Yohanes 9:39 - Kaili Ledo

³⁹ Nanguli i Yesus ka ia, “Patuju kakavaKu ri dunia hitu ala mompakalanto sala ntona ala tona naburo mamala mekita, bo tona nisarumakana nekita, majadi maburo.”

Yohanes 9:39 Referans Kwoze

Yohanes 3:19

Ana nu Alatala nakava ri dunia eva reme nombavanta kalandana, tapi ira nihuku sabana nipokonorapa kalandana pade karemena apa pokainggura nadaa.

Yohanes 12:46

Yaku tumai ri dunia mompakareme manusia, ala isema-sema momparasaya Yaku domo monturo ri kalandana.

Suro-Suro 26:18

Kutudu iko hau mombabuka matara, ala ira domo matuvu ri kalandana tapi matuvu riara reme nu Alatala, ala ira rakabasaka lako ri kuasa Magau nu Seta bo matundu nte Alatala. Bo dosa-dosara raampungi bo ira majadi todea nu Alatala anu nipelisiNa, sabana pomparasayara Yaku.’ ”

Yohanes 8:12

Naupu haitu nanguli vaimo i Yesus ka todea, “Yakumo hii reme dunia. Isema-sema mangoseaka Yaku ledo matuvu ri kalandana, tapi manggava reme anu mombadekei katuvua mabelo.”

1 Yohanes 2:11

Tapi tona navuu matana nte sampesuvuna sampomparasaya, ia batena naria riara kalandana. Ia nasimbayu mpo tona nolipa riara kalandana, bo ledo nisanina hau ri umba rakalauna sabana kalandana haitu nompakaburo matana sampe ia ledo namala nekita.

Lukas 4:18

“Nosa Gasa nu Alatala naria nte Yaku, sabana Iamo nompelisi Yaku manggeni Kareba Belo ka tona napakasi. Ia nomposumba Yaku mangulika tona nitavani, rakabasaka. NituduNa Yaku mangulika tona naburo, mamala mekita mpanjili. NituduNa Yaku mombakabasaka tona nipobatua.

1 Petrus 2:9

Tapi sampesuvu-sampesuvu, komiu ledo mpo ira haitu. Komiumo todea nipelisi nu Alatala. Komiumo nipelisi majadi mpo topanggeni pesomba anu mantulungi magau. Komiumo todeaNa nipatani ka Ia, komiumo najadi bagiaNa. Komiu nipelisi nu Alatala mompatolele panggaviaNa anu nipokumaaka ka tona ntanina. Iamo nompokio komiu mesuvu lako ri kalandana ala matuvu riara karemeNa anu nabelo mpuu.

Efesus 5:14

Bo pura-pura anu rapakalanto ivesia, mabali majadi mareme. Haitumo batuana tesa niuli ivei: “Pembangumo komiu anu namonjo. Pembangumo lako ri tatanga ntomate, Bo reme i Kristus mombavanta komiu.”

2 Korintus 2:16

Ane tona rapakasalama, kami nienga mpo soa navangi mpuu, apa Kareba haitu nanggeni katuvua nabelo ka ira. Ane tona rapakaropu sabana nisapuakara Kareba haitu, kami mpo soa ntomate, apa Kareba haitu nompakatantu ira mamate bo rapopogaa lako nte Alatala. Isema mompakule mantui pokarajaa ivehaitu? Natantu nangoseaka pompakuleta mboto ledo ria saitoa.

Yohanes 9:25

Bo nesana toburo haitu, “Ledo nisaniku bara nadosa Ia bara ledo. Tapi anu nisaniku, pangane yaku naburo, tapi hitupa nekitamo mataku.”

Yohanes 8:15

Komiu nompakasala tona nangoseaka pompekirimiu mboto. Yaku ledo nompakasala tona.

Yohanes 3:17

Apa patuju nu Alatala nombatudu AnaNa makava ri dunia hitu, ledo ala mombahuku manusia tapi ala ira rapakasalamaNa.

Lukas 13:30

Pariaramo! Nadea tona naripuri sii-sii, majadi marikolu. Bo nadea tona narikolu sii-sii, majadi maripuri.”

Lukas 7:21

Tempo haitu i Yesus nompakabelo todea bo nompopalai seta lako ri karo ntona, bo nadea muni toburo nipakabeloNa sampe namala ira nekita mpanjili.

Lukas 2:34

I Simeon nosambaya merapi Alatala mombadekei belo ka ira. Niulikana i Maria, tina nu Ngana haitu, “Ngana hitu mpuu-mpuu nipelisi nu Alatala ala madea toIsrael manavu sabana Ia, tapi madea toIsrael ntanina rapakasalamaNa. Ia majadi tanda lako nte Alatala tapi madea tona mangeva Ia.

Matius 11:5

tona naburo nekita, tona napunggu nolipamo, tona nadua oge nipakabelomo, tona nabongo neepemo, tona namate natuvu mpanjilimo, bo Kareba Belo lako nte Alatala nipatolele munimo ka tona napakasi.

Matius 6:23

Tapi ane navurau matata, ledo nalanto nikitata nuapa-nuapa. Ivesia muni pekiri rara ntaita. Alatala nompakareme rara ntaita, jadi ane reme nidekei nu Alatala ka kita majadi malanda, malanda mpuumo kalandana haitu!

2 Tesalonika 2:10

Rapakena mpengaya akala nadaa mombabagiu tona anu masipato mami mamate bo rapopogaa lako nte Alatala. Ira mamate bo rapopogaa lako nte Alatala sampe ri kasae-saena sabana ira ledo nadota mantarima bo mompotove pepatuduki nakana lako ri Alatala, anu nompakule mompakasalama ira.

Matius 15:14

Jadi palambakamo toFarisi haitu. Ira eva pakeni naburo. Ane tona naburo mombanini toburo ntanina, natantu ira randua manavu mpasanggani riara lovu.”

Yohanes 12:31

Sii-sii nakavamo tempona dosa nu manusia ri dunia ratangara. Sii-sii temponamo Magau nu Seta anu nakuasa ri dunia, radagi.