Yohanes 5:46 - Kaili Ledo

⁴⁶ Apa ane komiu mpuu-mpuu nomparasaya tesa Nabi Musa, natantumo raparasayamiu muni Yaku, sabana karoKu hitumo anu nitesa Nabi Musa riara buku-bukuna.

Yohanes 5:46 Referans Kwoze

Yohanes 1:45

Bo hau i Filipus nosinggava nte i Natanael bo niulikana, “Kami nosinggava nte tona nitesa Nabi Musa riara Buku Atura Agama bo nitesa ri Buku Nabi-nabi ntanina, haitumo i Yesus lako ri ngata Nazaret, ana i Yusuf.”

Lukas 24:27

I Yesus nombatesa ka ira pura-pura anu nitulisi ri Buku Gasa, anu nombaboto karoNa mboto, nompamula lako ri buku-buku nitulisi Nabi Musa sampe ri buku-buku nabi ntanina.

Suro-Suro 26:22

Tapi sampe sii-sii yaku da nisaliku nu Alatala sampe da namalapa yaku neangga nosabi ka pura-pura tona, tona nalanga panggana bo todea biasa. Anu nitesaku hitu ledo nosisala ante anu niboto i Musa bo nabi-nabi ntanina nggaulu,

Galatia 3:24

Jadi Atura agama haitu nirapaka topopaa ngana anu nombajagai kita sampe makava i Yesus Kristus, ala kita majadi manoa ri panggita nu Alatala sabana pomparasayata i Kristus.

Galatia 3:13

Kita manusia masipato rahuku nu Alatala, sabana kita pura-pura nombaliunaka AturaNa. Tapi i Kristus nombakabasaka kita lako ri pehuku haitu, sabana tempo Ia namate ri kayu salib, Iamo nihuku manjambei kita. Nisanita i Kristus nihuku nu Alatala sabana naria tesa riara Buku Gasa nanguli ivei: “Isema-sema namate niloe ri kayu, haitu tandana ia nihuku nu Alatala.”

Galatia 3:10

Isema-sema nanjarumaka majadi manoa ri panggita nu Alatala sabana nioseakana Atura agama, iamo rahuku nu Alatala. Nisanita haitu sabana riara Buku Gasa nitulisi ivei: “Isema-sema ledo natutu nangoseaka pura-pura parenta nitulisi riara Buku Atura Agama, iamo rahuku nu Alatala.”

Galatia 2:19

Apa lako ri Atura agama sampe nisaniku ledo kupakule majadi manoa ri panggita nu Alatala ante nangoseaka Atura haitu. Jadi sabana haitu, sii-sii yaku nenontomo nanjarumaka Atura agama ala yaku mamala mpuu-mpuu matuvu nangoseaka dota nu Alatala. Tempo i Kristus namate ri kayu salib, yaku muni nireke namate nosanggani-nggani ante Ia.

Roma 10:4

Tapi Atura-atura agama domo niparaluu, sabana nariamo i Kristus. Jadi isema-sema nomparasaya i Kristus, majadi nanoa ri panggita nu Alatala

Yohanes 5:47

Tapi ane ledo niparasayamiu anu nitulisi Nabi Musa, berimbamo komiu mamala momparasaya tesaKu?”