1 Corintios 12:11 - Nuevo Testamento Toba Maskoy

¹¹ Koka lhamakho qaselha nak nenmopvanka'a aniem'o m'a vanlha lhema Espíritu, apkennaskek apmak'akha la eniangkok apieseksek ma'a meliaskeiam la'a.

1 Corintios 12:11 Referans Kwoze

1 Corintios 12:4

Nietnek alpalhkammalhka apkenmopvanka'a apieseksek meliaskeiam aniem'o m'a vanlha lhema Espíritu.

Hebreos 2:4

Apkelan'a lhta nhan Eniapom Neten qaselha mongenatkeskama, qaselha hempelapkeskama kanhan qaselha aktaqmelo mongvetai'o kakpota nhan apkellaiangko lhta Espíritu Santo apmak'akha la ellangkok kakpota ngkotnek iokhalhmek ma'a ania'a apketlheianma.

2 Corintios 10:13

Mangelalhkok ennengko'o metka neliekaskeiakmo, vanlha nelalhkek apkeltakha la nnelha Eniapom Neten aniem'o nenmakmekama lhamakho apkellavakha, kanhan apieseksek anak ketlhengkap.

Efesios 4:7

Koka Cristo hengellangkek alpalhkammalhka nenmopvanka'a nenmakmekama moklhem'a ennengko'o aniem'o metka apkenmeiavkesammakpo qaselha m'a.

1 Corintios 12:6

Apvanka'ak na ellanangkok lhamakho qaselha moklhem'a nak ma'a, aniem'o nhan apvanlha lhema Eniapom Neten apkellaikamok ma'a.

Santiago 1:18

Hengeltemeskeskangke lhta malha alhnankok nelpalleiam Eniapom Neten aniem'o ania'a aktaqmanma nak akto have niapak ankek akvakmo nentangko malha qaselha apankok la allelto neten ankavek altakmanma aiseksek ma'a lhamakho qaselha apkelentepkeskama lhta.

Efesios 1:11

Hengeliekieskamo lhnak nanek na Eniapom Neten kakpota hengellangkok hata qaselha apmahai'akha la hengellangkok ma'a, aptemengke ma'a akietnaikama apaqtek nak nanek etnehek, aptemengke mota m'a apmahai'akha la etnek.

1 Corintios 7:17

Asmak'ak alhenek mokhom, apkellavema lhta Eniapom Neten ketlhengkap neksa metka nema aliaqtemenkeskama nekhatko'ok apkellammelhakha, ntasek na kolhvave nak meteniankek ma'a. Apkellavema lhta nhan Eniapom Neten neksa aknaikamo nak aliaqtemenammalhka nekhatko'ok apkellammelhakha ketlhengkap, melposamonkoie aknangko la aliaqtemenammalhka nekhatko'ok apkellammelhakha. Ka henganemakha askellaikamok ketlhengkap hengke'e, kanhan askellaikamok aplhamakho iglesias asmaiangkolha lhta mota, ntasek mokhom elieplavkesek aptaiangkolha apankave lhta neksa apkellavekama Eniapom Neten.

1 Corintios 7:7

Askeltavek niekhe elieplavkesek astemakha nak ko'o, moklhem'a koka nietnak mok aktemakha apkenmopvanka'a apkelanei'o qaselha aniem'o Eniapom Neten.

Romanos 12:6

Aktaqmanma nkek hengellanei'o Eniapom Neten ka nkeniemai'ak hengellaiangko lhta alpalhkammalhka nenmopvanka'a nenmakmekama. Enenlhet apto lhta aplhevai'a apmopvana eltennama aniem'o Eniapom Neten, ntasek eltennama akvanlha la nhan mei'askeiam aplhevai'a.

Romanos 9:18

Hai', have niapak ankek ma'a, apvankek Eniapom Neten apmak'akha la etnehek, apkelietnavek napaqta'a moklhem'a enenlhet, po'ok enenlhet koka apkeliennakteskaskek apvalho'ok.

Juan 5:21

Eniapom anak apnaklhatekhaskakmek apkenmaskengvaiakmo nak, Apketka nhan ma'a apkellangkek aliennaktema apnenio'ok apkenmak'akha la ellangkok enenlhet.

Juan 3:27

Ka apkellatemmoiangka lhnak Juan, lhna aptemak: —Ntasek ankek ma'a, Eniapom Neten apkeltemo nkotnehek.

Juan 3:8

Nkelhkakme mota alhkaiam akmak'akha la nkolhkama, nenleng'a niekhe alhkakmo, mang koka aniohok aktepakha alhkaiam, mangiohok na akmangkelha. Ngkotnek nan ma'a enenlhet apteiakmo la aniem'o Espíritu —lhna aptemak Jesús.

1 Corintios 12:18

Koka nlhaniek alpasmekha m'a neniokha nak, Eniapom Neten apnengkanma moklhem'a nak ma'a apmahai'akha la nhan enengkenek ma'a.