1 Corintios 9:3 - Nuevo Testamento Toba Maskoy

³ Moklhem'a enenlhet heliematkesama ko'o, koka angvasennalhko ta ehenkek ko'o lha,

1 Corintios 9:3 Referans Kwoze

2 Timoteo 4:16

Amanie lhta nema heiantemekha napaqtavek apkelientalhnema mamma lhta enenlhet hepasmoma la m'a kakpota hengio'ok, vanlha lhtoka ko'o askasennalhko ehenkek ma'a, helieniakhe lhta aplhamakho asketlhelhma'ak ma'a, koka askeltavek ko'o meiaqmonkasekhek Eniapom Neten apkeltemakha m'a.

Filipenses 1:17

Koka napokha apkelpaieskek ania'a aktaqmanma aniem'o apkenmahai'a etnangkok neten apankavek napaqtavek enenlhet, have iokhalhmoie', vanlha koka apkenmahai'a henaqtevaksek ko'o neksa asnema hengke'e nengaqlhengkasemmalhkelha nak.

Filipenses 1:7

Nietavek atnek aklheianma evalhok ketlhengkap akieplomo akpaihekha evalhok ngkanek helpasmoma mota neska asmakmekama aniem'o Eniapom Neten aktaqmanma nkek helanei'o. Hai, niekhe asnema konne nengaqlhengkasemmalhkelha kanhan napaqtavek apkelveskai'e kakpota angvasennalhko ehenke aniem'o askanemmalhka moiekaksek aspaieskama ania'a aktaqmanma, helpasmongke mota nhan ketlhengkap ma'a.

2 Corintios 13:10

Asnaktalheskaskek vakkahak anak astalheskama akiennaktema aspaioma amanie akvaiam hata ngkotnek ham, kakpota moliennahek askellanei'o asvaktamo ta ham, ngkanek heiangkek Eniapom Neten asientalhnemo kakpota alvanengkeskesek meliaskeiam, have asmahai'a anaktevaksek nahan.

2 Corintios 13:5

Ellanho ta apvalho'ok apankave ketlhengkap nnangke kelha niekhe aliennaktema meliaskeiam, nkotlheianvakhok hatelha nhan apvalho'ok mankolhnaikamok meliaskeiam Jesucristo.

2 Corintios 13:3

Elvetak hata nhan ketlhengkap Cristo heiapaskama kakpota alpaqmetkesek ketlhengkap, metka nkoiennaktema apiempek Cristo neksa apkellanei'o ketlhengkap, akieplomo apmopvana.

1 Corintios 14:37

Aptek hata nkek lhema aphapak la aplhenammakpo pankek apto apkeltennasemmap ania'a, apto nhan apkeliehekho Espíritu apankok Eniapom Neten, ntasek eihangvakho mota aktemakha asketlhekmoskama nak aniem'o Apveske engankok henganemakha apankok.

Hechos 25:16

Koka ennengko'o nengelelto apkelveskai'e romanos have nentaiangkolha angaqhek emmo'ok metka amanie apkasennammakpo pankek la aplheianma napaqtavek apkellelto la apkelpaieskama apvesai'a meihamolhma.

Hechos 22:1

—Ellailhonoho elialheng'a kakpota nhan eniapma'ak asmak'ak angvasennalhko ehenkek alhenek napaqtavek ketlhengkap —lhta aptak Pablo.

Lucas 12:11

Nnek hata nkek aliantemakho ketlhengkap ma'a apkaqnekhelha la judios, nlho ka la nhan napaqtavek hengeliekpelkemo apkelveskaie, koka moltama nkek apvalho'ok apkenmak'akha la etnangkok apkellatemmoikama m'a,

1 Corintios 9:2

Moklhem'a enenlhet hetlhenke mota motnema nema heiapaskamo ko'o, koka apkeliavek niekhe ketlhengkap astema nema heiapaskamo ko'o ngkanek aptaiangkek na Jesucristo apkennemolhema ketlhengkap aniem'o asmakmekama altemeskesaikamok, ngvetammalhkek asto have niapak anke astema nema heiapaskamo ko'o.

1 Corintios 9:4

nietavek ennengko'o angetlhevangkok nentoma, neniama akiaqmoiekha la nenmakmekama.