1 Corintios 8:13 - Nuevo Testamento Toba Maskoy

¹³ Ka astengkeso la enialheng aniem'o astoma apetek monganemmalhkelha nak anto'ok napaqtek ma'a, ntasek na motvek ma'a kakpota motengkesek enialheng.

1 Corintios 8:13 Referans Kwoze

Romanos 14:21

Ka ngkanek ntasek metavankek apetek la'a, meinangkek na vino, mellanamok qaselha akmovana nak nkolietnokhaskesek apvalho'ok apkelialheng'a, nkolvaiveskasentak na meliaskeiam anak.

2 Corintios 11:29

Asleng'o la lhema enialheng akmaska apiempek ma'a, ko'o nhan malha akmaska eiempek na stahak, asleng'o la nhan lhema enialheng apiepkonammap m'a, avanhe ntak na sloma m'a.

2 Corintios 6:3

Mongeltemongvaiakmo lhma ennengko'o neksa nelpaieskama ania'a aktaqmanma kakpota melieniekhek aptaikamok meliaskeiam enenlhet'avok netlhekmosekamok alhta.

1 Corintios 13:5

Metka nhan ngkollatsekama apatong la'a, metka nhan apteniai'a mota qaselha apankok apanke'. Metka aploma, metka apekkenaikama apvalhok aploma aniem'o aptevasemmap.

1 Corintios 6:12

Ka aptaiangko mota enenlhet: —Evankek ko alanak asmak'akha la alanak —ka aptaiangko mota m'a. Have kelha niapak, koka mankolatsama ta m'a apkelan'o ta apkenmak'akha la ellana, mellanko nkek nkonmama anmahai'elha la apvalho'ok.

1 Corintios 10:33

Askelienlhanakmek ko mota nkollekkasama apvalho'ok aplhamakho enenlhet'avok astemakha, metka asteniai'a ehenkok ehenke', asteniak koka kakpota altakmelkeskesek apkellangiemhaikama emmo'ok la'a kakpota nhan ngkolhek alvongkaso tep.

1 Corintios 9:12

Po'ok enenlhet apketlhevangkek na kolhvave nak akianmoma aniem'o apkelpasmoma ketlhengkap, tep ankek ennengko'o hengelietemo nhan angetlhevangkok akianmoma nenmakmekama apieseksek anak ketlhengkap, mang koka nkomak'ak angenmangkok takha m'a kakpota melpaqmetek hengellanho' ennengko'o, malha hennaqtevaskesekha ta nhan etnangkok ania'a aktaqmanma nellengaskama.

Hechos 15:20

Vanlha koka nkaimelhkek annaktalheskesek lhema vakkahak annavesaikama la m'a kakpota menmangvomek ma'a qaselha anko'ok anak nkollekhok akpaiseiam aniem'o qaselha akiokha alanemmalhka ankok ma'a, metnangkek na apkenmensangveiam alhma, metavankek na nentoskama akvaivekamok atsepma nak, metavankek na ema.

Romanos 14:13

Ka ngkanek mongetlhenama apkelvesai'a emo'ok, ntasek na montenkesek emmo'ok, monnaqtevaksek na m'a kakpota mankovhek apkelvatesaikamok meliaskeiam ma'a.

1 Corintios 10:32

Mellanamo nkek qaselha alietnokhaskeskama la apvalho'ok judios, metnangko nak judios, ka nhan apkellelto nak iglesia apankok Eniapom Neten.