1 Corintios 14:25 - Nuevo Testamento Toba Maskoy

²⁵ Konne kankek hata nhan etak apvalhok ngkolatsekama m'a, kakpota elteklheiok aptapno'ok, enialhentamok napaqtek Eniapom Neten kakpota eniahok ma'a, eihangvomhok hata nhan have niapak ankek apnema apieseksek ketlhengkap ma'a.

1 Corintios 14:25 Referans Kwoze

Lucas 17:16

Apkeltangvekho lhnak na aptapno'ok napaqtek Jesús, aphalhentamo nhan apteklheklhemo napa'at lhepop, aptemo nhan gracias ma'a. Ko Samaria lhnak enenlhet anak ma'a.

Lucas 8:28

Ka apvetai'o lhnak enenlhet Jesús ma'a, apkeltanentamo lhnak aptapno'ok napaqtek ma'a, ka nkeskamo lhnak akveneiangka m'a, lhna ntemak: —¡Jesús, Eniapom Neten apketka apto apnema netne kanke nak! ¡Skapioselhkek ko'o manghetvasekha!

Lucas 5:8

Lhna songkek apvetai'o Pedro m'a, apkeltanentamo lhnak aptapno'ok napaqtek Jesús ma'a, lhna aptemak: —¡Apveske, molatsekama ko'o, mangheipetkangva! —lhna aptemak.

Apocalipsis 19:4

Apkeleltanantamo lhta aptapno'ok apkelteklhengko lhta nhan napaqta'a lhepop ma'a 24 metno apketkok alhta m'a kakpota nhan 4 kaselha allaniemhaiangka lhta aniem'o apkellai'o Eniapom Neten apnakha m'a akieto aptanema apveske, lhta aptangkok: —¡Ntase, amen, aleluya! —lhta aptangkok ma'a.

Juan 4:19

Mpelapkeskankek na lhta aklengai'a ngkelvana, lhna lhta ntemak: —¿Se lha ntak apioho nak astemakha ie, he? Have na niapak anke apto apkeltennasemmap ania'a lheiap.

Hechos 4:13

Nkelpelapkeskangkek nak apkelemhama apmaniaie apkellengai'o m'a apkeleltennaikama apkelteniai'o apiempeiok Pedro kakpota nhan Juan, ngkanek apkeliamavek nak metsavhongvaiakmo apnaqtalhesaikamok ma'a kanhan enenlhet apkellomakha apankavek ma'a. Ka atlheianvekho lhnak na apvalho'ok apkellelto apkeltamesaikamok Jesús ma'a.