1 Corintios 4:21 - Nuevo Testamento Toba Maskoy

²¹ ¿Ko la apkeleltakha atnek asvaktamo ta ham apieseksek anak ketlhengkap, he. Aliamenvata, nlho ka allasekho kanhan nalhepek evalhok, he?

1 Corintios 4:21 Referans Kwoze

2 Corintios 13:2

Askeleltennaske lhta sekhe lhta astaiento lhta amaika'a ham aktemo hanet asvekta ham, atnek hata akiennaktema aspaioma askellanei'o apkellelto apkellanekamok anak ngkollatsekama, alhenekhok hata mokhom kolhvave nak, atnek hata askeliennai'o askellanei'o asto ta amaika'a mokhom ham.

1 Tesalonicenses 2:7

Envanka'a nlho lhta niekhe angeliatangkok hengelleliehekhok ennengko'o ketlhengkap, ngkanek nengelelto hengellapaskamo pankok Cristo, koka ma lhta ntaiangkok ma'a, malha alhta nentaiangkok aktaiangkolha nak nematkak. Neltaqmelkeskanke lhta mota malha aktona ngken altakmelkeskama nak atkak.

2 Corintios 13:10

Asnaktalheskaskek vakkahak anak astalheskama akiennaktema aspaioma amanie akvaiam hata ngkotnek ham, kakpota moliennahek askellanei'o asvaktamo ta ham, ngkanek heiangkek Eniapom Neten asientalhnemo kakpota alvanengkeskesek meliaskeiam, have asmahai'a anaktevaksek nahan.

2 Corintios 2:3

Vanlha lhta askellapaskaso vakkahak alhta ham astalheskama kakpota mellaioseskasek evalhok asvaktamo la ham. Ntasek koka elpaiesekha mota evalhok ketlhengkap, asiavek na ko'o alpaihekho mota apvalho'ok ketlhengkap helvet'o la akpaihekha evalhok asvaktamo la ko'o ham.

2 Corintios 1:23

Kolhva nhan asmak'ak alleltennaksek ketlhengkap se kla ktemo ko'o moniekho lhta ham Corinto sekhe lhta, ngkanek nkoihe lhta ngkotnek aspaioma askellaikamok asvakho la ko'o ham, have niapak ankek astakha nak, Eniapom Neten kelha heiaqhek asto la asmopvana ania'a.

Santiago 3:17

Koka enenlhet la akietnema aknema apiamo aniem'o m'a Eniapom Neten, apto malha alhnai'o apvalhok, apto nhan metka akmaska niapom apkaniemhaikama, apiamolhma, hengamelaiakmo mota, apietnai'o nhan napa'at po'ok, apneskamo po'ok apkellanei'o enenlhet apieseksek la'a, iokhalhmek na aplheianma, apkelanai'a nha mota qaselha altaqmelo.

2 Corintios 10:6

Nellanakhek ennengko'o nentangkolha kakpota angeliaqmongkaskesekhak hata m'a aptaiangkolha apkellelto nak meleliehekhok, koka amanie nkek sekhek nkaimelhkek ketlhengkap eleliehekhok akiokho nkoie.

2 Corintios 2:1

Ka nkeniemai'ak nkolheianmo nak evalhok, motnaiento ko'o amaika ham kakpota molaioseskakhek apvalho'ok ketlhengkap ham.

2 Corintios 10:8

Ka nkanek smak'ak atnek mokhom allanak ketlhengkap, Eniapom Neten hengellangkek nelientalhnemo kakpota angeleltennasangkok ketlhengkap etnangkok na m'a, have niapak ankek ma'a, askeliatema metka askammalhko, metka nhan asmangkaktema. Mankonmahai'ak na annaqtevaksek ketlhengkap, vanlha koka nengeleltemavek angeltakmelkeskesek apkellaniemhaikamaha.

2 Corintios 3:10

Aktaqmanma nhan ma'a lhennenga, koka akto nhan neten ankek aktaqmanma m'a alhnankok qaselha annemo mo'ok engvalho'ok anak.

1 Corintios 5:5

Ellamok hata enenlhet anak Satanas kakpota nkotvaksek apiokha nak, koka vanlha ta nkovongkasalhkak tep aphangok apvaktamo ta Apveske engankok Jesús.

1 Corintios 4:18

Moklhem'a kelha ketlhengkap nkoliephesama apkellanema movataniek ham,

Galatas 6:1

Ketlhengkap elialheng'a apkellelto apkenmaikama Espíritu, ntasek ennavakse mota po'ok apkellan'o la qaselha ngkollatsekama, koka have apkeliennai'oho. ¡Ellaho ta nhan ketlhengkap ngkotnek kelha apkeliepkonammap nahan!