1 Corintios 1:5 - Nuevo Testamento Toba Maskoy

⁵ Apkellangkek na Eniapom Neten akiavai'a nkek apkeliangveiakmo kanhan apkenmopvanka'a etlhenek apvesai'a m'a aniem'o nhan apkelpasmekha Cristo Jesús ketlhengkap.

1 Corintios 1:5 Referans Kwoze

2 Corintios 9:11

Nkolhnangkok hata nhan lhamakho aktemakha nkeskama qaselha ketlhengkap kakpota ellangkongvomok metka apkenmeiavkesammakpo qaselha apanko'ok. Ennengko'o toka angelletsakhak hata alpasmoma apkellankesaikokha lhta ketlhengkap, avanhek hata nhan etnangkok gracias Eniapom Neten engelialheng'a m'a apkellelto apketlhevai'a.

2 Corintios 8:7

Avanhek ankek apkellanekamok qaselha altakmanma ketlhengkap, ka kto nak meliaskeiam, aktaqmanma apkelpaqmetekama, apkeliangveiakmo, akmases apvalho'ok neksa apkenmakmekama, hengellasekhai'o nhan ennengko'o. ¡Elienlhanmamok hata nhan eliavenkasangkok tep mokhom patakkom apkellankesekha kakpota elpasmok po'ok aniem'o apkellasekhai'o!

Colosenses 2:3

apto akietnema m'a akiavai'a nak nenianveiakmoho, neniekpelkemo nhan kakpota hengellangkok ma'a.

Filipenses 1:9

Askenmalhnema nhan Eniapom Neten elvanengkeskesek apkellasekhammakpo apieseksek anak ketlhengkap, kakpota nhan ellangko aknema apkeliamo kakpota eliangvomhok na

Romanos 15:14

Ketlhengkap elialheng'a, asiave ko'o apkeliamolhma apankavek ketlhengkap, apvanka'ak na eleltennasangkok po'ok.

Santiago 3:13

Apno la lhema enenlhet apieseksek anak ketlhengkap aklheianma mota apvalhok apkanema eihok lhamakho qaselha, ntasek elvetaskesek ma'a nkotalhkak na apkelanai'a qaselha altaqmelo akieplomo koka nhan nalhepek apvalhok aniem'o aknema apiamo.

Colosenses 3:10

Kolhva koka alhnankok apvalho'ok nlhenkek na akvanekamok lhamakho aknem akvaiakmo aknakho aptaiangkolha Eniapom Neten apto lhta apkelanai'a enenlhet, nlhenkek na akvakmo apkeliekpelkangvakmo ta apiokho nkek ma'a.

Efesios 6:19

Ko'o nhan helelmalhneskes kakpota heiangkok aspaioma Eniapom Neten asmopvana apaiaksek ania'a aktaqmanma akielhammalhka apeneskamo lhta apaivoma m'a, akieplomo asteniai'o eiempek, metka askai'a nhan aspaieskama ania'a aktaqmanma.

Efesios 1:17

Askelmalhneskaskek Eniapom Neten apto Apveske Jesucristo Apveske engankok, ellanesangkok apvalho'ok nenianveiakmo kakpota m'a nkoveskak aktemongveiam iokhalhmek ankek apkeliangveiakmo aptemakha m'a.

1 Corintios 12:8

Napokha nhan apketlhevangkok apkenmopvanka'a kakpota elpaqmetek nema apkeliamo aniem'o m'a vanlha lhema Espíritu, napokha nhan apketlhevangkok apkenmopvanka'a kakpota elpaqmetek ngkeskama apkeliangveiakmo m'a aniem'o koka nhan nheklhek ma'a Espíritu.

2 Pedro 3:18

Ntasek koka elvanengkesek lhamakho aknem nengamelaiam anak kanhan nenianveiakmo apkellaikamo lhta apveske engankok kanhan apto henvonkeskama tep Jesucristo. ¡Angeltakneskasangko toka apvesai'a m'a nenvanlha nak kanhan emanie nak metka nnelha! Amen.

Efesios 3:8

Hai, nalhepek anke niekhe ko'o, moientalhnemo nhan apieseksek anak apkelpokkenammap, nkaqhok koka heiaiangkek aktaqmanma nkek asmakmekama apieseksek anak metnangko nak judios, askeltennaikama ania'a aktaqmanma aktemakha akiavai'a nkek qaselha altaqmelo apmahai'a hengellangkok ma'a Cristo.

Efesios 2:7

kakpota elvetak hata aplhamakho enenlhet'avok aktaqmanma nkek apkellanei'o Eniapom Neten, akiavai'a nkek apkelpasmoma apkellelto nak apkelpasmekha Cristo Jesús.

1 Corintios 13:2

Askapvanko la nhan alhenek aktakha la Eniapom Neten apaivoma, aihok na ania'a akielhammalhka akientalhnema nak aniangvomhok, ngkoitek na asiangveiakmo lhamakho qaselha. Akietno la nhan akiavai'a nkek moi'askeiam angvakteskesek akhaiam metaimong la akiavai'a, ¡aqhemo koka m'a, motnek ko'o asiaspommalhka m'a metko la m'a askasekhai'o emo'ok!

2 Corintios 4:6

Aptepkeskangkek nak nanek Eniapom Neten apommatema neksa ienaqtesakha lhma, aptepkeskangkek na apommatema engelvalho'ok anak kakpota nkoltetkesek enenlhet'avok netlheno la'a ania'a aktemakha aplhenammap Cristo, netamen hata nkotlhene ta apvalho'ok Eniapom Neten apto akietnema akiavai'a apmopvana m'a.

1 Corintios 14:26

Elialheng'a, hata apkaknakho ta nempaivoma alhankok ketlhengkap, ntasek ma'a napokha ennekmasangkok salmos, napokha ta nhan etlhekmosangkok, napokha ta nhan etlhenek Eniapom Neten apaivoma, napokha nhan elpaqmetama mo'ok nempaivoma melioho nak, napokha nhan apkelpeivesekha m'a. Elienlhanmamok hata apkeltakmelkeskeskama la apkellangiemhaikama po'ok.

1 Corintios 13:8

Mangkavankek nkomaskengvomok nengasekhai'o nak, koka nkomaskengvomok hata m'a nemmopvana nak anlhenek ania'a aniem'o Eniapom Neten, nkomaskengvomok hata nhan ma'a nenmopvana angeliatama mo'ok apkelpakmeiasma manioho nak mokhom, nkomaskengvomok hata nhan ma'a nenianveiakmo nak qaselhaha.

1 Corintios 12:10

Napokha koka apketlhevangkok apkenmopvanka'a ellanangkok qaselha hempelapkeskama, napokha nhan apketlhevangkok apkenmopvanka'a etlhenek ania'a aniem'o Eniapom Neten, napokha nhan apketlhevangkok apkenmopvanka'a eliekpelkok espíritus melatsekama kanhan Espíritu aptaqmanma. Napokha nhan apketlhevangkok apkenmopvanka'a elpaqmetama nempaivoma melioho nak mokhom, napokha nhan apketlhevangkok apkenmopvanka'a kakpota elpeivesekhak ma'a nempaivoma melioho nak mokhom.

1 Corintios 8:11

Nkotvaksek hata m'a aniem'o apiangveiakmo nak lheiap ma'a. Mangkolatsema nkek ma'a ngkanek apkamelaiam Cristo enenlhet anak.

Romanos 15:4

Lhamakho aktemakha nak aktalhesammalhka Vakkahak Eniapom Neten Apaivoma kakpota hengetlhekmoksek ennengko'o m'a, akpaieskaiam engvalho'ok, hentemeskeskama nhan metka nempekheskama, hengaikamok na al·halhnekama engvalho'ok angelvetak aktaqmanma.

Romanos 11:12

Ka kno la altakmelkeskaso apkellangiemhaikama metnangko judios anak aniem'o meleliehekho judios kakpota nhan apalleiam, tep ankek hata ngkotnek altakmanma apkellangiemhaikama metnangko judios akvo'o ta aknem Eniapom Neten apkenmekho takha m'a judios.

Hechos 2:4

Apkelapvei'o lhnak na aplhamakho Espíritu Santo m'a, ka ampai'akha lhnak apkelpaqmetekama mo'ok apkelpaqmeiasma aniem'o m'a Espíritu.

2 Corintios 6:10

Malha anmaiosak'a engelvalho'ok hengeltemeskeskamak ma'a, koka avanhek ankek alpaihekha engelvalho'ok. Lhamakho aknem nellaniemhaikama metka qaselha engankok, koka nkaqhok nelpasmongkek enenlhet'avok kakpota etlhevangkok akiavai'a malha aknema apkelletsekama la'a aniem'o ania'a aktaqmanma nelpaieskama. Malha nhan nentaiangkok enenlhet la metka apkelletsekama, koka nnaiangkek niekhe qaselha alaimommalhkelha la'a ennengko'o.