Yohanes 9:40 - Kaili Ledo

⁴⁰ Naria bara sako-ndua toFarisi neangga ri sia bo niepera i Yesus nanguli ivesia, nekutanamo ira, “NisarumakaMu kami hii naburo muni?”

Yohanes 9:40 Referans Kwoze

Pompakita 3:17

Komiu nanguli, ‘Kami hii nakalumanamo, nagana puramo katuvu kami, domo kami paraluu nuapa-nuapa.’ Tapi kakanana ledo nisanimiu katuvumiu mboto! Komiu nelabi napakasi. Katuvumiu aga nipoasi mata ntona. Komiu napakasi mpuu, naburo matamiu, bo novuloamo komiu.

Yohanes 9:34

Nesana ira, “Hih! Iko tu todosa mami lako ri pompoanaka! Ledo ntoto masipato iko mompatuduki kami!” Jadi nompamula lako ri eo haitu, domo nidekeira tona haitu metupu ri banua petupu.

Yohanes 9:41

Nesana i Yesus, “Ane rapana komiu naburo mami, natantumo ledo nadosa komiu. Tapi komiu nanguli namala nekita. Haitu sampe komiu bate-batena nadosa.”