Yohanes 7:6 - Kaili Ledo

⁶ Nesanamo i Yesus, “Dopa tempona Kupopakita karoKu. Ane komiu, ledo nompetempo ane maria loga hau,

Yohanes 7:6 Referans Kwoze

Yohanes 7:8

Koimo komiu ri posusa haitu. Yaku dopa hau, sabana dopa nakava tempoKu.”

Yohanes 2:4

Nanguli i Yesus ka tinaNa, “Ina, nakuya niulimiu ka Yaku? Dopa nakava tempona Yaku mompopakita kuasaKu.”

Yohanes 7:30

Nangepe haitu, nipasimbukura mombasaka Ia. Tapi ledo ria saitoa nompakule nombasakaNa sabana dopa nakava tempona nipakatantu nu Alatala.

Yohanes 17:1

Naupu i Yesus notesa ivesia, nitingoaNamo langi bo niuliNa ivei: “Tata, nakavamo tempona! Popaisanimo kuasa bo kaogeKu ka tona ala Yaku, AnaMiu, mamala mompopaisani kuasa bo kaogeMiu.

Yohanes 13:1

Tempo haitu naparamo Eo Mbaso Paskah. Bo nisani i Yesus naparamo gantana rapalaisiNa dunia hitu bo manjili hau nte TuamaNa. Ia mpuu-mpuu nompotove ira anu najadi todeaNa ri dunia bo nipotoveNa sampe ri kaupuna.

Yohanes 8:20

Tesa i Yesus haitu nitesaNa ri doyata Banua nu Alatala tempo Ia nompatuduki tona napara peti pomboli doi pesomba. Ledo ria saitoa tona namala mombasaka Ia sabana dopa nakava tempoNa.

Matius 26:18

Nesana Ia, “Koimo hau ri ngata Yerusalem nte i Yanu, bo uli ka ia ivei: ‘I Guru nanguli, naparamo gantana makava nte Ia. Ia madota mangoseaka Eo Mbaso Paskah ri banuamu mosanggani-nggani ante ana-anaguruNa.’ ”

Suro-Suro 1:7

Nesana i Yesus, “Aga TuamaKu nakuasa mompakatantu eona bo jaana. Ledo paraluu rasanimiu.