Yohanes 7:41 - Kaili Ledo

⁴¹ Bo naria muni sanu ira nanguli, “Ia hitumo Magau Topepakasalama anu nijanji nu Alatala!” Tapi naria muni sanu tona nanguli, “Ledo! Magau Topepakasalama ledo makava lako ri bagia Galilea!

Yohanes 7:41 Referans Kwoze

Yohanes 7:52

Nesana roa-roana toFarisi, “Nakuya nisalikukamiu Ia? Komiu muni toGalilea? Paresamo Buku Gasa pakabelo-belo! Rakitamiu ledo ria saitoa nabi meumba lako ri bagia Galilea!”

Yohanes 1:46

Tapi nesanamo i Natanael, “Ah! Ledo nisarumakaku anu nabelo meumba lako ri ngata Nazaret!” Nanguli Filipus ka ia, “Kaimo. Peinta mbotomo!” Bo hau mpuumo i Natanael.

Yohanes 7:31

Tapi nadea lako ri todea haitu nomparasaya Ia. Niulira, “Magau Topepakasalama mpuumo Ia, apa nadea mpuu kabaraka nipoviaNa!”

Yohanes 6:69

Kami nomparasayamo bo nisani kami, Komiumo ToGasa anu nakava lako nte Alatala.”

Yohanes 4:42

Naupu sia, niulikara mombine haitu, “Sii-sii niparasaya kami mpuumo, ledo aga lako ri tesamu tapi niepe kami mbotomo tesaNa. Bo nisani kamimo Ia mpuu-mpuu Magau Topompakasalama manusia.”

Yohanes 4:29

“Kamaimo! Kita hau mompeinta langgai ria anu nombatesa ka yaku pura-pura anu nipoviaku. Bara suga Iamo Magau Topepakasalama anu nijanji nu Alatala.”

Yohanes 4:25

Nesana vai mombine haitu, “Nisaniku kana makava Magau Topepakasalama anu niuli i Kristus. Ane Ia haitu makava, Ia kana motentei pakalanto mpengaya-ngaya ka kita.”

Yohanes 1:49

Nangepe tesa haitu nangulimo i Natanael, “Guru, Komiumo Ana nu Alatala! Komiu mpuu-mpuu magau ntoIsrael!”

Yohanes 1:41

Naliu i Andreas nosinggava nte i Yesus, haumo ia nasalisa nangelo sampesuvuna i Simon bo nanguli, “Kami nosinggava nte Mesias!” (Batuana “Magau Topepakasalama anu nijanji nu Alatala”. Riara basa Yunani “Kristus”.)

Yohanes 7:27

Tapi ledo bara. Apa ane Magau Topepakasalama makava, ledo rasanita lako ri umba kakavana. Tapi tona hitu, nisanita lako ri umba kakavaNa.”