Yohanes 7:20 - Kaili Ledo

²⁰ Nesanamo tona dea haitu, “Iko nipesua nu seta! Isema nompasimbuku mompatesi Iko?”

Yohanes 7:20 Referans Kwoze

Yohanes 10:20

Nadea ira nanguli, “Ia haitu nipesua nu seta! Nagila ntotomo Ia! Rapokuya raepeta tesaNa?”

Yohanes 8:48

Nangepe tesa haitu, nangulimo toYahudi ka i Yesus, “Hm! Nakana mpuu niuli kami! Iko nipesua nu seta! Iko nasimbayu mpo toSamaria naruto!”

Yohanes 8:52

Nangepe haitu nanguli toYahudi ka i Yesus, “Hitupa nisani kamimo nipesua nu seta mpuumo Iko! I Abraham bo nabi-nabi nggaulu namate puramo. Tapi panguliMu, isema-sema nangoseaka tesaMu ledo mamate sampe ri kasae-saena!

Markus 3:30

I Yesus nanguli ivesia sabana naria tona nanguli Ia nipesua nu seta tano mai, kuasaNa lako ri Nosa Gasa.

Suro-Suro 26:24

Da notesa i Paulus nanjaliku karona, nongaremo Gubernur Festus, “Nabayamo iko, Paulus! Pangisanimu nadea tutu nompakabaya iko!”

Matius 12:24

Tapi tempo toFarisi nangepe tesa ntodea haitu, nesana ira, “Bai! Kuasa ntona haitu lako nte i Beelzebul, Magau nu Seta. Haitu sampe Ia nakuasa nompopalai seta-seta.”

Matius 10:25

Kana maosa rara anaguru ane ia manjava guruna bo kana maosa rara batua manjava madikana. Iyapa Yaku Gurumiu, niuli ntona i Beelzebul, Magau nu Seta, nemopa komiu anu najadi ana-ana riara banuaKu. Komiu muni kana rasalaira.”

Matius 9:34

Tapi nanguli toFarisi hamai, “Bai! Tona hitu aga nompopalai seta ante kuasa lako nte Magau nu Seta mboto!”

Yohanes 8:49

Nesana i Yesus, “Yaku ledo nipesua nu seta. Yaku nombabila TuamaKu, tapi aga nisalaimiu Yaku.