1 Corintios 9:20 - Nuevo Testamento Toba Maskoy

²⁰ Neksa asnema lhta mota apieseksek anak judios, asieplavkaske lhta nhan ley apanko'ok, evanke lhta niekhe molvanankek ma'a, koka askeliehakhave lhta kakpota enmankok takha askeltennaikama.

1 Corintios 9:20 Referans Kwoze

Hechos 16:3

Ka apmahai'o lhnak Pablo eiantemok neksa aplhengama m'a, koka amanie lhnoka apkeltemak ngkolhek akiaqtemenkaso nekha tkok apkammelhakha m'a kakpota enmankok takha m'a judios apkelvanlha la'a ngkanek aplhamakho apkeliamavek apto apiapom griego m'a.

Galatas 5:18

Koka apkellokha la ketlhengkap apkeleltennasekamok anak Espíritu, mmaskek anmangko ley ketlhengkap.

Galatas 4:21

Eltaqmelkaso no apkellailhemo ketlhengkap apkellelto apkenmahai'a elieplavkesek ley Moises ¿Ma nlho ellengai'ak ketlhengkap aktemakha aklheianma ley nak, he?

Galatas 4:5

Apvai'a lhta m'a apianmongkeskekho akianmoma hengel·hatsoskekho nhan neksa hengenmaikama ley, kakpota hentangkokhak apketkak Eniapom Neten.

Romanos 11:14

Askeltavek ko'o aspaivomo lhema nak ennathama ketlhengkap, netamen hata nhan helketmok niekhe kakpota atlhekmoksek ankok apkelvonkasemmap tep ma'a.

Romanos 3:19

Nengeliavek ennengko'o aktemakha aklheianma ley kakpota nhan allanemakha etnangkok judios, kakpota nkolvetaskesek apketselhnanemmap ngkanek meleliehekhok ma'a, mamma nhan enenlhet etlhenek napaqtek Eniapom Neten meliamoho.

Hechos 18:18

Nlhaniek nak aknem apnema Pablo m'a akieto Corinto, netamen apkelpaivesaiangko lhnak apkelialheng'a m'a apmahai'a eniakhak iokhalhma Siria. Apketlhelhma'ak noka Aquila kakpota nhan aptava Priscila, apkelvekho natemma Cencreas apiesekho lhnak Pablo m'a alhnai'a nkek nak aptemak apqatek ngkanek apeneskamo apaivoma etnehek napaqtek Eniapom Neten. Netamen apkelkanantemo lhnak loma nemmen apkenmeiekho iokhalhma Siria.

Galatas 2:19

Asielhanmekama lhta mota ley ko'o, kolhva koka askelvateskangkek ma'a, malha asketsepma astemak, kolhva koka neksa askaniemhaikama asielhanmekama m'a Eniapom Neten, malha niekhe nhan askelhnammalhko la lhemek neten iamet aktenneskama Cristo,