1 Juan 3:7 - Nuevo Testamento Toba Maskoy

⁷ Ketlhengkap eietkak apketkok, mellanko nkek eliennengkeskak ma'a. Enenlhet apto la apkelanai'a mota qaselha akpeivomo, koka apto apeivomo pankek ma'a malha nhan ma'a apto apeivomo.

1 Juan 3:7 Referans Kwoze

1 Juan 2:29

Apkeliavek ketlhengkap Jesucristo apto apeivomo, ka lhamakho enenlhet anak apkellanekamok qaselha akpeivomo, apkellelto koka m'a Eniapom Neten apketkak.

Romanos 2:13

Koka enenlhet'avok anak aptangko nak apkelleliehekho nak ley, koka apkelpeivomo m'a, have vanlha etnangkok mok apkellailhemo, nkaimelhkek koka eleliehekhoho.

1 Juan 3:3

Koka apkellelto nak alel·halhnekama apvalho'ok elvetak hata m'a, malha apkelalhnasekpe pankavek kakpota etnangkok malha apkennemo m'a apto apkelalhnasemmap ma'a.

1 Juan 2:26

Asnaktalheskaskek vakkahak anak askeltemo ellahok ma'a enenlhet anak apkenmahai'a na mota eliennengkeska.

1 Juan 2:1

Ketlhengkap eietkak apketko'ok, asnaktalheskaso nak vakkahak anak askeleltemakha etnangkok kakpota mellanankek qaselha ngkollatsekama, ka apkelan'o la ngkolatsekama lhema aphapak ham, apnek koka lhema apto Henmasmo niapom, Jesucristo apto nhan apeivomo m'a, enio ta mota m'a napaqtek Eniapom.

Hechos 10:35

apto nhan ma'a apkellamelaiam enenlhet lhamakho apkellavakha apkellelto apkellai'o kakpota nhan apkellanai'a nak qaselha akpeivomo.

Efesios 5:9

Nkanek apommatema nak ntepkaskek ma'a neniamolhma, akpeivomo kanhan have niapak.

1 Pedro 2:24

Apatmekhe lhta nhan ngkollatsekama nellanekamok akieplomo apiepetkasemmap neten iamet aktenneskama kakpota angelvatesangkok nellanekamok ngkollatsekama, netamen ma'a envanka'ak angellanangkok qaselha akpeivomo. Hengeltemeskasekho lhta nhan enhalhnanko'ok aniem'o lhta apiensema Cristo.

1 Corintios 6:9

¡Ellaho ta m'a melietehek aptangkolha! Enenlhet la apkeltemengveiakmo lhma metnangkek hata apkennemolhema akieto nak aptemakha Apveske Eniapom Neten, apkellelto la apkellanaktema, apkeltakneskasekamok qaselha akiokha alanemmalhka, apnaqtevaskamo la aliemhapekamok, aptaikamok iama ngkelvana'ak, apkenmekha apkenno lheme', apkenmenielhaikamok, apkenmasmo qaselha apanko'ok, anmen ato'ok, apkeltaknevaikamaha, apkenmopvanka'a eliennengkesek po'ok. Ka lhamakho nak hengke'e metnangkek hata apkennemolhema akieto nak ma'a aptemakha Apveske Eniapom Neten.

Lucas 1:75

Angellanangkok na lhta nhan qaselha altaqmelo, akpeivomo nhan lhamakho aknem.

Santiago 2:19

Ntasek meliaskame vanlha lhema aphapak Eniapom Neten kanhan apto Apveske, koka kasekapok av'alho'ok mangkoliaskakmok na m'a, nkolpelhiennemok na allai'a m'a.

Filipenses 1:11

Hai, ellanangkok hata ngkeskama qaselha altaqmelo ketlhengkap ham aniem'o apkelpasmoma Jesucristo. Netamen hata nhan eltakneskasangkok, ellahok hata nhan Eniapom Neten apvesai'a apkellelto la apkelvetai'a enenlhet'avok ham.

Santiago 1:22

Apkeliennengkasekpek apankavek napokha ketlhengkap nketlhenke mota apvalho'ok ntasek etnangko mota vanlha apkellailhemo ania'a aktaqmanma. ¡Have koka niekhe nentemakha m'a, nkaimelhkek koka nhan ngkoitek apkelleliehekho ania'a apkelleng'o la'a!

Hebreos 7:2

Apkaiangko lhnak na Abraham Melquisedec lhema nekha atkok akvesai'a diezmo aniem'o m'a apkel·hatsoskasekha qaselha apanko'ok apkennapommakpelha. Melquisedec koka nhan nema altema apiav'akha apveske apeivomo. Apiav'akha apveske nhan Salem nema altema koka apveske metka akmaska niapom.

Hebreos 1:8

Koka aptemak aplheianmo aptemakha apketka hengke'e: «Lheiap Eniapom Neten, etnek hata apveske metka akvaiam annelha aliekaikamok iantelhkapa, elanak hata mota akto akpeivomo.

Efesios 5:6

Mellanko nkek eliennengkeskak enenlhet'avok anak aktaikama nkek ania'a apketsoiam, nkanek Eniapom Neten hata eliaqmongkaskesekhak apkeltemakha meleliehekho m'a.

1 Juan 3:18

Eietkak apketko'ok, mangkolatsema etnangkok mok apatno'ok apkellasekhai'o po'ok, ntasek koka elpasmok ma'a.

1 Juan 4:17

Ka ngkanek nkovomo nnelha akvanekamok nengasekhai'o nak. Netamen ma'a metka nhan nellai'a akvo'o ta aknem aliekpelkammalhkelha nentemakha ngkanek malha ennengko'o nengelelto Jesucristo takhalhet lhepop anak.