1 Corintios 10:28 - Nuevo Testamento Toba Maskoy

^28-29 Koka apkeltennaso la apetek ankok nema akmeskama qaselha akiokha alanemmalhka, metavamonkek ma'a kakpota meietnokhaskesek apvalhok ma'a apto apnemakha, menaqtevaskesek na m'a akietnaikama apaqtek. Evanke niekhe atvok lhamakho aktemakha apetek, koka ntasek na motvek kakpota manghetlhenek asvesai'a ko'o.

1 Corintios 10:28 Referans Kwoze

1 Corintios 10:26

Nkanek Eniapom Neten apto otep nalhepop lhmankek ham kanhan lhamakho qaselha aknaiangko nak hengke'e

1 Corintios 8:7

koka moklhem'a enenlhet meliamok ma'a. Lhennenga lhta moklhem'a ketlhengkap apkennapeiangke lhta mota apnaqtoskama apkellaiangko qaselha akiokha apkellanekamok. Ka ngkanek kolhvave nak aptavengko la apetek apkellaikamo nak ma'a, ngvaktaniek atlhenaikama mota apvalho'ok allaiekho m'a apetek anak, aniem'o koka nkoliennaktema atlhenaikama apvalho'ok.

Romanos 14:15

Ellailho no, ka apkellavkeskakmo la po'ok ketlhengkap aniem'o m'a aptekamok metoiangkolha nak apkellaskama, koka have akvesai'a nengasekhai'o emmo'ok ma'a ngkanek apkellasekhavek na Cristo m'a engelialheng'a nak, apketsepke lhta nhan apkeliaqmoiekha m'a. Metavamonkek na aptekamok napaqtavek ma'a kakpota nkoliasangko lhma ngkanek nkonnathaksek hata m'a, elvatesangkok hata nhan aptaikamok meliaskeiam.

1 Corintios 8:9

Koka ellaho ta m'a aptavengko ta napaqtavek nkoliennaktema nak meliaskeiam ngkanek epalesemmak ma'a.