1 Juan 1:8 - Nuevo Testamento Toba Maskoy

⁸ Ka netlhenalhko la engankavek ennengko'o metka nellanekamok qaselha ngkollatsekama, have nhan iokhalhmek nenlheianma, neniennenkaselhkek na engankek ma'a.

1 Juan 1:8 Referans Kwoze

Romanos 3:23

Nenlhamakho nhan nellanekamok ngkollatsekama, taiepe kanke lhta nhan ennengko'o Eniapom Neten apto aknema apmopvana apanke'.

Santiago 3:2

Ngkolatsekama mota nempaivoma nelanei'o emmo'ok, koka apto la enenlhet metka aptevaskama apvesai'a po'ok, niennakke songkek apvalhok ma'a, apmopvana nhan emankok apiokha apanko ie kakpota melaniek qaselha akmasoma.

1 Juan 2:4

Koka apto la aplheianma apiekpelkemo m'a, man koka eliahakho apkellanemakha etnangkok ma'a, mok apatong koka m'a, mopvana ania'a, have iokhalhmek aplheianma m'a.

1 Juan 1:10

Netlheno la metka nellanekamok ngkollatsekama, malha nhan nentemeskasak apmopvana ania'a Eniapom Neten, mang na anmak takha apaivoma.

Galatas 6:3

Apto la enenlhet metka neten apiaspommap, koka nkolhenek apvalhok akto neten apankek apiaspommap ma'a, koka apiennengkasekpe pankek na m'a.

Santiago 1:26

Moklhem'a ketlhengkap apieseksek anak ham nketlhenke mota apvalho'ok apkellelto apkeliamolhma meliaskeiam Eniapom Neten, koka apkeliennengkasekpek apankavek ma'a ngkanek mankollapvanka'ak enmangvomok apkelpakmeiasma ngkollatsekama, akhemo apkelleltammap apkeliamolhma meliaskeiam ma'a.

1 Timoteo 6:5

apkeliamenammap anak apieseksek enenlhet'avok anak malha alieihama lhma, meliohok akto have niapak ankek, apketlhenakpave apankek nahan apkellelto meliaskeiam koka apteniangke mota apkennaksepma patakkom apanko'ok apankavek

1 Corintios 3:18

Apno la apieseksek ketlhengkap apkanema la nkoietnak apiangveiakmo apankok apanke', apiennengkasekpe pankek na m'a enenlhet anak, ntasek eihangvakhok apankok apanke apto meihangveiakmo, netamen hata m'a nkovak aptema apiangveiakmo m'a.

2 Juan 1:2

Askellamelaiakmek aniem'o heietnema akto have niapak ankek engelvalho'ok, nkolhnangkok hata mota engelvalho'ok nengamelaiam anak.

1 Juan 1:6

Ka netlhenalhko la engankavek ennengko'o nengelelto nelpasmekha Eniapom Neten, koka nelloka nhan malha ienaqtesakha lhma m'a, nenmopvana ania'a koka nhan m'a, mongellanak na iokhalhmek ankek ma'a.

Santiago 1:22

Apkeliennengkasekpek apankavek napokha ketlhengkap nketlhenke mota apvalho'ok ntasek etnangko mota vanlha apkellailhemo ania'a aktaqmanma. ¡Have koka niekhe nentemakha m'a, nkaimelhkek koka nhan ngkoitek apkelleliehekho ania'a apkelleng'o la'a!

2 Timoteo 3:13

koka apkellelto nak meliamolhma kanhan apkeliennengkeskama nak po'ok, nkovenke pankok hata apkellanekamok qaselha ngkollatsekama nak, aplhaniek hata etnangkok apkeliennengkeskama enenlhet'avok, koka ngkolhek hata nhan aliennengkasakho m'a.

3 Juan 1:3

Avanhek anke lhta nhan akpaihekha evalhok heleltennaskaktamo engelialheng'a ania'a aktemakha akiennaktema apieplavkeskama lheiap akto nak have niapak anke.

2 Pedro 2:13

Nnavek na m'a enenlhet'avok anak meliamolhma ellengangkok hata akientalhnema malha kaselha nevhak anak aniem'o melpeivomo, alleklemo mota apvalho'ok ellanangkok apkenmak'akha la ellana', qaselha ngkollatsekama nke napaqtavek enenlhet'avok. Alleklemo mota apvalho'ok ellanangkok qaselha henmankaskama akvakho m'a apkaqnekhelha apieseksek ketlhengkap neksa aktakmelaikama lhma apanko'ok.

Juan 8:44

¡Aveske keliaqhameio' atkak ketlhengkap! Vanlha mota apkelleliehekho m'a, nentekioma niapom ma'a tep nak nanek ampai'osekha lhmankek ham, kakpota nhan akmovana ania'a anko ie, ngken na nenmopvana ania'a nak.

Romanos 3:10

Ka ktemo nak na aktalhesammalhka Vakkahak Eniapom Neten apaivoma: «Mamma enenlhet apto apeivomo, mamma apankek lhema la'a,

1 Juan 4:20

Apto la enenlhet aplheianma mota apkasekhai'o Eniapom Neten, koka aptaqnevakke mota enialheng la'a, apmopvana ania'a m'a. Apto la enenlhet apvetai'a mota enialheng man koka eniasekhak ma'a, mankapvankek na eniasekhok Eniapom Neten ma'a nkanek meta'ak ma'a.