1 Juan 2:27 - Nuevo Testamento Toba Maskoy

²⁷ Koka mankaimommalhkak etlhekmoskak ma'a ngkanek Jesucristo malha apkeltemeskeskama apkeliangkanma apietsekso'ok ketlhengkap Espíritu Santo m'a, apkelloka nhan lhemek ketlhengkap ma'a. Hata etlhekmosangkok lhamakho aktemakha qaselha m'a, akto haveniapak ankek, metka akmovana ania'a nhan, apketlhekmoskamo lhta nhan ma'a etlhengkesek na apkelpasmekha Cristo.

1 Juan 2:27 Referans Kwoze

Juan 14:26

koka eniapaksek hata Eniapom apto Hengiatekho niapom apvesai'a Espíritu Santo. Heiaqmongkesek hata asnemakha, etlhekmosangkok hata lhamakho qaselha, etlhenkeskeskakhok hata nhan apvalho'ok lhamakho aktemakha asketlhekmoseiangko lhta.

1 Corintios 2:13

Neksa nengeltennaikama la ania'a aniem'o Eniapom Neten, nengelpaqmetkek ma'a aniem'o Espíritu apanko nak ma'a, have aniem'o m'a neliangveiakmo nak enganko'ok engankave'. Hai, neksa nengelpeiveskasekha mota aptemakha Eniapom Neten, nelpaqmetkek nelpaqmeiasma aniem'o m'a Espíritu apanko nak ma'a.

Juan 16:13

Hata apvo'o ta Espíritu apto have niapak anke na niapom, hato ka eliangveskeskamhok ketlhengkap akto have niapak anke. Melhenek hata apankok apankek qaselha, vanlha ta elhenek aktemakha aplengai'a aniem'o Eniapom Neten apaivoma, eleltennaksek hata nhan akmak'akha ta nkovak qaselha apmaniaie ketlhengkap.

1 Tesalonicenses 2:13

Hai, nengeleltangke mota ennengko'o gracias Eniapom Neten aniem'o apkellengai'a, apkenmaikamok na takha ania'a aplhenammap Eniapom Neten netsavkeskama lhta ham. Apkeliangveiakme lhta ania'a aktaqmanma have aniemai'o enenlhet apanke, koka aniemai'o m'a Eniapom Neten. Hai, have niapak ankek ma'a aniemai'o Eniapom Neten ania'a aktaqmanma nak nkelentepkeskaske mota akiavai'a qaselha altaqmelo apkellelto nak meliaskeiam.

2 Juan 1:2

Askellamelaiakmek aniem'o heietnema akto have niapak ankek engelvalho'ok, nkolhnangkok hata mota engelvalho'ok nengamelaiam anak.

1 Juan 3:24

Enenlhet apkellelto la apkelleliehekho apkellanemakha etnangkok Eniapom Neten, apkelpasmekha nhan ma'a, Eniapom Neten na apkelpasmakhak ma'a. Ka ngkanek nengeliavek na ennengko'o apnek engelvalhok Eniapom Neten aniem'o Espíritu apankok hengellaikamo lhta.

1 Juan 2:28

Ketlhengkap eietkak apketkok, etlhengkes hata apkelpasmekha Cristo kakpota apvanka'ak na elteteskamok metka apkenmangkasekama, metka altaikama nhan apvalho'ok apvaktamo ta m'a.

1 Pedro 1:23

ngkanek malha apalleiam la alhnankok mokhom, have aktonak ma'a engken anak hentengkeskama, ketlhengkap koka apalleiam aniem'o Eniapom Neten apaivoma nak akto akietnema aktema alhnankok, mangkotnengvaiam na nnelha.

Colosenses 2:6

Apkenmaiangke lhta takha ketlhengkap kakpota etnangkok apveske apanko'ok Jesucristo, ntasek na eltaqmelkasakpoho apkellanemakha nak etnangkok ma'a.

Efesios 4:21

have niapak ankek na apkellengai'o ania'a akto have niapak ankek aplhenammap Jesús, apkeliangveiakmek na apkelleliehekho m'a alietemo nkek na aptaiangkolha.

Juan 4:14

Koka enenlhet apiama nak iemmen askaikamok anak ko'o, meimakiek hata mokhom. Nkotepangkok hata mota iemmen konne apvalhok, ngkankok hata nhan akiennaktema apneniek mankotnengvaianlha nnelha —lhna lhta aptemak Jesús.

1 Timoteo 2:7

Ko'o lhta nhan nemo hetneskeskamo askeltennaikama ania'a kanhan nema heiapaskamo kakpota atlhekmoksek aktemakha mongiaskeiam akto have niapak ankek apieseksek anak metnangko nak judios. Have niapak ankek astakha nak alheianma, have asmopvana ania'a.

Juan 6:45

Nietnek apnaqtalheskama vakkahak apkeleltennasemmap ania'a annenga, ka ntak hengke'e: «Eniapom Neten hata etlhekmoksek lhamakho enenlhet'avok», ka ntemak ma'a. Ka ngkanek enenlhet'avok la apkellailhemo, apkellasekhai'o la nhan Eniapom anak, hata etnangkok helieplekama ko'o m'a.

Juan 14:16

Ko'o ta anmalhnama Eniapom eniapaksek po'ok Hengiatekho niapom, Espíritu m'a kakpota elloka lhemo ie, apto have niapak anke niapom. Koka apkellelto la apkeliaskeiam metlhokiek hata ngkanek melvet'ak ma'a, meliekpelkak nahan. Ketlhengkap koka apkeliekpelkek ma'a, apnek na lhemek ketlhengkap ma'a, elhek hata nhan metka nnelha.

1 Corintios 2:12

Netlhevankek ennengko'o Espíritu apankok Eniapom Neten, mok aktema koka apvalhok anak enenlhet melioho nak Eniapom Neten, hengeliangveskeskakmek Espíritu apankok Eniapom Neten qaselha hengellaikamok alhta Eniapom Neten aniem'o aktaqmanma nkek hengellanei'o.

2 Corintios 1:21

Hengeliennakteske' ennengko'o Eniapom Neten kanhan ketlhengkap neksa neliepetkangvekha m'a Cristo, hengeliekieskek nahan.

1 Tesalonicenses 4:9

Mankaimelhkak annaktalheskasangkok mokhom aktemakha apkellasekhammakpo apieseksek anak ketlhengkap ham, ngkanek apketlhekmosekamok apanke Eniapom Neten ketlhengkap,