Yohanes 5:41 - Kaili Ledo

⁴¹ Yaku ledo mbeki ratoiya nu manusia.

Yohanes 5:41 Referans Kwoze

Yohanes 7:18

Isema-sema nompatuduki lako ri pangisanina mboto, ia mbeki ratoiya ntona. Tapi isema-sema ledo nompekirika karona mboto tapi nompasimbuku ala topantudu ia haitu ratoiya, iamo nanoa, ledo ria tenggona.

1 Tesalonika 2:6

Kami ledo muni mbeki ratoiya ntona, bara komiu bara tona ntanina. Kakanana masipato kami merapi nte komiu, sabana kami mpuu-mpuu suro i Kristus.

Yohanes 8:50

Yaku ledo mbeki rabila ntona. Tapi TuamaKu madota Yaku rabila ntona bo Iamo topotangara nanoa.

Yohanes 5:34

Kakanana ledo paraluu manusia mompakalanto isema Yaku. Tapi Kupopatora ka komiu tesa i Yohanes ala komiu mamala rapakasalama.

Yohanes 8:54

Nesana i Yesus, “Ane Yaku mombabila karoKu mboto, ledo ntoto maria batuana. Tapi TuamaKu nombabila Yaku bo Iamo anu nipangakumiu Alatala nisombamiu,

Yohanes 6:15

Nisani i Yesus ira nopatuju makava mompasuu Ia majadi magaura. Jadi nalaimo Ia saitoNa hau ri bulu.

Yohanes 5:44

Berimbamo komiu mamala momparasaya Yaku? Apa komiu aga madota rabila nu roa. Ledo nipasimbukumiu manggava pebila nu Alatala Saito-itoNa!

2 Petrus 1:17

Apa kami mboto naria nosanggani-nggani nte Ia ri bavo nu bulu bara ipia tempo Ia nibila bo nipakareme nTuamata Alatala. Bo suara nu Alatala anu Neliu KaogeNa nanguli ivei: “Hitumo AnaKu nipotoveKu, Iamo nompakadamba raraKu.”

1 Petrus 2:21

Alatala nompokio komiu mosabara riara kasusa, nau komiu ledo nasala. Apa i Kristus nombarasai kasusa ala manggeni belo ka komiu, bo nidekeiNa jonjo ka komiu ala komiu mompasiala pokaingguNa.

Yohanes 5:40

Tapi naupa komiu natutu neguru Buku Gasa, komiu bate-batena ledo nadota momparasaya Yaku ala rakavamiu katuvua mabelo haitu.

Yohanes 5:42

Tapi nisaniKu komiu ledo ntoto nompotove Alatala.

Yohanes 12:43

Ira nomparasaya nggalino sabana nipokonorapa ratoiya nu manusia pade ratoiya nu Alatala.