1 Corintios 13:13 - Nuevo Testamento Toba Maskoy

¹³ Nietnek koka hanetolhem'a qaselha allelto mankonmaskengvaiam, ka kto nak alvesai'a mongiaskeiam, al·halhnekama engvalhok angvetak aktaqmanma kakpota nhan nengasekhai'o, koka aktema neten ankek ma'a nengasekhai'o nak.

1 Corintios 13:13 Referans Kwoze

1 Corintios 16:14

ellanamok hata nhan lhamakho qaselha akieplomo apkellasekhai'o.

Colosenses 3:14

Koka akto neten ankek akiaspommalhka m'a ellasekho mota po'ok ngkanek nkotsantengkesek hata apkelpasmommakpo pankavek ma'a.

Galatas 5:6

Koka apkelpasmakho la Cristo Jesús, mmaskek aktaqmelo m'a akiaqtemenammalhka nak nekhatkok nengammelhakha nlho ka la m'a, vanlha nkaimelhkak nkoitek mongiaskeiam anak kakpota nkotepkesek nengasekhai'o nak emmo'ok ma'a.

Filipenses 1:9

Askenmalhnema nhan Eniapom Neten elvanengkeskesek apkellasekhammakpo apieseksek anak ketlhengkap, kakpota nhan ellangko aknema apkeliamo kakpota eliangvomhok na

1 Timoteo 1:5

Askeltavek na ko'o ennavaksek enenlhet'avok lheiap ham kakpota eliaqmongkasekhak mo'ok aptaiangkolha, nkovak na apkellasekhai'o po'ok aniem'o alalhnai'o apvalho'ok, altaqmanma atlhenaikama apvalho'ok kanhan meliaskeiam iokhalhme.

1 Juan 2:10

Enenlhet apto la apkasekhai'o enialheng la'a, koka apto nhan enenlhet aploma aiseksek atsak'elha lhma, mamma songkek ngkolatsekama apvalhok kakpota metengkesakpe pankek ma'a.

1 Tesalonicenses 5:8

ennengko'o koka nelloka mota aknem anko ie ka ngkanek ntasek montangkek malha hengelieihamalhma la'a, ntasek angelapkesek malha nelapkeskama la ennenio'ok alvesai'a m'a nengasekhai'o kanhan mongiaskeiam, angelletsavek hata nhan malha casco la'a akvesai'a nengel·halhanma angelvongkasalhkak hata tep.

2 Corintios 5:10

Hai, nenlhamakho ta lhma nkek ham angelanvakhak ma'a akieto m'a apkeliekpelkemelha nentaiangkolha Cristo, moklhem'a ta angetlhevangkok akianmoma aktemakha la nellanai'a ngkolatsekama, nlho ka la aktaqmanma neksa nellaniemhaikama hengke'e nalhepop anak.

1 Corintios 8:3

Enenlhet apto la apkasekhai'o Eniapom Neten, apiekpelkekma Eniapom Neten ma'a.

Colosenses 1:27

Hai, apmahai'o lhta nhan elvetaskesek qaselha akielhammalhka akiavai'a nkek apeneskamo lhnak nanek apmak'akha ta etnek kakpota eltaqmelkeskesek apkellangiemhaikama aplhamakho apkellavakha lhmankek ham, Cristo apvesai'a m'a, apmahai'a lhta Eniapaksek Eniapom Neten hengke'e, apsoiakmo lhta nhan alel·halhnekama nak apvalho'ok ketlhengkap kakpota elloka mota lhemek ma'a.

1 Pedro 1:21

Eniapom Neten aplhatekhaskeiam Cristo, aptemeskeskamo nhan neten apankek ma'a, ka meliaskeiakmo nhan ketlhengkap Eniapom Neten aniem'o nhan apkeltemeskeskama Cristo, nnankek na alel·halhnekama apvalho'ok eltaqmelkeskeskamok hata apkellangiemhaikama m'a Eniapom Neten.

1 Juan 3:9

Mamma nkek na apkellanekamok ngkollatsekama m'a apkellelto nak Eniapom Neten apketkak, nnaiangkek apvalho'ok qaselha nepiava nak aktemakha apkellangiemhaikama aniem'o m'a Eniapom Neten, ka nkeniemai'ak na m'a metlhenkesek apkellanekamok ngkollatsekama ngkanek Eniapom Neten apketkak ma'a.

1 Juan 3:3

Koka apkellelto nak alel·halhnekama apvalho'ok elvetak hata m'a, malha apkelalhnasekpe pankavek kakpota etnangkok malha apkennemo m'a apto apkelalhnasemmap ma'a.

1 Juan 2:14

Asnaktalheskaske lhta nhan vakkahak anak ketlhengkap eietkak apketkok, ngkanek apkeliavek Eniapom, asnaktalheskaske lhta nhan ketlhengkap apiapma'ak, ngkanek apkeliavek apnemo lhnak nanek tep nak nanek ma'a alanemmalhko sekha lhmankek ham, asnaktalheskaskek na ketlhengkap apketko'ok ngkanek melieniekhak Eniapom Neten anak apaivoma, apmelleihak apankavek nahan, apkeltemeskesentaniek koneng maniamolhma ngken anak.

Hebreos 6:19

Ka al·halhnekama engvalhok anak hentemeskaskek metka aktaikama engvalhok, malha aktonak tava apak akmaskeskama nak akievhekama loma nemmen la'a. Koka al·halhnekama engvalhok anak hengelentalhneksek hata m'a Eniapom Neten apnemakha akieto neten, tep ma'a ietamopai'a aphalhtemommap.

2 Timoteo 1:7

Hengellangkek ennengko'o Eniapom Neten engelvalhok aknema akmovana, nengasekhai'o, nenmeiommalhko enganke', metka nengai'a nhan.

Hebreos 6:11

¡Ntasek etlhengkese mota mokhom ketlhengkap ma'a metka akpensangveiam, metka nhan apkeliamasangveiam alleklemo apvalho'ok! Netamen etlhevangkok hata qaselha altaqmelo apkelel·halhanmo mota nkovak hata.

2 Corintios 5:15

Apketsepme lhta Cristo apkeliaqmoiekha aplhamakho enenlhet'avok, kolhva apkellava nak mokhom nenvanlha nak ntasek metenia nkek allekkasekama la apvalho'ok apanko'ok apankave, koka ellekkeskasama apvalhok ma'a apto lhta apketsepma, aplhatekhangveiakmo lhta nhan kakpota eltaqmelkeskesek apkellangiemhaikama aplhamakho enenlhet.

1 Corintios 14:1

Ketlhengkap elialheng'a, elienlhanmamok hata apkellasekhai'o po'ok, elienlhanmamok hata nhan nenmopvanka'a nak aniem'o Eniapom Neten, koka akto nhan neten ankek akiaspommalhka m'a nenlheianma ania'a aniem'o Eniapom Neten.

1 Corintios 3:14

Ka alianmolhko la'a pa'at alanemmalhka, elhkak hata akianmoma apto apkelanai'a.

1 Juan 2:24

Ka ngkanek ntasek ketlhengkap melvankamankek apkelleliehekho ania'a apkellengai'a sekhek anke lhta, ka aknangko la ania'a apqatko'ok anak ketlhengkap ma'a, apkelpasmakhek Apketka kanhan Apiapom ma'a,

Lucas 22:32

Ko'o koka askenmalhneskasak Eniapom Neten kakpota mankomaskengvomek mei'askeiam lheiap. Netamen hato ka m'a eiennekhok hata mokhom ma'a, kakpota mokhom elpasmekhak na apketlhelhma'ak anak eliennekhok hata nhan ma'a —lhna aptemak Jesús apkanemo Pedro.

Lucas 10:27

Ka apkatemmoiangka lhnak ma'a, lhna aptemak: —Ka ntemak hengke'e: «Eniasekho ta mota Apveske Eniapom Neten akvakho konne kankek apvalhok, akietnaikama apaqtek kanhan apiennaktema apanke'». Ka ntemak na mo'ok hengke'e: «Eniasekho ta nhan po'ok ka akto nak apkasekhammakpo nak apanke lheiap» —lhna aptemak ma'a.

Hebreos 10:39

Ennengko'o koka manlhok ma'a enenlhet'avok anak apkeleltaqhemo neptamna'ak, apketlhenengvaiam anak ma'a. Ennengko'o koka nengelelto malha apkellelto nak apkelvonkasemmap tep aniem'o mongeliaskeiam.

1 Corintios 8:1

Kolhva smak'ak aleltennaksek aktemakha apkennapekamo mota apnaqtoskama apkellaikamok anak qaselha akiokha alanemmalhka, apkelammakpe mota ketlhengkap apketlheianmo m'a apkellanemo eliohok ma'a. Koka nenianveiakmo nak nkeltemeskeskangkek aliephesekama apkenmahai'a elakpoho, koka nengasekhai'o nak nkeltaqmelkeskeskangkek apkellaniemhaikama.

Romanos 15:13

Hai, Eniapom Neten apto niapom al·halhnekama engvalho'ok angvetak aktaqmanma, ellangkok hata alpaihekha apvalho'ok kakpota nhan altaqmelaikama apvalho'ok apkellelto nak meliaskeiam apvesai'a m'a, ellaneskasangkok hata nhan apvalho'ok alel·halhnekama elvetak hata aktaqmanma aniem'o Espíritu Santo apmopvana.

Hebreos 10:35

Ntasek etlhengkesek meliaskeiam Eniapom Neten, netamen hata m'a etlhevangkok akiavai'a akianmoma m'a.

Colosenses 1:5

Nnaiangkek nak na apkelvaskapma m'a aniem'o alel·halhnekama apvalho'ok etlhevangkok hata lhema qaselha nema alpokkenkeskama m'a neten, apkellengai'a lhta ketlhengkap aklhenammalhka ania'a nak

1 Tesalonicenses 1:3

Neksa nelelmalhnongkoma Eniapom Neten nketlheianvekhe mota engvalho'ok aknaikamo lhta aliennaktema meliaskeiam ketlhengkap nkeltemeskeskangke lhta akiavai'a apkenmakmekama, apkellasennaiangka lhta nhan po'ok akieplomo apkellasekhai'o, nnaianke lhta nhan alel·halhnekamok apvalho'ok nkovak ma'a apkelpasmoma Apveske engankok Jesucristo.