1 Corintios 4:11 - Nuevo Testamento Toba Maskoy

¹¹ Ampai'o sekhe lhta akvakmo nenvanlha nak hengennapma mek, aknem hengennapma, metka nelentalhnema, avanhek na hennaqtevaskamo enenlhet'avok, metka nengaqhaiangkolha nhan.

1 Corintios 4:11 Referans Kwoze

Romanos 8:35

Mamma qaselha akmovana hengiengiavkesek nengasekhai'o Cristo, niekhe nellengaiangko akientalhnema, niekhe akmaska, nema henmenlhenaikama, mek, metka netsekama, qaselha nengai'a, neletsepma aniem'o pelettav akvenaktema, mamma qaselha nak ma'a akmovana hengiengievkesek nengasekhai'o Cristo.

Filipenses 4:12

Evankek na aloka neksa mek heiaqhema, kakpota nhan neksa asiapqaneiakmo la'a, neksa metka qaselha ehenkok kakpota nhan qaselha heiekangveiakmo la'a.

2 Timoteo 3:11

Apiavek na lheiap aslengaiangko akientalhnema aniem'o nema heiaqmasekama lhta metka nnelha, ka aktemo lhta asvetai'a m'a apiav'akha temma Antioquia, Iconio kanhan Listra, koka Apveske lhtoka hevongkeskama mota tep ma'a.

2 Corintios 4:8

Niekhe akietnema ngkeskama akientalhnema, nietne koka nhan alel·halhnekama engelvalho'ok kakpota angenmaskeksek hata m'a, niekhe nhan akietnema altaikama engelvalho'ok, man koka hengelastengak ma'a.

1 Corintios 9:4

nietavek ennengko'o angetlhevangkok nentoma, neniama akiaqmoiekha la nenmakmekama.

Hechos 23:2

Koka apiav'akha sacerdote apvesai'a Ananias apkeltemo lhna lhta ngkolhek aktekpongo apatong.

Hechos 16:23

Mang na lhta elleskamak apkelleliaqpelhketaiangka m'a, ka aknemo lhna lhta nhan aliantemekho nengaqlhengkasemmalhkelha, apkeleltemo lhna lhta nhan lhema apkellanekama atong etaqmelkasok apkelanekama m'a.

Hechos 14:19

Koka nietemavek nak na apkelvai'o judios apkelleniem'o Iconio kakpota nhan Antioquia, ka apkelpengkangvekho lhnak apvalho'ok enenlhet ma'a kakpota ellammelhkasekha Pablo. Ka apkeliaqneiangko lhnak metaimong ma'a, atlheianmo lhnak apvalho'ok enietsepmak ma'a, apkelienioseikokho lhnak na akieto nepiava temma.

2 Corintios 11:20

Kanhan apkelvaskapak enenlhet'avok anak apkeliateiangko nak ellasennama m'a, apkelianmongkeskangkek na ketsek kianmoma ngkeskama koka apkenmakmekamaha, apkeliennengkeskangkek nahan, koneng na apkeltemeskeskamak, apkeltekpoikama nhan napaqta'a, koka apkellaiangkavek ketlhengkap ma'a.