1 Juan 3:11 - Nuevo Testamento Toba Maskoy

¹¹ Ampai'o lhta sekhek ankek aptaikamok meliaskeiam ketlhengkap, nheklhe mota ania'a apkellengai'a aktemakha nellasekhammalhkoho.

1 Juan 3:11 Referans Kwoze

Juan 15:12

Ka ntak na henganemakha ehenkok ko'o aspaioma, ¡ellasekhakpo ta mota apieseksek ketlhengkap, ka astemakha nak ko'o askellasekhai'o ketlhengkap!

2 Juan 1:5

Lheia ngkelvana amhama amanie, kolhva smak'ak altennaksek akieplomo askapiosekama naqtek lheia aktemakha nak hengellanemakha antangkok henganemakha: "Angellasekhalhkok na lhta mota ennengko'o". Have henganemakha alhnankok hengke'e astakha nak, nengetlhevaiangkek ennengko'o m'a sekhek anke lhta.

1 Juan 4:7

Ketlhengkap elialheng'a askellasekhai'o ntasek angellasekhalhko mota ennengko'o, ngkanek nengasekhai'o nak nkeniemai'ak ma'a Eniapom Neten. Enenlhet apto la apkasekhai'o mota po'ok, apto nhan Eniapom Neten apketka m'a, apiekpelkek nahan.

1 Juan 4:21

Apkanemakha antangkok Jesucristo hengke'e: Enenlhet apto la apkasekhai'o Eniapom Neten, nkaimelhkek na eniasekhok enialheng la'a.

1 Pedro 4:8

Ellasekhakpo ta mota apankavek apieseksek anak ketlhengkap, enenlhet apto la m'a apkasekhekho po'ok, melan'ok na aptakha po'ok aptevaskai'a la m'a.

1 Pedro 3:8

Hai', ka m'a, ¡mellaskesap ankek ame' apieseksek anak ketlhengkap! Elhneso ta mota nhan atlhenaikama apvalho'ok po'ok la'a, ellasekhakpo malha apkelialheng'a apankavek la'a, etnamok hata nhan apkeliamolhma kanhan nalhep'avek apvalho'ok.

Efesios 5:2

Ellasekho nhan po'ok ka aptemakha nak Cristo hengellasekhai'avek ennengko'o, apkaiangkave panke lhta nhan kakpota hengeltaqmelkeskesek nellaniemhaikama m'a, malha aptemak ma'a qaselha nengaikamok anak Eniapom Neten, kanhan malha nentoskama nak akvanlhemmalhka aktapeiam anak aimes akleklemelha apvalhok Eniapom Neten.

1 Juan 1:5

Neleltennaskek ennengko'o ania'a aktemakha lhta hengeleltennaskama Jesucristo, Eniapom Neten nak apto malha apommatema, mamma lhnak na ienaqtesakha la lhma m'a.

1 Tesalonicenses 4:9

Mankaimelhkak annaktalheskasangkok mokhom aktemakha apkellasekhammakpo apieseksek anak ketlhengkap ham, ngkanek apketlhekmosekamok apanke Eniapom Neten ketlhengkap,

1 Pedro 1:22

Kolhva koka ketlhengkap malha alalhnai'o apvalho'ok aniem'o apkeleliehekho ania'a akto have niapak anke, apvanka'ak na ellasekhok apkelialheng'a iokhalhmek ankek. Hai, ellasekhakpo mota apankavek ketlhengkap

1 Timoteo 1:5

Askeltavek na ko'o ennavaksek enenlhet'avok lheiap ham kakpota eliaqmongkasekhak mo'ok aptaiangkolha, nkovak na apkellasekhai'o po'ok aniem'o alalhnai'o apvalho'ok, altaqmanma atlhenaikama apvalho'ok kanhan meliaskeiam iokhalhme.

Galatas 6:2

Elpasmakpo ta pankavek elpatmekhak malha apkelpatama apieseksek anak ham, ka aptangko la ketlhengkap ma'a, apkelieplavkaskek ley apankok Cristo.

1 Juan 4:11

¡Ketlhengkap askellasekhai'o, akiavai'a nkek hengellamelaiam Eniapom Neten, nkaimelhkek na angellasekhalhkok ennengko'o!