1 Corintios 8:3 - Nuevo Testamento Toba Maskoy

³ Enenlhet apto la apkasekhai'o Eniapom Neten, apiekpelkekma Eniapom Neten ma'a.

1 Corintios 8:3 Referans Kwoze

2 Timoteo 2:19

Koka Eniapom Neten hengellaiangkek lhema iamet akiennaktema nkek, malha anengkasemmalhka nenpathetma la'a, akieplomo koka alkasemmalhka ntemak hengke'e: «Apkeliekpelkavek Apveske enenlhet apanko'ok la'a». Ka ntemak na mo'ok hengke'e: «Ntasek elieniekhak ngkolatsekama apkellelto nak apkellasennaikama Apveske».

1 Corintios 2:9

Ka aktemo nak na aktalhesammalhka vakkahak Eniapom Neten apaivoma hengke'e: «Qaselha mongvetai'o nak, mollengai'o nhan, qaselha mankoietnaiangkolha lhta engaqtek, ka lhamakho qaselha nak apeneskamo lhta Eniapom Neten kakpota ellangkok ma'a apkelelto nak apkellasekhai'o».

Galatas 4:9

koka kolhvave nak apkeliavek aptemakha m'a aniem'o apmahai'a apanke lhta etnek apkeliekpelkemo napaqtavek ketlhengkap ma'a. ¿Se lha ntemak na ketlhengkap apkeleliehekho nak mokhom qaselha neniava nak mangkoliennaktema, metka akmovana nhan, he? ¿Se lha ntemak na apkenmahai'o nak mokhom etnangkok allasennaikama ankok nema apkelianmoma, he?

Apocalipsis 2:19

"Asiave ko'o lhamakho qaselha apkelanai'a lheiap, asiavek na mangheiaskeiam ko'o, heiamelaiam nahan, asiavek na nkanantaiangkek apmakmekama, mangkolhnok ma'a sekhek anke lhta, metka nnelha apmakmekama lheiap kakpota eltaqmelkeskesek apkellangiemhaikama po'ok.

Santiago 1:12

Aktaqmelakho nkek enenlhet meliehekho la akiatekamok akiaspongkomakha apvalhok ngkolatsekama. Apvaskapo la nhan, elhkak hata akianmoma apnaksepma akiennaktema apkaniemhaikama apkelpeneskeskamo lhta apaivoma Eniapom Neten ellangkok hata m'a apkellelto la apkellasekhai'o.

Juan 10:14

Ko'o asto apvetep asiamolhma apanke', heiekpelkavek ko'o Eniapom, ko'o nhan asiekpelkavek ma'a, askeliekpelkavek na nepkesek asnaqtoskama la'a, heliekpelkavek na m'a, ntasek na angvetsepok neksa askellanekama m'a.

1 Juan 4:19

Nengellamelakmek ennengko'o Eniapom Neten ngkanek apmanie pankek hengellamelaiam ma'a.

Apocalipsis 2:9

"Asiave ko'o aplengaiangko mota lheiap, mamma apketsekama, koka malha aptemak nema la apketsekama. Asiavek na ko'o apkeltaknongkoma lheiap ma'a apkellelto nak apkeleltammakpo pankave nak judios, koka apkellelto ankesekhelha mota Satanas ma'a.

1 Pedro 1:8

Melvetai'ok ketlhengkap Jesucristo, apkellasekhai'o koka m'a, mang na eliaskeiakmok nahan, avanhek ankek na alpaihekha apvalho'ok aliekangveiakmo

Apocalipsis 2:13

"Asiave ko'o apnek lheiap akieto akietnemakha nak aktanema aveske Satanas, man koka heieniekhak lheiap, meietnekhok nahan, mang na hei'askeiakmok lheiap neksa apmatnama alhta Antipas apto lhta nhan ma'a apaieskama mota ania'a asvesai'a ko'o, meietnekho lhta nhan ma'a Antipas, lhtoka apmatnamak ma'a akieto aknemakha Satanas.

Juan 21:17

Hanetolhem'a lhta ntak apkenmalhnekho mokhom ma'a, lhta aptak: —Simon, Juan apketka, ¿heiasekhai'o nlho lheiap? Aiose lhta ntak apvalhok Pedro ngkanek hanetolhem'a lhta ntak apkenmalhnekama Jesús, lhta aptak mokhom apkatemmongka: —Apveske, apiavek lhamakho qaselha lheiap, apiavek na avanhek askasekhai'o lheiap —lhta aptak. Ka apkatemmongka lhta Jesús ma'a, lhta aptak: —Eltaqmelkes hata nepkesek ehenko'ok anak.

Santiago 2:5

Eltaqmelkaso no apkellailhemo elialheng'a askellamelaiam, apkeliekieskek Eniapom Neten enenlhet'avok anak metka apkelletsekama kakpota ngkoitek akiavai'a meliaskeiam, etnangkok na apkennemolhema aptemakha lhnak nanek apeneskamo aplheianma ellangkok hata m'a apkellelto la apkellasekhai'o m'a.

Romanos 11:2

Tep nak nanek apkeliekieskamo Eniapom Neten Israelitas kakpota etnek apkennemolhema, man koka nhan eltaknongkomak kolhvave nak. Kotlheianvakho no apvalho'ok ketlhengkap apkeltennasemmap ania'a Elias apketlheianmo lhnak nanek ko Israelitas apkellaneiangko ngkollatsekama napaqtek Eniapom Neten, lhna aptemak:

1 Corintios 13:12

Koka kolhvave nak nelvet'ak malha ieiam appok taiep, alhpanma la nhan nenvetai'a, nkovak hato ka aknem nenvetangveiakmo iokhalhmek ankek ma'a, malha metka la apma nenga'at hata nkotnek. Hai, mankosavhommalhkok ma'a nema nenianveiakmo nak, nkovakha toka aknem nenianveiakmo aksavhommalhko nkoie', ka aptemakha nak ma'a Eniapom Neten apiamo nentemakha.

1 Juan 4:7

Ketlhengkap elialheng'a askellasekhai'o ntasek angellasekhalhko mota ennengko'o, ngkanek nengasekhai'o nak nkeniemai'ak ma'a Eniapom Neten. Enenlhet apto la apkasekhai'o mota po'ok, apto nhan Eniapom Neten apketka m'a, apiekpelkek nahan.