Yohanes 6:50 - Kaili Ledo

⁵⁰ Tapi ledo ivesia ante kandea anu nanau lako ri suruga. Isema-sema mangande kandea haitu ledo mamate.

Yohanes 6:50 Referans Kwoze

Yohanes 6:33

Apa kandea nopuna lako ri Alatala, haitumo Ia anu nanau lako ri suruga bo nombadekei katuvua ka manusia.”

Roma 8:10

Tapi ane i Kristus mpuu-mpuu nonturo riara ntaita, nau karota mamate sabana dosa, Nosa Gasa nombadekei katuvua mabelo sampe ri kasae-saena sabana kita najadi nanoa ri panggita nu Alatala.

Yohanes 6:58

Yakumo hii kandea anu nanau lako ri suruga. Kandea hitu ledo eva ‘manna’ nikande ntotuamiu nggaulu. Naupa ira nangande ‘manna’ haitu, namatemo ira. Tapi isema-sema mangande kandea hitu matuvu mabelo sampe ri kasae-saena.”

Yohanes 6:51

Yakumo hii kandea anu nanau lako ri suruga, anu nombadekei katuvua nabelo haitu. Isema-sema mangande kandea hitu, matuvu mabelo sampe ri kasae-saena. Kandea anu nombadekei katuvua nabelo, batuana isi karoKu anu Kudekei ala manusia mamala matuvu mabelo sampe ri kasae-saena.”

Yohanes 8:51

Pariaramo tesaKu hitu. Isema-sema mangoseaka tesaKu ledo mamate sampe ri kasae-saena.”

Yohanes 6:42

Nosimpotesamo ira, “Bai! Ledo Ia hitu i Yesus ana i Yusuf? Nisanita pura tina tuamaNa. Berimba sampe niuliNa Ia nanau lako ri suruga?”

Yohanes 3:13

Dopa ria saitoa tona neore hau ri suruga nanggita anu najadi hamai. Aga Yaku, Ana nu Manusia anu nanau lako ri suruga tumai ri dunia nanggitana.

Yohanes 3:36

Isema-sema momparasaya AnaNa, manggava katuvua mabelo sampe ri kasae-saena. Tapi isema-sema ledo nekou nte AnaNa ledo manggava katuvua mabelo haitu. Ia aga rapambela rau rara nu Alatala sampe ri kasae-saena.”

Yohanes 5:24

Pariaramo tesaKu, isema-sema nangepe tesaKu bo nomparasaya Alatala anu nantudu Yaku, ia manggava katuvua nabelo sampe ri kasae-saena. Ia ledo mambela pehuku bo ledo rapopogaa lako nte Alatala tapi nariamo katuvua nabaru nte ia.

Yohanes 6:47

Pariaramo tesaKu hitu, isema-sema nomparasaya Yaku, matuvu mabelo sampe ri kasae-saena.