1 Juan 3:2 - Nuevo Testamento Toba Maskoy

² Ketlhengkap apkellelto nak askellamelaiam, kolhva koka nentaiangkok Eniapom Neten apketkak, mangeliohok akiokho nkek nkotnek hata nellaniemhaikama, vanlha nekha atketsek neliohok ma'a. Koka nengeliavek angennekhok hata malha apiokha nak ma'a apvaktamo ta.

1 Juan 3:2 Referans Kwoze

Filipenses 3:21

Eliaqmongkasekhak hata mo'ok aktemakha eniempeiok anak nkoliennaktema, hengellangkok hata nhan eniempeiok tep ankek aktaqmanma, ka aktemo nak apiokha m'a, apvankek na enmama lhamakho qaselha aniem'o akietnema apmopvana m'a.

Colosenses 3:4

Hai, Cristo apto apkeliennakteskama apnenio'ok ketlhengkap, hata apvaktamo ta mokhom hengke'e nkoieplevhok hata apkapommatema, apientalhnemo, ellangkongvatak hata nhan ketlhengkap ma'a.

2 Corintios 3:18

Ennengko'o nhan nnengkek hengel·hatsoskeskamo malha ietamopai'a nengelapma nengaqta'ak, malha nhan ennengko'o akto nak ieiam appok nelanei'o nak nenga'at, apkelvet'o la ieiam appok lhaiek apkelvet'ak na apiavai'a apankek Eniapom Neten ma'a, niavengkek na aklhamakho aknem nennekho m'a aniem'o Espíritu.

1 Corintios 13:12

Koka kolhvave nak nelvet'ak malha ieiam appok taiep, alhpanma la nhan nenvetai'a, nkovak hato ka aknem nenvetangveiakmo iokhalhmek ankek ma'a, malha metka la apma nenga'at hata nkotnek. Hai, mankosavhommalhkok ma'a nema nenianveiakmo nak, nkovakha toka aknem nenianveiakmo aksavhommalhko nkoie', ka aptemakha nak ma'a Eniapom Neten apiamo nentemakha.

Romanos 8:29

Lhennenga koka apiamo Eniapom Neten apto ta apkavekama, apkeliekieskama nhan kakpota ngkovomok hata malha aptema m'a apketka apanke. Koka apketka apanke nak ma'a apto metno pketkok apieseksek apentalhnakha apkelialheng'a.

1 Corintios 15:49

Ka kolhvave nak neliokha nak malha apiokha m'a enenlhet apkelanemmakpo lhnak nanek apkeniemai'o nalhepop, koka alhaiek hata m'a mo'ok neliokha malha enenlhet apkeniemai'o neten.

Apocalipsis 22:4

Elvetak hata nhan napa'at ma'a, alqasemmalhka nhan alpaihakha napaqta'a Apvesai'a apankek ma'a.

2 Pedro 1:4

Hengeleltennaskamo lhta nhan lhema apaivoma aktaqmanma nkek hengeltemeskesangkok hata nengelnemo Eniapom Neten, envanka'ak hata nhan hengelpaqnemekha qaselha ngkollatsekama nak hengke'e aniem'o aliaspongkomakha nak engelvalho'ok.

1 Corintios 2:9

Ka aktemo nak na aktalhesammalhka vakkahak Eniapom Neten apaivoma hengke'e: «Qaselha mongvetai'o nak, mollengai'o nhan, qaselha mankoietnaiangkolha lhta engaqtek, ka lhamakho qaselha nak apeneskamo lhta Eniapom Neten kakpota ellangkok ma'a apkelelto nak apkellasekhai'o».

1 Juan 3:1

Avanhek ankek hengamelaiam Eniapom, ka nkeniemai'ak hengeltemeskeskama nelvesai'a Eniapom Neten apketkak ma'a. Manghengeliekpelkak ma'a apkellelto nak apkellanekamok ngkollatsekama ngkanek meliekpelkak na Eniapom Neten.

Galatas 4:6

Ka nkeniemai'ak hengellapaskeskamo Espíritu apankok Apketka apkellaneiangkok engelvalho'ok, apaqmetkeskama nhan Eniapom Neten, ka aptak hengke'e: "Ta"

Romanos 8:18

Niekhe nellengaiangko ketsek akientalhnema kolhvave nak, mangkolhnok avanhek hato ka m'a aktaqmanma angelloka m'a.

Galatas 3:26

nnengkek hengeltemeskeskamo Eniapom Neten apketkak aniem'o mongiaskeiam Cristo Jesús.

Juan 17:24

Eniapom, lheiap alhta hellaikamok kakpota altakmelkesek helieplekama nak, askeltavek na eniakhengvomok asnakhelha ta ko'o kakpota elvetak asmopvana heiaiangko lhta tep nak nanek lheiap, metkelha qaselha lhma nkek ham, heiaiangkek nak nanek lheiap ma'a aniem'o heiamelaiam.

1 Juan 2:28

Ketlhengkap eietkak apketkok, etlhengkes hata apkelpasmekha Cristo kakpota apvanka'ak na elteteskamok metka apkenmangkasekama, metka altaikama nhan apvalho'ok apvaktamo ta m'a.

Hebreos 9:28

Nnavek na Cristo m'a, lhema aktema apkaiangko pankek apmatnama kakpota el·hatsoskasangkok apkellanekamok ngkollatsekama aplhamakma enenlhet'avok. Netamen ma'a evatak hata mokhom have apmahai'a elaneskasekhak apvalho'ok enenlhet'avok apkellanekamok ngkollatsekama, vanlha koka apmahai'a elvongkeskatak tep ma'a apkellelto la mota apkelel·halhanma.

2 Corintios 4:17

Nkomaskengvomok hata m'a nellengaiangko akientalhnema hengke'e nalhepop anak, nnek koka hengelpeneskaso kakpota ngkoitek akiennaktema enneniek akiav'akha nkek qaselha altakmanma m'a mankotnengvaianlha nnelha.

1 Juan 5:1

Apkellelto nak meliaskeiam Jesús apto nhan Cristo koka apkelvesai'a m'a Eniapom Neten apketkak. Apkellasekhai'o la Eniapom, apkellasekhavek na apketkak la m'a.

Lucas 17:30

Nkolhok hata nhan ma'a apvaktamo ta pelapkeskama Enenlhet Apketka nak.

Juan 1:12

Koka apkellelto lhta apkenmaikamok takha kakpota nhan meliaskeiam ma'a, aptaiangke lhta Eniapom Neten apketkak ma'a.

Juan 11:52

Have koka nhan vanlha enietsepok Jesús akiaqmoiekha apkennemolhema apankavek judios, koka nhan ma'a enietsepok kakpota eniankesekhok aplhamakho apkellelto Eniapom Neten apketkak apkakhangko lhma nkek ham.

Romanos 8:16

Ka Espíritu nak apaqmetkesangkek engelvalho'ok engankave, have niapak ankek ennengko'o nak nengelelto Eniapom Neten apketkak, angetlhevangkok hata lhemek Cristo aptemakha lhta apeneskamo apaivoma Eniapom Neten. Nengelelto la angetlhevangkok hata altakmanma m'a, nnavek na Cristo m'a elhkak hata, nkaimelhkek koka sekhek angenmangkok takha akvo'o la akientalhnema nak ma'a, aptemo lhta nhan Cristo.

Romanos 8:19

Avanhek na alel·halhanma qaselha apkelentepkeskama lhnak na nek, Eniapom Neten eltemeskasekhak ma'a alientalhnemo apkellelto apketkak.

1 Juan 2:7

Ketlhengkap apkellelto nak askellamelaiam, have alhnankok henganemakha nak asnaktalheskaso nak, lhennenga koka m'a, apkellengai'a lhta nhan sekhek anke lhta ketlhengkap ma'a,

1 Juan 3:10

¿Ko la aptemakha anioho' apto la Eniapom Neten apketka, kanhan atka la keliaqhameio aveske, he? Nkaimelhkek hata ellanama sekhe' apkellangiemhaikama m'a, ka melan'o la qaselha altaqmelo m'a, meniasekhek na enialheng, have Eniapom Neten apketka m'a.

1 Juan 3:21

Ketlhengkap apkellelto nak askellamelaiam, ka alketamekama nak engelvalho'ok manghengetlhenkeskekho la nellanekamok qaselha ngkollatsekama, koka envanka'a angelteteskakhak metka altaikama engelvalho'ok napaqtek Eniapom Neten ma'a.

Apocalipsis 2:28

Allangkok hata nhan iav'a apteiapma nak mopakmo la konne atsai'a".