Nesanamo i Yesus, “Yaku nasaro notovontoo notesa ri ngayo ntodea. Yaku nasaro notesa ri banua petupu bo ri Banua nu Alatala, ponturo nikasiromu ntoYahudi. Ledo ria sanggania nitabuniakaKu tesaKu.
Pura-pura poviara aga nipovia ala rakita ntona. Peinta pomboli Tesa Gasa anu nipou ri kirera! Bo peinta, nandoe vera ri bivi bajura mompopakita katutura nangoseaka parenta nTupu!
“Ane komiu mosambaya, nee moinggu eva tona aga nabelo ri sumba. Nipokonora neangga mosambaya riara banua-banua petupu bo ri tatanga nu dala ala rakita ntodea. Pariaramo tesaKu hitu! Nitarimaramo petoiya ntona bo haitumo tambo nu posambayara. Domo ria ntanina.
Bo niulina ka i Yesus, “Ane Komiu mpuu Ana nu Alatala, potingganavumo Komiu lako rahitu hau ri tana. Ledo makuya Komiu sabana riara Buku Gasa nitulisi ivei: ‘Alatala mombatudu malaekaNa mombasaliku Komiu. Ratandera mpale Komiu ala nau kadaMiu ledo mambela vatu.’ ” Mazmur 91:11-12