakneskasangkok, angellaho mota metka akvaiam annelha aliekaikamok iantelhkapa Eniapom Neten apto Apveske mangkotnengvaiam annelha, menietsepma nhan, mammopvana nhan angveta', vanlha nhan lhema aphapak Eniapom Neten! Amen.

Hebreos 11:27

Mang nak nanek na ei'askeiakmok Moises ma'a, ka nkeniemai'ak apteiapmo m'a Egipto metka apkai'a elvok apiav'akha apveske. Apiennaktemo nhan ma'a neksa aplhengama aniem'o m'a malha apvetai'a apto mongvetai'o niekhe apasmomo lhnak nanek ma'a.

1 Corintios 13:13

Nietnek koka hanetolhem'a qaselha allelto mankonmaskengvaiam, ka kto nak alvesai'a mongiaskeiam, al·halhnekama engvalhok angvetak aktaqmanma kakpota nhan nengasekhai'o, koka aktema neten ankek ma'a nengasekhai'o nak.

1 Juan 4:16

Nelvetai'a lhta mota ennengko'o hengamelaiam Eniapom Neten, mongeliaskeiakmo lhta nhan hengellamelaiam ma'a, ngkanek Apto hengamelaiam aniapom. Enenlhet apto la apkasekhai'o mota po'ok, apto nhan nengaqtek ankek apasmekha Eniapom Neten ma'a, Eniapom Neten na apasmekha m'a enenlhet anak.