Yohanes 6:21 - Kaili Ledo

²¹ Nangepe haitu, nadambamo rarara nompopompene i Yesus riara sakayara. Bo sampesanika nakavamo sakayara ri talinti anu nikalaura.

Yohanes 6:21 Referans Kwoze

Markus 6:51

Pade nesavimo Ia riara sakaya nosinggani nte ira, bo nenontomo poiri mbaso. Nokumaa bo naingu mpuu rarara.

Pompakita 3:20

Peintamo! Hitumo Yaku neangga nombatanede-nede ri vamba. Ane maria tona mangepe suaraKu bo mombabuka vamba, Yaku mesua nte ia bo mangande mosanggani-nggani ante ia.

Yohanes 6:20

Tapi nanguli i Yesus ka ira, “Nee maeka! Yaku hii!”

Yohanes 6:22

Naeo mpadondo, todea anu naboli ri sambote rano haitu nangelo i Yesus. Nitorara aga sangu sakaya hamai riavi. Bo nitorara i Yesus ledo nesavi sakaya nosanggani-nggani ante ana-anaguruNa, aga ira bayangi nesavi sakaya hau ri sambotena.