Yohanes 7:29 - Kaili Ledo

²⁹ tapi Yaku nosisani ante Ia, sabana Yaku nakava lako nte Ia bo Iamo nantudu Yaku tumai.”

Yohanes 7:29 Referans Kwoze

Yohanes 8:55

nau komiu ledo nosisani ante Ia. Tapi Yaku nosisani belo ante Ia. Ane rapana Kuuli Yaku ledo nosisani ante Ia, tantu Yaku majadi topodava nasimbayu mpo komiu. Tapi Yaku mpuu-mpuu nosisani ante Ia bo Yaku natutu nangoseaka tesaNa.

Matius 11:27

Naupu haitu, i Yesus notesa ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani ante Yaku, Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu aga Yaku, AnaNa, bo isema-sema Kupodota, Kupopaisanika TuamaKu ka ia.

Yohanes 17:18

NituduKu ira hau nte tona ntanina riara dunia hitu, nasimbayu mpo Yaku nituduMiu tumai ri dunia.

Yohanes 6:46

Nee rasarumakamiu nariamo tona anu nanggita TuamaKu. Yaku anu nakava lako nte Alatala, aga Yaku saitoKu nanggita Ia.

Yohanes 1:18

Dopa naria saitoa tona nanggita Alatala. Tapi AnaNa saito-itona anu nasimbayu nte Alatala bo narapa nte Ia, Iamo nompopaisani Alatala ka kita.

1 Yohanes 4:14

Ledo aga haitu. Kami ana-anaguru i Yesus nikita kamimo Ia, Ana nu Alatala, bo kami nosabiki Iamo nitudu nTuamaNa Alatala tumai ri dunia majadi Topompakasalama manusia.

1 Yohanes 4:9

Alatala nompopaisani toveNa ka kita ivei: nituduNa AnaNa saito-itoNa tumai ri dunia ala kita mamala matuvu mabelo sampe ri kasae-saena.

1 Yohanes 1:2

Tempo Ia naria ri dunia, nikita kami Ia. Bo sii-sii kami nompasimbayu ka komiu anu nikita kami. Kami nosabiki Iamo anu nombadekei katuvua nabelo sampe ri kasae-saena. Ri lamba pamulana Ia naria nosanggani-nggani ante Tuamata Alatala bo Ia natuvu ri dunia hitu nte kami.

Yohanes 13:3

Nisani i Yesus TuamaNa Alatala nombadekei pura-pura kuasa ka Ia. Bo nisaniNa muni Ia nakava lako nte Alatala bo Ia manjili hau nte Alatala.