1 Corintios 15:51 - Nuevo Testamento Toba Maskoy

⁵¹ Kolhva smak'ak aleltennaksek na Qaselha akielhammalhka nak nkovak hata hengke'e, have ta aplhamakho apkeletsepma enenlhet, koka nkoliaqmokhak hato ka mo'ok apkeliokha aplhamakho.

1 Corintios 15:51 Referans Kwoze

Filipenses 3:21

Eliaqmongkasekhak hata mo'ok aktemakha eniempeiok anak nkoliennaktema, hengellangkok hata nhan eniempeiok tep ankek aktaqmanma, ka aktemo nak apiokha m'a, apvankek na enmama lhamakho qaselha aniem'o akietnema apmopvana m'a.

1 Corintios 15:20

Aplhatekhangveiakmek koka Cristo m'a, have niapak ankek ma'a, apmanie pankek aplhatekhangveiam ma'a, malha aktonak amanie nkek anammalhka aktekteiapma nak.

Efesios 1:9

kakpota angeliangvomhok ma'a apeneskamo lhnak nanek apmak'akha ta etnek aniem'o apiamolhma hengellanei'o, malha aposkama la qaselha apmahai'akha etneskesek apkelanei'o Cristo.

1 Corintios 4:1

Elioho ta ketlhengkap, ennengko'o nengelelto hengellasennaikama Cristo vanlha apankek, have koka nentangko neten apankavek, kakpota angetlhekmosangkok ania'a akielhammalhka nak aniem'o Eniapom Neten.

1 Corintios 15:6

Netamen apkelvetaskesammakpo lhnak na mokhom malha tep 500 engelialheng'a m'a neksa apkaknaikama, moklhem'a apkelloka mokhom nenvanlha nak, aplhamakha koka apkeletsepmek ma'a.

1 Corintios 2:7

Asketlhekmoskek ko'o asiangveiakmo aniem'o Eniapom Neten, nenianveiakmo nak malha lhnak nanek akposemmalhka ntemak tep nak nanek, amanie nema alentepkeskama qaselha lhmankek ham kakpota alhaiek hengeltemeskesek hata neten engankavek ennengko'o.

Efesios 5:32

Koka hengke'e asietkeskama lhkek nientelhek aniangvomho, koka alhenak ko'o m'a ania'a aplhenammap Cristo kakpota nhan iglesia.

Efesios 3:3

Heteskaske lhta nhan ma'a qaselha akielhammalhka akietnaikama apaqtek etnek hata, ketse lhta astalheskasak ko'o vakkahak ketlhengkap ma'a aktemakha ania'a nak.

1 Corintios 15:18

melvomek na tep apkeletsepma nak apkellelto lhta meliaskeiam Cristo.

1 Corintios 13:2

Askapvanko la nhan alhenek aktakha la Eniapom Neten apaivoma, aihok na ania'a akielhammalhka akientalhnema nak aniangvomhok, ngkoitek na asiangveiakmo lhamakho qaselha. Akietno la nhan akiavai'a nkek moi'askeiam angvakteskesek akhaiam metaimong la akiavai'a, ¡aqhemo koka m'a, motnek ko'o asiaspommalhka m'a metko la m'a askasekhai'o emo'ok!

2 Corintios 5:2

Neksa nelloma mokhom hengke'e nalhepop anak nlhengama enneniek ngkanek avanhek nemmahai'a angenmangkok ma'a malha nengakhaiangkolha mo'ok neniokha akieto m'a neten.

2 Corintios 5:4

Neksa nellaniemhaikama hengke'e neliokha nak malha pa'at, nelleklhangvek aniem'o nellengaiangko, malha niekhe mangeleltemo nkotvasalhkak neniokha nak akmovana nak nkomaskengvomok, koka nengeleltavek niekhe angetlhevangkok kolhvave nak alhnankok neniokha mankomaskengvaiam.