Yohanes 6:45 - Kaili Ledo

⁴⁵ Riara buku nabi-nabi nitulisi ivei: ‘Pura-pura tona rapatuduki nu Alatala.’ Yesaya 54:13 Jadi isema-sema mompariara pepatuduki nTuamaKu bo meguru lako nte Ia, tantu raparasayana Yaku.

Yohanes 6:45 Referans Kwoze

Ibrani 10:16

“Iveimo pojanji Kupovia ante ira ri tempo makava: Kuboli atura-aturaKu riara pekirira, bo Kutulisi riara ntaira.

1 Tesalonika 4:9

Sampesuvu-sampesuvu, ledo paraluu kutulisi ka komiu posimpotove sampesuvu sampomparasaya, sabana Alatala mbotomo nompatuduki komiu mosimpotove.

Yohanes 6:65

Pade niuliNa muni, “Haitu sampe niuliKu ka komiu pangane, ledo ria saitoa mamala momparasaya Yaku ane ledo rapaloga nTuamaKu.”

Yohanes 6:37

Pura-pura tona nidekei nTuamaKu ka Yaku kana momparasaya Yaku, bo isema-sema momparasaya Yaku ledo ntoto Kupoara.

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Efesus 1:17

Yaku nekakai nte Tuamata Alatala anu nakuasa bo naoge, anu nisomba nTuputa Yesus Kristus. Yaku nerapi ala Ia mombadekei Nosa GasaNa ka komiu. Bo Nosa Gasa mompakanoto raramiu bo mompopaisani Alatala ka komiu sampe komiu mpuu-mpuu mosisani belo ante Alatala.

Yohanes 10:27

Bimba-bimbaKu nantalingai tesaKu bo nisaniKu ira bo nioseakara Yaku.

Lukas 18:31

I Yesus nompasiromu sapulu randua anaguruNa pade niulikaNa, “Epemo! Sii-sii kita mantende hau ri ngata Yerusalem. Hamai kana madupa pura-pura anu nitulisi nabi-nabi nggaulu, haitumo anu majadi ante Yaku, Ana nu Manusia.

Lukas 1:70

Alatala notesa ka nabi-nabi nipelisiNa nggaulu, bo nijanjiNa

Markus 1:2

Tesa hitu nompamula ante kakava i Yohanes Topediu nangoseaka anu nitulisi ri buku Nabi Yesaya nggaulu. Ante sumba nu nabi, Alatala nanguli ka AnaNa ivei: <> Maleakhi 3:1

Matius 11:27

Naupu haitu, i Yesus notesa ka tona ri sia, “Pura-pura nidekei nTuamaKu ka Yaku. Ledo ria tona mpuu-mpuu nosisani ante Yaku, Ana nu Alatala, aga TuamaKu Alatala. Bo ledo ria tona mpuu-mpuu nosisani ante TuamaKu aga Yaku, AnaNa, bo isema-sema Kupodota, Kupopaisanika TuamaKu ka ia.

Suro-Suro 7:42

Jadi Alatala nompalaisi ira bo nompalamba ira nombasomba betue-betue ri langi. Haitu nitulisi riara buku nu nabi-nabi ivei: ‘O, toIsrael! Nisambalemiu binata rapesombamiu ri karava bai patapulu mpae kasaena, tapi ledo nipesombamiu ka Yaku.

Suro-Suro 13:40

Haitu sabana komiu kana mainga ala nee majadi nte komiu anu nitulisi nu nabi-nabi ivei:

Filipi 3:15

Jadi, kita toroso nomparasaya kana mosangu pekiri mompasimbuku mangoseaka i Kristus evamo niuliku pangane. Tapi ane maria pekirimiu da nosisala nte pekiriku, damo Alatala mboto mompakanoto raramiu.

1 Yohanes 2:27

Tapi kakanana domo paraluu tona ntanina mompatuduki komiu, sabana nitarimamiumo Nosa Gasa anu nipopanau i Kristus. Bo Nosa Gasa haitumo naroo riara ntaimiu bo nompatuduki ka komiu pura-pura anu paraluu rasanimiu. PepatudukiNa haitu nakana pura, ledo naria dava. Sabana haitu, komiu kana maroo matuvu mosangu rara nte i Kristus nangoseaka anu nipatuduki Nosa Gasa ka komiu.