1 Corintios 14:16 - Nuevo Testamento Toba Maskoy

¹⁶ Lheiap apiavenkaskesangka la apvesai'a Eniapom Neten mo'ok nempaivoma melioho mokhom aniem'o apvalhok apanke, mankollapvankek na enenlhet elpasmekhak ellatemmongkok aktakha la apaivoma m'a ngkanek meliohok ma'a, metnangkek hata nhan lhemek gracias Eniapom Neten ma'a.

1 Corintios 14:16 Referans Kwoze

Apocalipsis 5:14

Asleng'o lhta nhan alpaqmeiasma 4 kaselha allaniemhaiangka alhta m'a, lhta antangkok: —¡Ntasek anke, amen! Netamen na m'a 24 metno apketko'ok alhta apkellelteklhengko lhta aptapno'ok, apkelel·halhantamo lhta nhan aniem'o apkellai'o m'a apto mangkotnengvaiam annelha apkaniemhaikama.

1 Corintios 11:24

aptemo lhnak na gracias Eniapom Neten ma'a, ka apkeliaptemo lhnak, lhna aptemak apkellanemo apkeltamesaikamok: —Enmamok, etavamok pan anak, koka akto akietkesammalhka asiokha ham nkoliaqtalhkak hata kakpota nkoltaqmelkeskesek apkellangiemhaikama ketlhengkap, etnamok hata mota alietnekho la apaqto'ok astemakha ko'o —lhna aptemak apkellanemo Jesús apkeltamesaikamok ma'a.

Apocalipsis 7:12

—Amen, angeliavenkeskasama ta mota apvesai'a Eniapom Neten engankok, angeltangkok na apiavai'a apankek, apientalhnemo kanhan nema apiamo. Antangkok hata mota gracias, nengellai'o nhan, angeltangkok na nema apmopvana, apiennaktema nhan metka akvaiam annelha aliekaikamok iantelhkapa. Amen —lhta aptangkok ma'a ángeles.

Apocalipsis 22:20

Apto lhkek hepaqmetkeskama, lhke aptak: —¡Kolhvavek hata avatak ham, have niapak ankek! —¡Amen, ntase', elheng apveske Jesús!

1 Corintios 16:24

Ko'o nhan avanhe askellasekhai'o ketlhengkap aniem'o Cristo Jesús.

1 Corintios 14:14

Ka kto nak ko'o askenmalhno la nempaivoma melioho nak mokhom, evalhok ehenke akpaivoma, moihek na ko'o m'a.

1 Corintios 14:2

Enenlhet apto la apmopvana eliatama apkelpakmeiasma manioho nak mokhom aplhengkek qaselha akielhammalhka m'a aniem'o apvalhok, apiave koka nhan Eniapom Neten aptakha apkeliatekama m'a, enenlhet koka meliohok ma'a.

Hechos 4:13

Nkelpelapkeskangkek nak apkelemhama apmaniaie apkellengai'o m'a apkeleltennaikama apkelteniai'o apiempeiok Pedro kakpota nhan Juan, ngkanek apkeliamavek nak metsavhongvaiakmo apnaqtalhesaikamok ma'a kanhan enenlhet apkellomakha apankavek ma'a. Ka atlheianvekho lhnak na apvalho'ok apkellelto apkeltamesaikamok Jesús ma'a.

Juan 21:25

Mantek mokhom mo'ok qaselha apkelanai'a Jesús, mansavhek koka niekhe antalhaksek aklhamakma la vakkahak aktemakha apkelanai'a lhta Jesús ma'a.

Juan 7:15

Nkelpelapkaske lhta apkelleng'o apkelemhama apmaniaie judios ma'a, lhta aptangkok: —Meltamesammakpok henganemakha engankok anak ha'e, niehe aptemakha apiangveiakmo nak —lhta aptangkok.

Marcos 16:20

Ka apketlhengamo lhnak apkeltamesaikamok, apkeleltennaseiangka lhnak ania'a aktaqmanma lhma nkek ham, apkelpasmongkek nak na Apveske ma'a, apkellaiangkek nak apkenmopvanka'a kakpota ellanangkok qaselha mongenatkeskama. Apkeltemeskeskamo nhan iokhalhmek ankek apkellengai'a ania'a enenlhet'avok ma'a.

2 Corintios 1:20

Apieplavkaskek na Eniapom Neten aptemakha lhta apeneskamo apkeltennaskama apaivoma apkapaskamo m'a Cristo, ka ngkanek ennengko'o nentaiangko mota "amen" neksa neltaqneskasekamok la Eniapom Neten aniem'o nhan Jesucristo.