Yohanes 8:25 - Kaili Ledo

²⁵ Bo nekutana vaimo toYahudi, “Kakanana, isema tano Iko?” Nesana i Yesus, “Domo ria gunana Kutesa ka komiu!

Yohanes 8:25 Referans Kwoze

Yohanes 8:12

Naupu haitu nanguli vaimo i Yesus ka todea, “Yakumo hii reme dunia. Isema-sema mangoseaka Yaku ledo matuvu ri kalandana, tapi manggava reme anu mombadekei katuvua mabelo.”

Lukas 22:67

Niulikara i Yesus, “Ane iko mpuu-mpuu Magau Topepakasalama, ulimo ka kami!” Nesana i Yesus, “Nau damo Kupesanaka, ledo raparasayamiu tesaKu,

Yohanes 19:9

Jadi nesua mpanjilimo ia riara banuana bo i Yesus muni nikeni nesua. Nekutanamo i Pilatus, “Tona lako ri umba Iko?” Tapi ledo nesana i Yesus.

Yohanes 1:22

Bo nanguli vaimo ira, “Ane ivesia, uli ka kami isema kakanana komiu ala mamala ratesa kami ka tona nantudu kami tumai. Kakanana isema komiu?”

Yohanes 10:24

Bo nakavamo pakeni ntoYahudi nantagui Ia hamai. Nekutanamo ira, “Sampe maipia Iko mompakaingu kami? Ane Iko mpuu-mpuu Magau Topepakasalama anu nijanji nu Alatala, uli pakalanto ka kami!”

Yohanes 1:19

Pakeni-pakeni ntoYahudi ri ngata Yerusalem nantudu bara sako-ndua topanggeni pesomba bo toLewi hau nte i Yohanes Topediu mompekutana ia ivei: “Isema kakanana komiu tutu?”

Yohanes 8:24

Haitu sampe niuliKu ka komiu, komiu mamate bo rapopogaa lako nte Alatala sabana dosamiu. NiuliKumo isema Yaku. Ane ledo raparasayamiu tesaKu haitu, komiu mpuu-mpuu mamate bo rapopogaa lako nte Alatala sabana dosamiu.”

Yohanes 8:26

Da nadeapa mamala Kuuli mompakasala komiu, tapi ledo Kuuli. Aga anu niepeKu lako nte Ia anu nantudu Yaku, haitumo Kutesa ka manusia ri dunia. Bo Ia namala raparasaya.”