Yohanes 5:43 - Kaili Ledo

⁴³ Yaku nakava nte komiu ante kuasa nTuamaKu tapi komiu ledo nadota nantarima Yaku. Ane tona ntanina nakava nte komiu ante kuasana mboto, tona haitumo nitarimamiu.

Yohanes 5:43 Referans Kwoze

Yohanes 10:25

Nesana i Yesus, “NiuliKumo ka komiu, tapi ledo niparasayamiu. Kabaraka-kabaraka nipoviaKu ante kuasa lako nte TuamaKu nompopaisani ka komiu isema Yaku hii.

Matius 24:5

Apa madea tona makava mompobalu sangaKu. Raulira, iramo Magau Topepakasalama anu nijanji nu Alatala! Bo madea tona rabagiura.

Yohanes 6:38

Apa Yaku nanau lako ri suruga, ledo movia dotaKu mboto, tapi movia anu nipodota nu Alatala anu nantudu Yaku.

Yohanes 12:28

Jadi nanguli i Yesus ka TuamaNa, “Tata, popakita kaogeMiu ka manusia!” Naupu niuliNa ivesia, nariamo suara lako ri langi nanguli, “NipopakitaKumo kaogeKu bo Kupopakita vai.”

Matius 24:24

Apa kana meumba topodava manguli iramo Magau Topepakasalama, bo meumba muni nabi-nabi mpodava anu movia tanda-tanda nipokumaaka bo kabaraka-kabaraka mombabagiu tona. Ane mamala, nau tona nipelisi nu Alatala rabagiura muni!

Yohanes 3:16

Apa Alatala mpuu-mpuu nompotove manusia sampe nidekeiNa AnaNa saito-itoNa, ala isema-sema momparasaya AnaNa ledo rapopogaa lako nte Alatala tapi manggava katuvua mabelo sampe ri kasae-saena.

Suro-Suro 21:38

Ane ivesia, ledo iko tano toMesir nangeva pomarenta bo nanggeni pata-njobu topepatesi nalai hau ri karava bai bara ipia?”

Yohanes 5:42

Tapi nisaniKu komiu ledo ntoto nompotove Alatala.