Yohanes 6:65 - Kaili Ledo

⁶⁵ Pade niuliNa muni, “Haitu sampe niuliKu ka komiu pangane, ledo ria saitoa mamala momparasaya Yaku ane ledo rapaloga nTuamaKu.”

Yohanes 6:65 Referans Kwoze

Yohanes 6:37

Pura-pura tona nidekei nTuamaKu ka Yaku kana momparasaya Yaku, bo isema-sema momparasaya Yaku ledo ntoto Kupoara.

Yohanes 3:27

Nesana i Yohanes, “Ledo makuya. Ledo ria saitoa manggava nuapa-nuapa ane ledo radekei nu Alatala ka ia.

2 Timotius 2:25

Ia kana malusu rarana mompatuduki tona nangeva ia, mbelaka da mamala ira rakeni nu Alatala majea lako ri pokainggura nasala bo mangisani pepatuduki nakana.

1 Timotius 1:14

Naoge mpuu pepotove nTuputa nte yaku! Lako ri kabelo raraNa nipopompakuleNa yaku momparasaya Ia bo mompotove singgamanusiaku sabana yaku nosangu rara nte i Yesus Kristus.

Filipi 1:29

Apa Alatala nompaloga komiu nokarajaa nombatulungi i Kristus, haitumo, komiu ledo aga nipalogaNa momparasaya i Kristus, tapi nipalogaNa muni komiu mombarasai susa bo pari sabana komiu topomparasaya Ia.

Ibrani 12:2

Kita kana mangova mompetoto i Yesus, sabana Iamo nanggeni kita nomparasaya bo Iamo nompopompakule kita bate-batena momparasaya sampe ri kaupuna. I Yesus nombatidamaka kasusa bo kapari tempo nipaku ri kayu salib. Ri mata ntodea, namate ri kayu salib nepakaeya. Tapi ledo nipekirikaNa eyaNa, sabana nitoraNa kadamba nipakasadia ka Ia. Bo sii-sii Ia nonturo ri gadera magau ri panggana nu Alatala.

Yohanes 10:16

Da nariapa bimba-bimbaKu ntanina anu dopa nesua riara gimpu hitu. Ira muni kana Kukeni tumai. Ira mombatalingai suaraKu bo pura-pura bimbaKu majadi salunu rapoevu ntona saito.

Matius 13:11

Nesana i Yesus, “Bara ipia dopa nisani nu manusia berimba Poparenta nu Alatala. Sii-sii Alatala nompopaisanina ka komiu, tapi ledo nipopaisaniNa ka todea.