1 Corintios 14:37 - Nuevo Testamento Toba Maskoy

³⁷ Aptek hata nkek lhema aphapak la aplhenammakpo pankek apto apkeltennasemmap ania'a, apto nhan apkeliehekho Espíritu apankok Eniapom Neten, ntasek eihangvakho mota aktemakha asketlhekmoskama nak aniem'o Apveske engankok henganemakha apankok.

1 Corintios 14:37 Referans Kwoze

1 Juan 4:6

Ennengko'o koka nelleniem'o Eniapom Neten, hengellailhave mota m'a apkellelto la apkeliekpelkemo Eniapom Neten. Koka mankonmak'ak hengellailhok ma'a apkellelto nak melleniem'o nak Eniapom Neten. Netamen envanka'ak angelvetak apnaikamok la Espíritu akto have niapak anke nak niapom, nlho ka la nhan apnangko la av'alhok hengiennenkeskama ngken.

2 Corintios 10:7

Moklhem'a lhna mota ketlhengkap apketlheianme mota have niapak apkelpasmekha Cristo, ennengko'o nhan nelpasmekha m'a, iokhalhmek ma'a, nkotlheianvakho ta mota apvalho'ok ma'a.

Judas 1:17

Elialheng'a askellasekhai'o, kotlheianvakho ta apvalho'ok apketlheianmo lhta sekhe ankek apkellapaskama, apkellasennaikama nhan apveske engankok Jesucristo.

2 Pedro 3:2

Kotlheianvakho no apvalho'ok apketlhekmosekamo lhnak nanek apkeleltennasemmap ania'a annenga apkelpokkenammap, kotlheianvakho ta nhan apvalho'ok apkellanemakha etnangkok apveske apto henvonkeskama tep, kakpota nhan apketlhekmosekamo alhta nema allapaskama.

Galatas 6:8

Malha apkenekha apankek apvalhok la aktek akvesai'a akiaspongkomakha nak engvalhok, enaklhek hata akielhna akvesai'a nengetsepma, koka apkenakho la aktek apvesai'a Espíritu, enaklhek hata akielhna akvesai'a akiennaktema enneniek mankotnengvaianlha nnelha.

2 Corintios 11:4

Asleng'a lhta nhan ko'o ania'a ketlhengkap apkenmaiangko lhna lhta takha alleklemo nkek apvalho'ok nema aleltennaskama ania'a mok aktemakha koka netlheianmo na mota apvesai'a Jesús. Hai, apkenmaiangko lhna lhta takha ania'a mok aktemakha nkek ania'a aktaqmanma, apkenmaiangko lhna lhta nhan takha lhema espíritu, have koka m'a Espíritu apketlhevaiangko lhta sekhe lhta.

2 Corintios 10:12

Moklhem'a ketlhengkap apkelietkesakpek po'ok melhnemo, apketlhenkek na aptangko neten apankavek, koka malha metka apqatko'ok la ketlhengkap ma'a, ennengko'o koka manghengeliaqvakmok antangkok ma'a.

1 Corintios 8:2

Niekhe lhema enenlhet la aklhenammalhko nkek apvalhok nema apiangveiakmo ngkeskama, koka atketsek apiangveiakmo m'a, nkaimelhkek mokhom.

1 Corintios 7:40

Koka skanek ko'o tep ankek hata ngkotnek akpaihekha av'alho mota mankoteniekhek atava lhentampe la'a. Evankek ko'o alhenek ehenkok ehenke nkanek apietnek na Espíritu apankok Eniapom Neten evalhok ko'o.

1 Corintios 7:25

Manheiangkok henganemakha apankok Eniapom Neten ngkelvana'ak metka nak anakteiangka, koka evankek aleltennasangkok ehenkok ehenke, ntasek hellailhoho nkanek asiamolhma ko'o aniem'o apietnai'o neha'at Eniapom Neten.

Romanos 12:3

Heiamelaiakmek ko'o Eniapom neten, heiangke lhta asientalhnemo kakpota alleltennasangkok ketlhengkap. Motlhenama nkek apvalho'ok apkellelto neten apankavek melhnemo m'a po'ok, ntasek koka elhnesok mo'ok atlhenaikama apvalho'ok metka aliekammalhka, aknangkolha la akvanlha meliaskeiam aniem'o apkellaikamok alhta Eniapom Neten.

Lucas 10:16

Netamen ma'a, lhna aptemak Jesús apkellanemo apkeltamesaikamok: —Koka apkellailho la enenlhet apketlhekmosekamok ketlhengkap, hellailhavek na ko lha m'a. Koka enenlhet apkeltaknevo la ketlhengkap, heltaknevakkek na ko lha, kakpota nhan apto lhta heiapaskama —lhna aptemak Jesús apkellanemo m'a.

1 Corintios 2:15

Apkellelto nak aknaikamok Espíritu apankok Eniapom Neten, apvanka'ak nkotlhenek apvalho'ok qaselha altakmelakha la'a, ngkolatsenkolha la'a, koka enenlhet'avok apankave nak mankollapvankek etlhenek apketselhnanemmap aknaikamo nak Espíritu.

1 Corintios 3:1

Ketlhengkap elialheng'a, ka asnemo lhta apieseksek anak ketlhengkap ham, asmak'a lhta niekhe atnek atlhekmoksek aktemakha nak angetlhekmoksek alvanekamo nak apvalho'ok, koka ma lhta amopvanak ma'a ngkanek mankolvanemok mokhom apvalhok, mankoliehek aptemakha nak Cristo. Malha lhta nematka

1 Corintios 14:29

Apkelelto la nhan apkeleltennasemmap ania'a, ntasek na etnangkok vanlha apqanet nlho ka la apqanetolhem'a, nema apkelanmakha koka etnamok ma'a kakpota aplhamakho ellailhok, etlhenek nahan aktakha apkelpaqmetekama aktaqmanma nlho ka la ngkolatsekama.

1 Corintios 14:36

Enmamok hata takha hengetlhekmoskama nak, kotlhen hata nhan apvalho'ok have akteiapmakha Eniapom Neten apaivoma apieseksek anak ketlhengkap ham, aplhaniek na apketlhevaikamok alpalhkammalhka aptaiangkolha ania'a nak.

1 Corintios 14:38

Koka mankomak'o la eihangvakho, mankolhek na akiangvakho m'a.