1 Juan 2:20 - Nuevo Testamento Toba Maskoy

²⁰ Ketlhengkap koka malha apkeliangkanma la apietsekso'ok aniem'o m'a apto Apokkenammap memangveiam ngkolatsekama nak, ka ngkanek nnankek neniekpelkemo nak aplhamakho ketlhengkap ma'a.

1 Juan 2:20 Referans Kwoze

Juan 14:26

koka eniapaksek hata Eniapom apto Hengiatekho niapom apvesai'a Espíritu Santo. Heiaqmongkesek hata asnemakha, etlhekmosangkok hata lhamakho qaselha, etlhenkeskeskakhok hata nhan apvalho'ok lhamakho aktemakha asketlhekmoseiangko lhta.

1 Juan 2:27

Koka mankaimommalhkak etlhekmoskak ma'a ngkanek Jesucristo malha apkeltemeskeskama apkeliangkanma apietsekso'ok ketlhengkap Espíritu Santo m'a, apkelloka nhan lhemek ketlhengkap ma'a. Hata etlhekmosangkok lhamakho aktemakha qaselha m'a, akto haveniapak ankek, metka akmovana ania'a nhan, apketlhekmoskamo lhta nhan ma'a etlhengkesek na apkelpasmekha Cristo.

Hechos 10:38

Ka aptemo lhta malha apiangkanma Eniapom Neten takhaplhet Jesús ko Nazaret Espíritu Santo m'a kanhan apmopvana. Apto lhta nhan apkeltakmelkeskaiam apkellelto anmaikama aveske keliaqhameio', apkelanei'o lhta nhan aktaqmanma aniem'o aplhelhma mota Eniapom Neten.

Juan 16:13

Hata apvo'o ta Espíritu apto have niapak anke na niapom, hato ka eliangveskeskamhok ketlhengkap akto have niapak anke. Melhenek hata apankok apankek qaselha, vanlha ta elhenek aktemakha aplengai'a aniem'o Eniapom Neten apaivoma, eleltennaksek hata nhan akmak'akha ta nkovak qaselha apmaniaie ketlhengkap.

Hebreos 1:9

Lheiap akleklemo apvalhok qaselha altaqmelo, aptaqnongkoma koka qaselha ngkollatsekama nak. Ka nkeniemai'ak apkeliekieskamo Eniapom Neten apto apveske apankok lheiap apieseksek apkeltemo lhemek la'a, apiangkanmo nhan apietseksek aceite akto aikamok akpaihekha apvalhok, koneng ankavek ma'a apkeltemo lheme nak».

1 Juan 4:13

Neliavek ennengko'o nengelpasmekha engankavek Eniapom Neten ngkanek hengellaiangke lhta Espíritu apankok.

Hechos 3:14

Apkeltaknongkongke lhtoka ketlhengkap apto Apokkenammap memangveiam ngkolatsekama, apeivomo nhan, apkeleltemo lhtoka ketlhengkap epaqnemekhak lhema ntekioma niapom.

Lucas 4:18

«Espíritu apankok Apveske apnak tekhelhet ko'o, apiangkenkek aceite ankok epatek ko'o heliekieskama kakpota atsavkesek ma'a ania'a aktaqmanma metka nak apkeletsekama. Heiapaskek na kakpota altaqmelkeskamok apkellelto nak aknaqtevasekha nkek apvalho'ok. Kanhan aleltennaksek ania'a aktemakha nema alpaqnemekha apkellelto nak apkenmammap, altaqmelkasekhak na metka nak apaqto'ok, al·hatsoskakhak na apkellengaiangko nak akientalhnema.

Marcos 1:24

—¡Aiai, manghengeliasamolhma Jesús ko Nazaret! ¿Apmak'a nlho hennaqtevaksek, he? Asiave ko'o Eniapom Neten apokkanma lheiap —lhna ntemak kasekapok av'alhok ma'a.

Apocalipsis 4:8

Moklhem'a lhta nhan nnaiangkok 6 alhempanko'ok, nketsavhekhave lhta nhan aqto'ok aiempeiok kanhan av'alho'ok ma'a, nkennekmasengke lhta nhan lhamakho aknem, pelhasep nahan, lhta ntangkok ma'a: —Apokkenammap, Apokkenammap, Apokkenammap apanke memangveiam ngkolatsekama apveske Eniapom Neten apto vanlha lhema aknema apmopvana apanke, apto apnema tep nak nanek, apto nhan apnema kolhvave nak, apto ta nhan apvekta —lhta ntangkok altakneskasengko m'a.

Apocalipsis 3:7

—Etalhes no mokhom ania'a kakpota eniapaskesek ángel apno m'a iglesia akieto Filadelfia, ka ntak ania'a hengke'e: Apto nak Apokkenammap memangveiam ngkolatsekama, apto nhan have niapak anko ie', apto nhan akietnema llave apankok apveske David annenga. Apto nhan apmaieskama atong, mamma enenlhet apmopvana la eniapekhak ma'a, apkapekha apankek na atong ma'a, mamma nhan enenlhet apmopvana la emaiesekhak mokhom ma'a, ka aptak na m'a:

Hebreos 8:11

Meniaimakpek hata enenlhet la apketlhekmoskama apaivoma lhema apanke nlho ka la nhan apnemolhema apanke aktemakha asvesai'a nak ko'o, ngkanek eliangvomhok hata asvesai'a aplhamakho pankek, akvakho apketkeietse panke kanhan akvakho metno apketkok.

1 Corintios 2:15

Apkellelto nak aknaikamok Espíritu apankok Eniapom Neten, apvanka'ak nkotlhenek apvalho'ok qaselha altakmelakha la'a, ngkolatsenkolha la'a, koka enenlhet'avok apankave nak mankollapvankek etlhenek apketselhnanemmap aknaikamo nak Espíritu.

Lucas 4:34

—¡Jesús ko Nazaret, manghengeliasamolhma! ¿Apmak'a nlho hennaqtevaksek lheiap, he? Asiavek ko'o lheiap apto apokkanma Eniapom Neten —lhna ntemak ma'a.

Judas 1:5

Smak'ak atlhenkeskeskakhok na apvalho'ok ketlhengkap ma'a apnaqtevasekho lhnak nanek Eniapom Neten Israelitas apkellelto la apkeliaskeiam neksa apkel·hatsoskekha lhnak nanek ma'a akieto Egipto.