1 Corintios 13:2 - Nuevo Testamento Toba Maskoy

² Askapvanko la nhan alhenek aktakha la Eniapom Neten apaivoma, aihok na ania'a akielhammalhka akientalhnema nak aniangvomhok, ngkoitek na asiangveiakmo lhamakho qaselha. Akietno la nhan akiavai'a nkek moi'askeiam angvakteskesek akhaiam metaimong la akiavai'a, ¡aqhemo koka m'a, motnek ko'o asiaspommalhka m'a metko la m'a askasekhai'o emo'ok!

1 Corintios 13:2 Referans Kwoze

1 Juan 4:8

Koka apto la meniasekhai'o po'ok, meiekpelkak na Eniapom Neten, ngkanek Eniapom Neten apto nengasekhai'o niapom.

1 Corintios 13:3

Nlho ka la nhan annaskok lhamakho asketsekama apieseksek anak metka nak apkelletsekamaha, angvangkok na asiokha nak kakpota avongkesek tep emo'ok, akhemo toka nha ngkotnek metko la askasekhai'o emo'ok ma'a.

1 Corintios 16:22

Apno la enenlhet meniasekhai'o Apveske, nema akiematkeskama ta ma'. ¡Apkelhiakmek Apveske!

Efesios 3:4

Ka apkelietsatengko ta ketlhengkap elvetak hata have niapak ankek aktakha nak alheianma, asiamo ko'o aktakha lhta akietnaikama apaqtek etnek hata Eniapom Neten aniem'o nhan Cristo.

1 Corintios 13:1

Ka askapvanko la aliatama lhamakho aktemakha apkelpakmeiasma enenlhet'avok lhmankek ham kakpota nhan ángeles, koka mankoietnak ko'o askasekhai'o emo'ok, malha ta atnek ko'o m'a aktonak tava apak alleknaikamaha, nlho ka la nhan alleknaiekha nak ankok.

Galatas 5:16

Asmak'ak alleltennaksek ketlhengkap mokhom, eleliehekho ta Espíritu kakpota meleliehekhek hata aliaspongkomakha nak apvalho'ok.

Colosenses 1:26

Aktemo lhta nhan ma'a malha akposemmalhka lhennenga la akietnemakha, kolhva koka Eniapom Neten apkelvetaskaskek apkellelto apkelpokkanma m'a.

Galatas 6:3

Apto la enenlhet metka neten apiaspommap, koka nkolhenek apvalhok akto neten apankek apiaspommap ma'a, koka apiennengkasekpe pankek na m'a.

Galatas 5:22

Koka qaselha aptepkeskama Espíritu alvesai'a nengasekhai'o, akpaihekha engvalhok, aktaqmelaikama engvalhok, have nav'a envahek nelloma, antangkok akmomhape engvalhok, neniamolhma, mongiaskeiam,

1 Corintios 12:28

Amanie ampai'akhasekha apkeliekieskama Eniapom Neten iglesia moklhem'a nema allapaskamo, netamen apkeleltennasemmap ania'a, netamen na hengeletlhekmoskama, apkenmopvanka'a ellanangkok qaselha hempelapkeskama, apkenmopvanka'a eltaqmelkasekhak anmaska apiempeiok la'a, apkenmopvanka'a nhan elpasmok po'ok, apkenmopvanka'a nhan etnangkok apkelemhama apmaniaie', kakpota nhan apkenmopvanka'a elpaqmetama apkelpakmeiasma melioho mokhom.

1 Corintios 7:19

Nkanek ma'a have akto neten ankek akiaspommalhka m'a aptangko la nema aliaqtemenkeskama nekhatko'ok apkellammelhakha, nlho ka la mma', koka m'a akto neten ankek akiaspommalhka eleliehekhok henganemakha apankok Eniapom Neten.

1 Timoteo 3:16

Have niapak, qaselha akiemaskama engvalhok anak, nientelhek ankek aniangvomhok ma'a mongiaskeiam anak, ka aktonak ma'a Cristo nemo apaskamo nalhepop anak aptaiekho enenlhet apanke, netamen aplheianmo aktaqmanma aptemakha m'a Espíritu, apkelvetai'o nhan ángeles, nemo aleltennaseiangka nhan apvesai'a apieseksek metnangko nak judios, meliaskeiakmo nhan enenlhet'avok lhmankek ham, netamen na m'a apmammakpo takha neten akieplomo nemo ai'o kanhan nema aktaqmelkeskamo apvai'a.

Efesios 6:19

Ko'o nhan helelmalhneskes kakpota heiangkok aspaioma Eniapom Neten asmopvana apaiaksek ania'a aktaqmanma akielhammalhka apeneskamo lhta apaivoma m'a, akieplomo asteniai'o eiempek, metka askai'a nhan aspaieskama ania'a aktaqmanma.

1 Corintios 4:1

Elioho ta ketlhengkap, ennengko'o nengelelto hengellasennaikama Cristo vanlha apankek, have koka nentangko neten apankavek, kakpota angetlhekmosangkok ania'a akielhammalhka nak aniem'o Eniapom Neten.

Romanos 16:25

Angeltakneskasangkok hata ennengko'o Eniapom Neten apto apmopvana hengeliennakteksek engvalho'ok, ka aktemakha nak asketlhekmoskama ania'a aktaqmanma aplhenammap Jesucristo. Lhennenga tep nak na nek apeneskamo lhema qaselha Eniapom Neten apmak'akha ta etnek, malha aposkama koka ntemak ma'a.

Romanos 11:25

Ketlhengkap elialheng'a metnangko nak judios, melakpo nkek nkotlhenek apvalho'ok apkeliekieskama Eniapom Neten aniem'o nema apkeliamo apankave', have m'a. Nietne lhta apeneskamo Eniapom Neten akielhammalhka apmak'akha etnehek, napokha israelitas nkeliennakvaiakme lhta apvalho'ok akvakmo toka aknem ma'a aptaikamok meliaskeiam aplhamakho nak metnangko nak judios.

2 Corintios 12:11

Astek ko malha la anema aniem'o anmalhko evalhok ehenkok ehenke, have nhan asto neten ehenke, ketlhengkap koka nkelleniemai'ak mankollekkasekama apvalho'ok hellanhoho, ka nkeniemai'ak na nkalhkok evalhok ehenkok ehenkek aniem'o asmakmekama apieseksek anak ketlhengkap. Snavek na ko'o m'a nema allapaskamo lhta apkellelto lhta neten apankavek apkenmakmeiangka lhta nhan apieseksek anak ketlhengkap.

1 Corintios 14:39

Hai, ka m'a alheno lhkek elialheng'a, elienlhanmamok hata apkenmopvanka nak etlhenek ania'a aniem'o Eniapom Neten, ellangko ta nhan eliatama mo'ok aktemakha nempaivoma meliohok nak,

1 Corintios 8:4

Ka aktemakha nak meleltammakpelha nak nlho ka la nhan ntase etavangkok apnaqtoskama apkennapekamok apkellaikamok anak qaselha akiokha alanemmalhka, neliavek ennengko'o qaselha akiokha nak mamma aniemhaikama m'a, mankolhenek nahan. Vanlha koka lhema aphapak apto Apveske, Eniapom Neten apvesai'a m'a.

Hechos 13:1

Apkakhaiangkek nak apkeleltennasemmap ania'a m'a kakpota nhan hengetlhekmoskama apieseksek apkellelto iglesia akieto iokhalhma Antioquia. Apkelvesai'a Bernabe, Simon mo'ok nema ltema Apaiseiam, Lucio apkeniem'o natemma Cirene, Menahem kakpota nhan Saulo. Menahem noka knema akvanengkeskamo lhemek ma'a apveske Herodes Antipas.

Romanos 15:14

Ketlhengkap elialheng'a, asiave ko'o apkeliamolhma apankavek ketlhengkap, apvanka'ak na eleltennasangkok po'ok.

1 Corintios 11:4

Lhema apkenno la'a apakmetkeso la Eniapom Neten, nlho ka la nhan elhenek ania'a aniem'o Eniapom Neten akieplomo apkapkeskama apqatek, koka meniak'ok ma'a apto apankok apqatek.

1 Corintios 13:8

Mangkavankek nkomaskengvomok nengasekhai'o nak, koka nkomaskengvomok hata m'a nemmopvana nak anlhenek ania'a aniem'o Eniapom Neten, nkomaskengvomok hata nhan ma'a nenmopvana angeliatama mo'ok apkelpakmeiasma manioho nak mokhom, nkomaskengvomok hata nhan ma'a nenianveiakmo nak qaselhaha.

1 Corintios 14:4

Apto la apmopvana eliatama mo'ok apkelpakmeiasma mangioho nak, ntaqmelkeskaskek apkaniemhaikama apankok apankek ma'a, koka apto la enenlhet aplheianma ania'a aniem'o Eniapom Neten, apkeltakmelkeskaskek apkellangiemhaikama iglesia nak ma'a.

1 Corintios 14:29

Apkelelto la nhan apkeleltennasemmap ania'a, ntasek na etnangkok vanlha apqanet nlho ka la apqanetolhem'a, nema apkelanmakha koka etnamok ma'a kakpota aplhamakho ellailhok, etlhenek nahan aktakha apkelpaqmetekama aktaqmanma nlho ka la ngkolatsekama.

1 Corintios 15:51

Kolhva smak'ak aleltennaksek na Qaselha akielhammalhka nak nkovak hata hengke'e, have ta aplhamakho apkeletsepma enenlhet, koka nkoliaqmokhak hato ka mo'ok apkeliokha aplhamakho.