1 Corintios 15:10 - Nuevo Testamento Toba Maskoy

¹⁰ Nkaqhok koka Eniapom Neten aktaqmanma nkek helanei'o, hetneskeskangke na apankek heiapaskamo mota. Have aqhemo asmakmekama nak, asteniai'o eiempek ko'o, aselhtek ma'a nema alapaskamo lhta, koka have asiennaktema ehenkok ehenke', koka aniem'o heiaikamok ma'a Eniapom Neten hetnema mota aplhelhma m'a.

1 Corintios 15:10 Referans Kwoze

Filipenses 4:13

Evankek koka mota nhan avaskapok aniem'o Cristo heiaikamok asiennaktema,

2 Corintios 3:5

Lhta nhan metko la hengelpasmoma Eniapom Neten, mongellapvanke nlho lhta nhan angellanangkok nenmakmekama nak enganko'ok engankavek.

Filipenses 2:13

Eniapom Neten hata elpekhesama ellanangkok qaselha altaqmelo, elpasmok hata nhan kakpota ellanangkok ma'a aniem'o apiamolhma.

Galatas 2:8

Eniapom neten koka aptemeskeskama apkapaskamo mota Pedro kakpota etlhekmoksek apieseksek ma'a nema nak aliaqtemenkeskama nekhatko'ok apkellammelhakha, heiapaskamo nhan ko'o m'a atlhekmoksek metnangko nak judios.

Romanos 12:3

Heiamelaiakmek ko'o Eniapom neten, heiangke lhta asientalhnemo kakpota alleltennasangkok ketlhengkap. Motlhenama nkek apvalho'ok apkellelto neten apankavek melhnemo m'a po'ok, ntasek koka elhnesok mo'ok atlhenaikama apvalho'ok metka aliekammalhka, aknangkolha la akvanlha meliaskeiam aniem'o apkellaikamok alhta Eniapom Neten.

2 Corintios 12:11

Astek ko malha la anema aniem'o anmalhko evalhok ehenkok ehenke, have nhan asto neten ehenke, ketlhengkap koka nkelleniemai'ak mankollekkasekama apvalho'ok hellanhoho, ka nkeniemai'ak na nkalhkok evalhok ehenkok ehenkek aniem'o asmakmekama apieseksek anak ketlhengkap. Snavek na ko'o m'a nema allapaskamo lhta apkellelto lhta neten apankavek apkenmakmeiangka lhta nhan apieseksek anak ketlhengkap.

2 Corintios 6:1

Nenmakmesama ennengko'o Eniapom Neten, nellasnema nhan meltemeskesekhek koneng aktaqmanma nke nak apkellanei'o Eniapom Neten.

1 Corintios 4:7

Nkanek Eniapom Neten apkeltemeskeskama apkelientalhnemo ketlhengkap ham, have aptaikamok apanke, ka ngkanek akhemo ellakpok ketlhengkap ma'a.

1 Corintios 15:2

Nkolhek hata nhan alvongkaso tep melvatesanko la aptaikamok meliaskeiam ania'a aktaqmanma nak askeleltennaskamo nak, koka apkelvatesangko la m'a, akhemo ta ngkotnek meliaskeiam alhta.

Romanos 11:1

¿Apkeltaknongkongke nlho Eniapom Neten apkennemolhema apanke Israel, he? ¡Mma'! Ko'o nhan asto israelita, asto nhan aptaven neptamen Abraham, askeniemai'o apasmekha apketkak neptamen Benjamin annenga.

1 Corintios 3:6

Malha askanma lhta ko'o aktek, netamen Apolos alhto ka apiaskesaikamok, Eniapom Neten alhto ka nhan apkaktengkeskama m'a.

1 Corintios 3:10

Hetaqmelkeskaskek ko'o askaniemhaikama Eniapom Neten heliekieskama kakpota atnek pa'at aniapom, askellan'ak ko'o akiennakteskama avhak pa'at, po'ok koka apto apkakheskama ietaphaimakko'ok. ¡Ellaho ta m'a eltaqmelkaso ta apkellanai'a pa'at!

1 Corintios 15:11

Aknemo mo'ok koka stemak neleltennaikama ania'a aktaqmanma nak astemo lhemek nema alapaskamo kakpota nhan ko'o, ka ania'a aktaqmanma nak meliaskeiakmo lhta nhan ketlhengkap ma'a.

1 Tesalonicenses 5:12

Ketlhengkap elialheng'a, nengeleltavek ennengko'o ellahok apkelemhama apmaniaie apanko'ok apkenmakmekama mota akientalhnema m'a, apkennaveskama mota kakpota nhan apketlhekmosekamok aktemakha Apveske engankok.

1 Timoteo 4:10

Ka ngkanek na ennengko'o nenteniaiangkavek eniempeiok nenmakmeiangka, nellammelhmek na hengellammelhmakha la'a ngkanek nietnek alel·halhnekama engelvalho'ok hengelpasmok hata Eniapom Neten apto metnenvaiam annelha, apto nhan hengelvonkeskama tep aplhamakho enenlhet'avok, tep ankek ma'a apkellelto la meliaskeiam.