1 Corintios 1:9 - Nuevo Testamento Toba Maskoy

⁹ Eniapom Neten apto apkeliekieskama ketlhengkap kakpota etnangkok apkelpasmekha apketka Jesucristo apveske engankok, apieplavkaske mota nhan aktakha la apaivoma aplheianma m'a.

1 Corintios 1:9 Referans Kwoze

2 Tesalonicenses 3:3

Eniapom Neten apto have niapak ankek apaivoma, elpasmok hata m'a kakpota nkoliennak meliaskeiam ketlhengkap, enmeivok hata nhan neksa akmahai'a la nkovak ngkolatsekama.

Hebreos 10:23

Angetlhengkesek hata netlhenaikama aktemakha mongeliaskeiam anak kanhan alel·halhnekama engelvalho'ok hengelpasmok hata Eniapom Neten, mongeliaskamek na apaivoma akto have niapak ankek ma'a. Metka alpeivekha atlhenaikama engvalho'ok ennengko'o ngkanek apeneskangke lhta apaivoma Eniapom Neten, have apmopvana ania'a.

1 Juan 1:3

Hai, netlheianme mota aktemakha lhta nenvetai'a, nellengai'a nhan, kakpota ketlhengkap hengelpasmekhak ennengko'o m'a, ka ktemo nak ennengko'o hengelpasmekho Eniapom kanhan Apketka Jesucristo.

1 Corintios 10:13

Koka lhamakho nak akientalhnema apkelvetai'a ketlhengkap ntemengkek na m'a aplhamakho enenlhet, meniankehek hata Eniapom Neten na nkoiavangkok aliaqhapma akientalhnema akvakmo akvo'o la mankolelianmommalhko, eliephongveskamhok hato ka nhan ma'a Eniapom Neten neksa akvai'a akientalhnema nak aniem'o hempasmoma mota.

Romanos 8:28

Neliavek ennengko'o Eniapom Neten apkelpeneskasavek lhamakho qaselha kakpota nkoltaqmelkesek apkellangiemhaikama apkellelto nak apkellasekhai'o, Eniapom Neten apkellavekama nhan kakpota elieplavkesek na apkellanemakha la etnangkok ma'a.

Apocalipsis 19:11

Ka asvet'o lhta akmaihakho neten ma'a, apiangke lhta lhema etanlheng akmopai'a m'a. Apto lhta apkanantema m'a apvesai'a metka apietnekho hempasmoma, kakpota nhan apto iokhalhmek ankek. Apte lhta mota apveske apeivomo, apkennapommap nahan.

1 Juan 1:7

Koka nellava la atsak'elha lhma ennengko'o, malha aptonak Eniapom Neten apnek nhan atsak'elha lhma m'a, nentangkek nelpasmekha engankavek nenieseksa ennengko'o m'a, kanhan apketka Jesucristo ema apankok alalhnaskama engelvalho'ok malha alpaiseiam aniem'o qaselha ngkollatsekama nellanekamok.

2 Corintios 1:18

¡Koka have ennengko'o nentaiangkolha aktonak ma'a, hai, nlho ka la mma'! Apiavek Eniapom Neten have niapak ankek astakha nak alheianma.

1 Pedro 5:10

Koka apkelvaskapo la akiakvatakho nkek apkellengaiangko akientalhnema, eltemeskesek hata nhan apkelpeivomo Eniapom neten ma'a, eliennakteksek hata nhan, elteniaskesek hata nhan apiempeiok, ellangkok hata nhan apkeliangveiakmo aktemakha apkelvetai'a. Hai, etnek hata Eniapom Neten ma'a ngkanek avanhek apkellamelaiam ketlhengkap ma'a, apkeliekieskek na kakpota elpasengvomok aktakmelakha nkek nkotnengvaiam annelha apkelpasmekha Jesucristo.

1 Juan 4:13

Neliavek ennengko'o nengelpasmekha engankavek Eniapom Neten ngkanek hengellaiangke lhta Espíritu apankok.

Hebreos 11:11

Mang nak nanek na ei'askeiakmok Abraham aktemakha apeneskamo apaivoma Eniapom Neten eteskesek hata apketka, ka nkeniemai'ak ma'a akvektamo mokhom apiennaktema m'a kakpota etak apketka neksa aptema apvaneiam, kanhan aptava Sara aktema iennaktema naie'.

Romanos 9:24

Koka ietangvalhva nak ennengko'o niekhe m'a nengelelto judios kakpota nhan metnangko nak judios nenlhamakho nengelelto hengellavekama Eniapom Neten.

Romanos 8:30

Hai', lhennenga apkeliekieskama Eniapom Neten ma'a, netamen apkellaveiangka nhan, apkeltemeskeskamo nhan apkelpeivomo, apkeltemeskeso nhan neten apankavek apkeliaspommap ma'a.

Galatas 2:20

kolhva koka alhelhma mota Cristo, have ehenkok ehenkek askaniemhaikama nak, ka lhamakho qaselha nak askelanai'a neksa askaniemhaikama aniem'o m'a moi'askeiam Eniapom Neten Apketka, heiasekhai'o nhan, apkaiangko akvakmo apmatno aniem'o ko'o.

Hebreos 3:14

Ampakhasekha nke lhta mongeliaskeiam ennengko'o Cristo m'a, ka nelvaskapo la nhan akiennaktema mongeliaskeiam akvakmo aktakha nnelha aknem, netamen angelpasmekhak hata ma'a nenlhamakho qaselha apankok Cristo m'a.

2 Tesalonicenses 2:14

Apkellavekama lhta Eniapom Neten aniem'o nhan ania'a aktaqmanma neleltennaskama sekhe lhta kakpota elpasengvomok ma'a apientalhnemo apveske engankok Jesucristo.

Juan 17:21

Eniapom, askeltavek na elpasmakpok ma'a ka kto nak ennengko'o malha enlhema, netamen hengelpasmekhak hata nhan ennengko'o m'a kakpota meliaskamek hata enenlhet apto lheiap heiapaskama.

Tito 1:2

alel·halhanma apvalho'ok na etlhevangkok hata aliennaktema apnenio'ok mankotnengvaianlha nnelha, apeneskamo lhnak nanek aplheianma ellangkok hata Eniapom Neten ma'a, tep nak nanek ampai'osekha nkek aknem aklhengama aplheianma ellangkok ma'a.

Efesios 3:6

Lhennenga akpeneskama aklhenaikama apvalhok elanak ma'a, eniankesekhak metnangko nak judios kanhan judios nkotnekhak malha lhema apkeliokha m'a aniem'o aptaikamok apkelpasmekha Cristo Jesús aniem'o nhan apkellengai'a ania'a aktaqmanma. Etlhevangkok hata nhan ma'a metnangko nak judios lhamakho aktemakha qaselha altaqmanma apeneskamo lhta apaivoma Eniapom Neten ellangkok hata m'a qaselha apkennemolhema apanke ko Israel.

Hebreos 6:18

Hai, meiaqmonkasekhek hata Eniapom Neten hanet qaselha nak aplheianma ngkanek mamma nkek apmopvana ania'a m'a. Nenlhamakho nengelelto nenteniaikamok hengeltaqmelkeskama Eniapom Neten ntasek nkolhnangkok alel·halhnekama engelvalho'ok angetlhevangkok hata qaselha aplheianmo Eniapom Neten hengellangkok hata.

Hebreos 3:1

Ketlhengkap elialheng'a, apkelpokkanma, apkellavekama lhta nhan Eniapom Neten, ka nkeniemai'ak ntasek nkolietnama apaqto'ok amota aptemakha lhta Cristo Jesús. Netlheianmo na mota ennengko'o apto apkapaskama Eniapom Neten kakpota nhan apto apiav'akha sacerdote m'a.

Hebreos 2:17

Nkaimommalhke lhtoka etnekhak sekhek enenlhet apankek elhnesakpok na apkelialheng'a, nkaimommalhke lhta nhan enietsepok apkeliaqmoiekha la m'a kakpota etnek apiav'akha sacerdote. Apkelietnai'o lhta nhan napaqta'a enenlhet'avok, apkeliehekho nhan Eniapom Neten neksa apkasennaikama m'a. Apiephongveiakmo nhan kakpota nkolhek na altemeskesangkankek apkellanekamok ngkollatsekama enenlhet'avok lhmankek ham.

2 Timoteo 1:9

Eniapom Neten hengelvongkeskangkek tep, hengeliekieskangkek nahan kakpota antangkok apkennemolhema hengelpokkanma, ma lhta niekhe hengelietemo ennengko'o m'a, koka tep nak nanek metka nnelha aktepekamo mota apeneskamo hengeltaqmelkeskesek hata nellaniemhaikama apmahai'o eniapaksek ma'a Cristo Jesús.

Galatas 1:15

Nkaqhok koka m'a Eniapom Neten heliekieskangke panke amanie asmahai'a atiemok av'alhok meme aniem'o aktaqmanma nkek helanei'o, apmahai'ak na heteskesek Apketka kakpota heiapaksek ma'a aleltennasangkok apvesai'a apieseksek metnangko nak Judios. Ma lhta ateniaikama enenlhet hetlhekmoskama la'a,

1 Corintios 10:16

Nenienaiangkek ennengko'o mota nohaikok akieplomo vino aktaqmanma akietkesammalhka m'a ema apankok Cristo, aniem'o nhan nelpasmekha m'a. Neliapteiangkek na, nentoiangko nhan pan akietkesammalhka koka nhan apiokha m'a aniem'o nhan nelpasmekha m'a.

1 Corintios 1:30

Apkeliepetkasakhe lhta ketlhengkap Eniapom Neten Cristo, apto m'a malha apkeliangveiakmo apanko'ok, apkeltemeskeskamo nhan apkelpeivomo aniem'o m'a. Apkelpokkanmo nhan kakpota etnangkok Eniapom Neten apkennemolhema, apkel·hatsoskekho nhan neksa anmaikama moniamolhma.

Romanos 11:17

Apkellelto nak judios malha aktengok anak iamet akvesai'a olivo, moklhem'a koka nnemak aliaqtemanmo m'a, ka akno lhta aliepetkeskaiakmo ketlhengkap ma'a metnangko nak judios, malha aktengok apkelleniem'o m'a mo'ok iamet olivo amhama nalhma. Kolhva koka nietnek aliennaktema m'a aniem'o alpetsesma iemmen aikapmen'ok kakpota nhan aieivo'ok ma'a iamet anak.

Colosenses 1:24

Mpaihakhek ko evalhok aklengangko akmaska asiokha nak aniem'o hellasennaikama ketlhengkap, ngkanek asavhok hata aktemakha lhta aplengaiangko Cristo aniem'o nkotaqmelekha ta iglesia, ngkanek malha Cristo apiokha ntak ma'a iglesia.

2 Timoteo 2:13

Niekhe mangelieplavkeskama la nentangkolha netlheianma, koka m'a Cristo eieplavkesek hata mota aptemakha aplheianma m'a ngkanek aptemakha apankek ma'a.