Yudas 1:13 - Kaili Ledo

¹³ Ira nasimbayu mpo balumba mbaso niburu mpoiri, bo pokainggura anu nepakaeya nasimbayu mpo rumpu bo bura natapa nitompesaka ri talinti. Ira nasalandala lako ri dala nakana nasimbayu mpo betue-betue mpolinja ri langi ledo nangoseaka dala nipakatantu ka ira. Jadi nipakasadia nTupumo ponturo nalanda mpirika ka ira sampe ri kasae-saena.

Yudas 1:13 Referans Kwoze

2 Petrus 2:17

Guru-guru mpodava haitu nasimbayu mpo mata nu uve naotimo. Ira nasimbayu mpo kulimu vuri aga niburu mpoiri narimboso. Alatala nompakasadia ponturo nalanda mpirika ka ira.

Filipi 3:19

Tona ivehaitu ranavusaka ri narakaa, sabana aga dotara mboto anu nadaa nisombara. Anu nipoeya, haitumo nioera sabana aga anu ri dunia hitu nipekirikara.

Pompakita 20:10

Maupu haitu Magau nu Seta anu nombabagiu ira ratedaka riara ntasi apu navaya ante vatu-vatu colonggata narega. Haitumo ponturo nipotedaka binata nadaa bo nabi mpodava nokolu. Hamai, eo bongi ira rapandasa sampe ri kasae-saena.

2 Timotius 3:13

Tona nadaa bo topebagiu aga mantambai kadaana. Ira mombabagiu tona ntanina bo ira muni rabagiu.

Pompakita 21:8

Aga tona naeka mangoseaka Yaku, atau ledo niparasayana Yaku, bo tona nadaa pokaingguna, topepatesi, tona nokainggu nabuga, topedoti, tona nombasomba tupu-tupu ntanina, bo pura-pura topodava, ira pura-pura kana rahuku riara ntasi apu anu navaya ante vatu-vatu colonggata. Haitumo niuli kamatea karongganina.”

Yudas 1:6

Tora muni malaeka-malaeka nTupu nggaulu. Sanu ira ledo naosa rarara nte kuasa nipakatantu nu Alatala ka ira, sampe nipalaisira ponturora ri suruga. Ira nitarunggu nu Alatala ri ponturo nalanda mpirika bo nipou ante rante anu ledo namala rapudusi. Bo ira ledo rakabasaka sampe makava tempona ira rahuku ri Eo Potangara bara maipia.