Yohanes 7:31 - Kaili Ledo

³¹ Tapi nadea lako ri todea haitu nomparasaya Ia. Niulira, “Magau Topepakasalama mpuumo Ia, apa nadea mpuu kabaraka nipoviaNa!”

Yohanes 7:31 Referans Kwoze

Yohanes 12:42

Naupa ivesia, nadea muni pakeni ntoYahudi nomparasaya i Yesus. Tapi ira aga nomparasaya nggalino sabana naeka ira nte toFarisi, nee-nee ira domo radekei metupu ri banua petupu.

Matius 12:23

Nanggita kajadia haitu, nokumaa mpuumo todea hamai sampe nosimpekutana ira, “Bara tona hitumo Muli Magau Daud anu nijanji nu Alatala nggaulu!”

Suro-Suro 8:13

I Simon mboto nomparasaya, bo naupu ia nidiu, nituntunina njuumo i Filipus. Nokumaa mpuu ia nanggita kabaraka-kabaraka bo tanda-tanda nipokumaaka nipovia i Filipus.

Yohanes 11:45

Nadea toYahudi nakava mompakavoe rara i Maria bo nikitara anu nipovia i Yesus. Bo nadeamo ira nomparasaya Ia.

Yohanes 9:16

Bara sako-ndua toFarisi haitu nanguli, “Natantumo i Yesus haitu ledo lako nte Alatala, sabana Ia ledo nangoseaka atura-atura eo penonto.” Tapi naria muni sanu nanguli, “Umbamo tona nadosa mamala movia kabaraka ivehaitu?” Jadi nosisala panggava ira.

Yakobus 2:26

Jadi, sampesuvu-sampesuvu, ane domo naria nosa ri karota, namatemo kita, bo domo naria gunana. Ivesia muni pomparasayata. Ane pomparasayata ledo nasinggeni ante pokainggu nabelo, pomparasayata haitu nasimbayu mpo tomate, domo naria gunana.

Yohanes 12:11

Sabana, naupu i Lazarus nipakatuvu mpanjili, nadeamo toYahudi domo nadota nangoseaka balengga-balengga ntopanggeni agama. Ira aga nangoseaka i Yesus bo nanjarumaka Ia.

Yohanes 6:2

Nadea mpuu tona nantuntuni Ia sabana nikitaramo tanda-tanda nipokumaaka nipoviaNa nompakabelo tona nadua.

Yohanes 4:39

Nadea toSamaria lako ri ngata haitu nomparasaya i Yesus sabana nieperamo tesa nu mombine pangane nanguli, “Ia notesa ka yaku pura-pura anu nipoviaku.”

Yohanes 3:2

Ia nakava nte i Yesus tempo nabongi bo nanguli, “Guru, nisani kami Komiu tu nisuro nu Alatala mompatuduki kami. Sabana, ledo ria saitoa tona mompakule movia kabaraka mpo anu nipoviaMiu tutu ane Alatala ledo nosanggani nte ia.”

Yohanes 2:11

Haitumo kabaraka pamulana nipovia i Yesus tempo Ia ri ngata Kana ri bagia Galilea. Ia nompopakita kuasaNa ante kabaraka haitu bo ana-anaguruNa nomparasaya Ia.

Lukas 8:13

Savua nanavu ri tana navatu, nirapaka tona nangepe Tesa nu Alatala bo nitarimara nte damba rara. Tapi ledo naroso pomparasayara, nasimbayu nte tuda-tuda ledo naroso pokalena. Tempo ira nipesori, nouramo rarara bo domo nomparasaya.

Yohanes 4:29

“Kamaimo! Kita hau mompeinta langgai ria anu nombatesa ka yaku pura-pura anu nipoviaku. Bara suga Iamo Magau Topepakasalama anu nijanji nu Alatala.”

Yohanes 7:26

Tapi peintamo! Ia notesa ri ngayo ntodea bo ledo ria saitoa tona nombabali tesaNa. Nee-nee bara nisani nu pakenita Iamo Magau Topepakasalama anu nijanji nu Alatala!