1 Juan 3:23 - Nuevo Testamento Toba Maskoy

²³ Ka hengke'e apkanemakha nak antangkok Eniapom Neten: Mangeliaskamek apvesai'a Apketka Jesucristo, kakpota nhan angellasekhalhkok na nenieseksa nak ennengko'o ngkanek apkanemakha antangkok ma'a.

1 Juan 3:23 Referans Kwoze

Juan 13:34

Kolhva koka asmak'ak allangkok alhnankok henganemakha, ellasekhakpo ta mota, ka astemakha nak ko'o askelasekhai'o mota ketlhengkap.

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

Juan 15:12

Ka ntak na henganemakha ehenkok ko'o aspaioma, ¡ellasekhakpo ta mota apieseksek ketlhengkap, ka astemakha nak ko'o askellasekhai'o ketlhengkap!

Juan 6:29

Ka apkellatemmongka lhta Jesús ma'a, lhta aptak: —Eniapom Neten apkeltavek meliaskamek apto apkapaskama —lhta aptak.

1 Pedro 4:8

Ellasekhakpo ta mota apankavek apieseksek anak ketlhengkap, enenlhet apto la m'a apkasekhekho po'ok, melan'ok na aptakha po'ok aptevaskai'a la m'a.

1 Juan 3:11

Ampai'o lhta sekhek ankek aptaikamok meliaskeiam ketlhengkap, nheklhe mota ania'a apkellengai'a aktemakha nellasekhammalhkoho.

1 Juan 4:21

Apkanemakha antangkok Jesucristo hengke'e: Enenlhet apto la apkasekhai'o Eniapom Neten, nkaimelhkek na eniasekhok enialheng la'a.

1 Tesalonicenses 4:9

Mankaimelhkak annaktalheskasangkok mokhom aktemakha apkellasekhammakpo apieseksek anak ketlhengkap ham, ngkanek apketlhekmosekamok apanke Eniapom Neten ketlhengkap,

Efesios 5:2

Ellasekho nhan po'ok ka aptemakha nak Cristo hengellasekhai'avek ennengko'o, apkaiangkave panke lhta nhan kakpota hengeltaqmelkeskesek nellaniemhaikama m'a, malha aptemak ma'a qaselha nengaikamok anak Eniapom Neten, kanhan malha nentoskama nak akvanlhemmalhka aktapeiam anak aimes akleklemelha apvalhok Eniapom Neten.

Marcos 9:7

Ka akvai'o lhnak na iephopai'a peskeska ankok, apkellengai'o lhnak nema aliatekama aiseksek iephopai'a, lhna ntemak: —Ko'o eietka ham, avanhek ankek askamelaiam, ellasekho ta nhan ketlhengkap —lhna ntemak ania'a m'a.

Hechos 16:31

Ka apkellatemmoiangka lhna lhta ma'a Pablo kakpota nhan Silas, lhna lhta aptaiangkok: —Mei'askem koka lheiap apveske Jesús kakpota evongkasakpok tep, ka nhan apketkak apnemolhema —lhna lhta aptaiangkok ma'a.

Juan 17:3

Etlhevangkok hata aliennaktema apnenio'ok aniem'o apkeliekpelkangveiam lheiap apto lhema aphapak aknema apmopvana, apkeliekpelkangveiam na Jesucristo apto lhta apkapaskama lheiap.

Juan 14:1

Lhta aptak Jesús apkellano apkeltamesaikamok: —Moltama nkek apvalho'ok, meliaskem na Eniapom Neten kakpota nhan ko'o.

1 Timoteo 1:15

Kolhva smak'ak alhenek nkelietavek enmangkok takha aspaioma meliaskamek na aplhamakho ketlhengkap, apvai'o lhta Cristo Jesús nalhepop anak kakpota elvongkesek tep enenlhet'avok meleliehekho apkellaskamakha Eniapom Neten, ko'o nhan asto m'a neten ehenkek moliehekho, molhnok aplhamakho enenlhet'avok.

Juan 1:12

Koka apkellelto lhta apkenmaikamok takha kakpota nhan meliaskeiam ma'a, aptaiangke lhta Eniapom Neten apketkak ma'a.

Juan 2:23

Apne lhta Jesús ma'a aktaqmelaikama lhma Pascua m'a Jerusalen, ma lhta eliaskakmok enenlhet ngkanek apkelvet'a lhta qaselha mongenatkeskama apkellanai'a m'a.

Juan 3:18

Meliaskakmo la Eniapom Neten Apketka m'a, mangkolhek hata atlheno apketselhnanemmap ma'a. Koka nnak atlheno m'a aptangko apketselhnanemmap apkellelto la apkeliaskeiam ma'a. Ngkanek apvai'o nak apto lhema aphapak apankek Eniapom Neten Apketka. Apto nhan malha apommatema atsaskeskama lhma, mang koka eleliehekhok ma'a. Koka apteniaiangkok ma'a ienaqtesakha lhma nak ngkanek apkellaneiangkek qaselha ngkollatsekama m'a.

1 Juan 2:7

Ketlhengkap apkellelto nak askellamelaiam, have alhnankok henganemakha nak asnaktalheskaso nak, lhennenga koka m'a, apkellengai'a lhta nhan sekhek anke lhta ketlhengkap ma'a,

1 Juan 4:15

Apto la enenlhet aplheianma napaqtavek enenlhet'avok Jesús apto Eniapom Neten apketka, apasmekha nhan Eniapom Neten ma'a, Eniapom Neten na apasmekha m'a enenlhet anak.

1 Juan 5:13

Hai', lhamakho aktemakha asnaktalheskeskama nak ketlhengkap apkellelto nak meliaskeiam apvesai'a Eniapom Neten Apketka, kakpota eliangvomhok aknaikamok aliennaktema apnenio'ok mankotnengvaianlha nnelha.