Yohanes 8:22 - Kaili Ledo

²² Nangepe haitu, nosiulikamo pakeni ntoYahudi, “Bara Ia mopatuju mompatesi karoNa mboto, sabana niuliNa kita ledo mamala hau ri ponturo rakalauNa.”

Yohanes 8:22 Referans Kwoze

Yohanes 8:52

Nangepe haitu nanguli toYahudi ka i Yesus, “Hitupa nisani kamimo nipesua nu seta mpuumo Iko! I Abraham bo nabi-nabi nggaulu namate puramo. Tapi panguliMu, isema-sema nangoseaka tesaMu ledo mamate sampe ri kasae-saena!

Yohanes 8:48

Nangepe tesa haitu, nangulimo toYahudi ka i Yesus, “Hm! Nakana mpuu niuli kami! Iko nipesua nu seta! Iko nasimbayu mpo toSamaria naruto!”

Ibrani 13:13

Sabana haitu, kita kana mesuvu hau nte Ia ri savaliku ngata, nasadia rasalai nosanggani-nggani nte Ia. Batuana, kita kana mombakabasaka anu nioseakata nggaulu bo aga momparasaya i Yesus, nau bara isema manjalai kita.

Ibrani 12:3

Pekirikamo kasusa nirasai i Yesus. Ia nieva ntona nadosa anu mpuu-mpuu navuu matara nte Ia. Pekirikamo Ia ala ledo masau raramiu bo ledo maupu raramiu momparasaya.

Yohanes 10:20

Nadea ira nanguli, “Ia haitu nipesua nu seta! Nagila ntotomo Ia! Rapokuya raepeta tesaNa?”

Yohanes 7:35

Nangepe tesa i Yesus haitu, naingumo pakeni ntoYahudi. Nosimpekutanamo ira, “Hau ri umba tano Ia sampe ledo rakavata Ia? Bara hau nte toYahudi anu nonturo ri ngata-ngata ntona ledo toYahudi bo mompatuduki tona ledo toYahudi?

Yohanes 7:20

Nesanamo tona dea haitu, “Iko nipesua nu seta! Isema nompasimbuku mompatesi Iko?”

Yohanes 1:19

Pakeni-pakeni ntoYahudi ri ngata Yerusalem nantudu bara sako-ndua topanggeni pesomba bo toLewi hau nte i Yohanes Topediu mompekutana ia ivei: “Isema kakanana komiu tutu?”