Yohanes 6:32 - Kaili Ledo

³² Nanguli i Yesus ka ira, “Pariaramo tesaKu, ledo i Musa bara ipia anu nombadekei kandea lako ri suruga ka komiu. Tapi TuamaKu anu mombadekei kandea mpuu lako ri suruga ka komiu.

Yohanes 6:32 Referans Kwoze

Yohanes 15:1

I Yesus nompapola tesaNa, “Yakumo hii valaa anggur nakana, bo TuamaKu tupu ntalua anggur haitu.

Yohanes 6:58

Yakumo hii kandea anu nanau lako ri suruga. Kandea hitu ledo eva ‘manna’ nikande ntotuamiu nggaulu. Naupa ira nangande ‘manna’ haitu, namatemo ira. Tapi isema-sema mangande kandea hitu matuvu mabelo sampe ri kasae-saena.”

Galatia 4:4

Tapi nakavapa tempo nipakatantu nu Alatala, nisuroNa AnaNa makava ri dunia. AnaNa haitu nipoanaka nu mombine, bo Ia natundu nte Atura-atura agama Yahudi.

Yohanes 6:55

Apa, isi karoKu haitumo kandea mpuu bo raaKu haitumo panginu mpuu.

Yohanes 6:50

Tapi ledo ivesia ante kandea anu nanau lako ri suruga. Isema-sema mangande kandea haitu ledo mamate.

Yohanes 6:41

Nangepe tesa haitu nongutu-ngutumo toYahudi ri sia, sabana i Yesus nanguli, “Yakumo hii kandea anu nanau lako ri suruga.”

Yohanes 6:35

Nanguli i Yesus ka ira, “Yakumo hii kandea anu nombadekei katuvua haitu. Isema-sema makava nte Yaku, domo maara, bo isema-sema momparasaya Yaku, domo mabai tambolona sampe ri kasae-saena.

Yohanes 6:33

Apa kandea nopuna lako ri Alatala, haitumo Ia anu nanau lako ri suruga bo nombadekei katuvua ka manusia.”

Yohanes 1:9

Reme haitu reme nakana anu nakava ri dunia mompakareme pura-pura manusia.

1 Yohanes 5:20

Nisanita muni i Yesus, Ana nu Alatala, nakava ri dunia hitu mompakanoto rarata ala kita mamala mosisani belo ante Alatala anu nakana. Kita natuvu nosangu rara nte Alatala anu nakana sabana kita natuvu nosangu rara nte AnaNa, i Yesus. Iamo Alatala anu nakana bo Iamo nombadekei katuvua nabelo sampe ri kasae-saena.

Yohanes 6:31

Apa totua kami nggaulu nangande roti anu niuli ‘manna’ ri karava bai. Haitu nitulisi riara Buku Gasa ivei: ‘NidekeiNa ka ira kandea lako ri suruga rakandera.’”