1 Juan 3:16 - Nuevo Testamento Toba Maskoy

¹⁶ Hengelvetaskaske lhta Jesús nentemakha nengasekhai'o emmo'ok neksa apketsepma lhta m'a henianmoma ennengko'o, ntasek na ennengko'o angankoho aklhamakho aimommalhkelha la'a akvakmo nhan nengetsepo akiaqmoiekha m'a emmo'ok.

1 Juan 3:16 Referans Kwoze

Efesios 5:2

Ellasekho nhan po'ok ka aptemakha nak Cristo hengellasekhai'avek ennengko'o, apkaiangkave panke lhta nhan kakpota hengeltaqmelkeskesek nellaniemhaikama m'a, malha aptemak ma'a qaselha nengaikamok anak Eniapom Neten, kanhan malha nentoskama nak akvanlhemmalhka aktapeiam anak aimes akleklemelha apvalhok Eniapom Neten.

Juan 13:34

Kolhva koka asmak'ak allangkok alhnankok henganemakha, ellasekhakpo ta mota, ka astemakha nak ko'o askelasekhai'o mota ketlhengkap.

Juan 3:16

Avanhek ankek apkellamelaiam Eniapom Neten enenlhet'avok alhma nkek ham, ka ngkanek eniapaksek lhema phapak apanke' apketka kakpota melhnanme' apkellelto la meliaskeiam ma'a, ngkoitek hata nhan aliennaktema apnenio'ok mankotnengvaianlha nnelha'.

Romanos 5:8

Koka Eniapom Neten hengelvetaskaskek akiavai'a nkek hengellamelaiam ngkanek apkapaskangkek Cristo kakpota enietsepok hengiaqmoiekha ennengko'o neksa nellanekamok ngkollatsekama.

Apocalipsis 1:5

Aniem'o nhan ma'a Jesucristo apto apvetaiangko panke, aplhenekho mota nhan akto have niapak ankek, apto lhta nhan aplhatekhangveiam apmanie apieseksek apkenmaskengvaiakmo, aptemo nhan takhaplhet'ok ma'a apkelveskaie lhmankek ham. Avanhek ankek hengellamelaiam Jesucristo, malha hengellalhnaskeskama lhta nhan engelvalho'ok malha alpaiseiam aniem'o nellanekamok ngkollatsekama, aniem'o lhta nhan akiangkenammalhka ema apankok ma'a.

1 Pedro 3:18

Ka ktemo lhta nhan Cristo aplengaiangko aniem'o nellanekamok ngkollatsekama, apmesemmakpo lhta apankek ma'a lhema aktema nhan ma'a, mankaimelhkak mokhom enietsepok ma'a. Mamma lhta niekhe nhan aptemengveiakmo la lhma Cristo, koka aplengaiangke lhta m'a aniem'o hengelpasmoma nengelelto nak nellanekamok ngkollatsekama, apmahai'a nhan henlaqlakhak napaqtek Eniapom Neten ma'a. Apketsepme lhta nhan aptemo nak enenlhet enietsepok hengke'e, koka netamen nnengke lhta aklhatekhaskeiakmo m'a, ka aniemhaiangka lhta nhan apiempek ma'a.

Hechos 20:28

Pastores aptaiangkok ketlhengkap aniem'o Espíritu Santo apkeltemeskeskama apkelemhama apmaniaie, ¡elel·halhnama ta mota ketlhengkap! Eltaqmelkes hata nhan apkellelto iglesia apankok Apveske, apkellelto lhta nhan apkenmama aniem'o ema apankok.

Efesios 5:25

Ketlhengkap aknema nak apnaqteiangka'a ntasek ellamelemma mota apnaqteiangka'a, nnavek na Cristo apkamelaiakmek na m'a iglesia nak, apkaiangkave panke lhta m'a kakpota nkotaqmelek ma'a.

Tito 2:13

anlhengkesek ma'a akvakmo ta aknem akvai'a alpaihengvaiam engvalho'ok akiavai'a, angvetangvomok hata ma'a alel·halhneiangka mota engelvalho'ok, nkotne ta aktaqmanma nke akvetammalhka malha apkelienmaiam apvaktamo ta aknema apmopvana apankek Eniapom Neten kanhan Jesucristo apto hengelvonkeskama tep,

Romanos 16:4

Niekhe alletlhengkeskama nkotekio'ok aniem'o lhta anmahai'a helvongkesek tep ma'a, gracias na ko skeltemak ma'a, gracias na aptaiangkok aplhamakho iglesias metnangko nak judios.

1 Juan 2:6

Enenlhet apto la aplhenammakpo pankek apto apasmekha m'a, nkaimelhkek na etnek aptemakha lhta mota m'a.

Filipenses 2:17

Meliaskeiam anak ketlhengkap malha niekhe ntak akmatnama nak nentoskama nengaikamok Eniapom Neten, ka asketsepo la ko'o neksa helasennaikama ketlhengkap, ema ehenkok malha ntakhak nema aliangkenaikama nak takhalhet qaselha nema akmeskama Eniapom Neten, hata akto ta askaniemhaikama m'a nkaqhok hato ka ngkotnek ma'a nkopaihekhok ankek hata evalhok lhemek ketlhengkap ma'a.

Apocalipsis 5:9

Ka apkennekmasengko lhta nhan lhema nennekmaskama alhnankok ma'a, lhta ntemak: —Vanlha lheiap apto akietemo nkek emok, emaiesekhak na nema aliepetkeskama vakkahak anak ngkanek apmatnangke lhta lheiap, apianmongkeskekho lhta ema apankok kakpota hengel·hatsoskakhak neksa hengenmaikama mongeliamolhma, henlaqlekho lhta nhan ma'a napaqtek Eniapom Neten nenlhamakho ennengko'o kakpota nhan apkakhangko natemma lhmankek ham, aknema apkelpasmekhak apketkak kanhan lhamakho aktemakha apkelpaqmeiasma.

1 Pedro 2:24

Apatmekhe lhta nhan ngkollatsekama nellanekamok akieplomo apiepetkasemmap neten iamet aktenneskama kakpota angelvatesangkok nellanekamok ngkollatsekama, netamen ma'a envanka'ak angellanangkok qaselha akpeivomo. Hengeltemeskasekho lhta nhan enhalhnanko'ok aniem'o lhta apiensema Cristo.

1 Pedro 1:18

ngkanek apkel·hatsoskakhe lhta neksa apkeltemakha lhennenga malha alpathetma la'a alleniem'o lhta m'a apkeltemakha apkelieihengka'a. Nkaimommalhke lhtoka sekhek ei'anmongkesek ma'a kakpota elienioskakhak ma'a, have koka oro nak kanhan patakkom alienmomo plata apianmongkeskamo m'a ngkanek apavok ngkotnek ma'a,

Filipenses 2:30

Niekhe atlhengkeskama lhta enietsepok aniem'o apieplavkeskama apkanemakha Cristo, nketlhengkaske lhta nhan enietsepok aniem'o hepasmoma ko'o ngkanek taiepek apkakhaiangkelha ketlhengkap mankollapvankek elpasengvatak hengke'e.

Juan 10:11

Ko'o asto nhan apvetep asiamolhma' apanke', ntasek ko'o angvetsepok neksa askellanekama.

1 Tesalonicenses 2:8

Avanhek anke lhta nellamelaiam ketlhengkap, nellankongvaiakmo ania'a aktaqmanma, niekhe lhta atlhenkeskama angelletsepok aniem'o hengellasennaikama ketlhengkap. ¡Ka m'a avanhek anke lhta aknaikamok nengellamelaiam ketlhengkap ma'a!

1 Juan 2:9

Enenlhet apto la aplhenammakpo apankek aploma aiseksek atsak'elha lhma, koka aptaqnevakkek enialheng la'a, apmopvana ania'a m'a, aploka niekhe mokhom aiseksek ienaqtesakha lhma.

2 Corintios 4:12

Kelha niekhe antekio'ok ma'a nenmeiakho la apieseksek anak ketlhengkap angelpaieskakhak ania'a aktaqmanma, nkaqhok koka angenmeianta kakpota etlhevangkok ketlhengkap akiennaktema enneniek mankotnengvaianlha nnelha.