Yohanes 8:58 - Kaili Ledo

⁵⁸ Nesanamo i Yesus, “Pariaramo tesaKu. Dopame i Abraham nipoanaka, naria mamimo Yaku!”

Yohanes 8:58 Referans Kwoze

Kolose 1:17

Dopame naria dunia, naria mamimo i Kristus. Bo pura-pura anu naria, nikeniakaNa bo nipasiayuNa ante kuasaNa.

Yohanes 17:5

Tata, hitupa dekeimo kuasa bo kaoge ka Yaku ri situ nte Komiu, haitumo kuasa bo kaoge anu naria nte Yaku tempo Yaku nosanggani-nggani nte Komiu dopame dunia nipajadi.”

Pompakita 1:8

Tupu Alatala nanguli, “Yakumo hii Pamulana bo Kaupuna. Yaku naria mamimo lako ri lamba pamulana, Yaku naria sii-sii bo Yaku batena maria sampe ri kasae-saena. Yakumo toNeliu KakuasaKu.”

Ibrani 13:8

Toramo! I Yesus Kristus ledo nabali-bali, lako ri nggauluname sampe sii-sii bo sampe ri kasae-saena.

Yohanes 17:24

Tata, anu nipodotaKu ala tona nidekeiMiu ka Yaku haitu mamala mosanggani-nggani nte Yaku ri ponturoKu ala rakitara kuasaKu bo kaogeKu. Kuasa bo kaoge haitu nidekeiMiu ka Yaku, sabana nipotoveMiu Yaku lako ri lamba pamulana dopame dunia nipajadi.

Pompakita 2:8

Naupu haitu nitudu Ana nu Manusia vai yaku motulisi ka malaeka anu nanggeniaka todea topomparasaya ri ngata Smirna ivei: “Hitumo tesa lako nte Yaku anu niuli Pamulana bo Kaupuna, anu namatemo bo natuvu mpanjili.

Yohanes 8:51

Pariaramo tesaKu hitu. Isema-sema mangoseaka tesaKu ledo mamate sampe ri kasae-saena.”

Pompakita 1:11

Suara haitu nanguli ivei: “Tulisimo anu mukita bo pakatu ka todea topomparasaya nonturo ri pitu ngata, haitumo ngata-ngata Efesus, Smirna, Pergamus, Tiatira, Sardis, Filadelfia bo Laodikia.”

Yohanes 8:34

Nesana i Yesus ka ira, “Pariaramo tesaKu hitu. Isema-sema novia dosa, iamo nipobatua nu dosa.

Yohanes 8:24

Haitu sampe niuliKu ka komiu, komiu mamate bo rapopogaa lako nte Alatala sabana dosamiu. NiuliKumo isema Yaku. Ane ledo raparasayamiu tesaKu haitu, komiu mpuu-mpuu mamate bo rapopogaa lako nte Alatala sabana dosamiu.”

Yohanes 8:28

Haitu sampe niuliNa vai ka ira, “NiuliKu ka komiu isema Yaku. Bo maupu komiu manganggataka Yaku, Ana nu Manusia, ri kayu salib, tempo haitu pade rasanimiu tesaKu hitu nakana bo rasanimiu muni ledo ria sangayaa nipoviaKu nangoseaka dotaKu mboto. Tapi Yaku bate-batena notesa nangoseaka anu nipatuduki nTuamaKu ka Yaku.

Yohanes 10:25

Nesana i Yesus, “NiuliKumo ka komiu, tapi ledo niparasayamiu. Kabaraka-kabaraka nipoviaKu ante kuasa lako nte TuamaKu nompopaisani ka komiu isema Yaku hii.