Yohanes 5:37 - Kaili Ledo

³⁷ Bo TuamaKu anu nantudu Yaku, Ia muni nompakalanto isema Yaku. Dopa sanggani niepemiu suaraNa bo dopa muni sanggania nikitamiu lenjeNa.

Yohanes 5:37 Referans Kwoze

Yohanes 8:18

Naria randua anu nombasabiki Yaku. Yaku mboto saito, bo karanduana TuamaKu anu nantudu Yaku.”

Yohanes 1:18

Dopa naria saitoa tona nanggita Alatala. Tapi AnaNa saito-itona anu nasimbayu nte Alatala bo narapa nte Ia, Iamo nompopaisani Alatala ka kita.

1 Timotius 1:17

Alatala masipato rabila bo ratoiyata sampe ri kasae-saena, apa Iamo Magau anu nomparenta sampe ri kasae-saena. Ia ledo mamate, ledo namala rakitata, aga Ia saito-itoNa Alatala nakana. Amin!

1 Timotius 6:16

Aga Ia saito-itoNa ledo mamate. Ia natuvu riara reme anu ledo namala rakaparai. Ledo ria saitoa manusia nanggita Ia, apa ledo nipakule nu manusia manggita Ia. Iamo masipato rabila bo Iamo masipato momparenta sampe ri kasae-saena. Amin!

Matius 3:17

Bo naria suara lako ri suruga nanguli, “Hitumo AnaKu nipotoveKu. Iamo nompakadamba raraKu.”

1 Yohanes 4:20

Isema-sema nanguli ia nompotove Alatala, tano mai navuu matana nanggita sampesuvuna sampomparasaya, ia mai topodava! Ane ia ledo nompotove sampesuvuna anu nikitana, natantumo ledo mamala ia mompotove Alatala anu ledo nikitana.

1 Yohanes 4:12

Dopa naria saitoa manusia nanggita Alatala. Tapi ane kita mosimpotove, haitumo tandana Alatala naria riara ntaita, bo toveNa ka kita mpuu-mpuu naria aselena riara nggatuvuta.

Yohanes 14:9

Nesanamo i Yesus, “Ai, Filipus! Nasaemo Yaku nosanggani-nggani ante komiu. Dopa nisanimu isema Yaku? Isema-sema nanggita Yaku, nikitana munimo TuamaKu. Jadi berimba sampe niulimu ivesia, ‘Popakita ka kami TuamaMiu’?

Yohanes 6:27

Nee aga mokarajaa ala manggava kandea anu masalisa maupu atau mavai. Agina komiu mokarajaa ala manggava kandea anu ledo mavai bo anu mombadekei katuvua mabelo sampe ri kasae-saena. Yaku, Ana nu Manusia mombadekei kandea haitu ka komiu, sabana Yakumo nianggataka nTuamaKu Alatala mantui pokarajaa haitu.”

Matius 17:5

Da notesa i Petrus, nakavamo kulimu nareme nombabungu ira, bo lako riara kulimu haitu niepera suara nanguli, “Hitumo AnaKu nipotoveKu. Iamo nompakadamba raraKu. Pariaramo tesaNa”!

Yohanes 15:24

Ane rapana ledo nipoviaKu kabaraka-kabaraka ri ngayora anu ledo sanggani nipovia ntona ntanina, tantu ira ledo rapakasala sabana dosara. Tapi nikitaramo kabaraka-kabaraka haitu bo ira batena navuu matara nanggita Yaku bo TuamaKu muni. Jadi ira kana rapakasala sabana dosara haitu.

Markus 1:11

Bo naria suara lako ri suruga nanguli, <>

Lukas 3:22

bo Nosa Gasa nolenje mpo tonji banggebodo, netuu nte Ia. Pade naria suara lako ri suruga nanguli, “Ikomo AnaKu nipotoveKu. Ikomo nompakadamba raraKu.”

Lukas 24:27

I Yesus nombatesa ka ira pura-pura anu nitulisi ri Buku Gasa, anu nombaboto karoNa mboto, nompamula lako ri buku-buku nitulisi Nabi Musa sampe ri buku-buku nabi ntanina.

Yohanes 5:32

Tapi naria saito tona ntanina anu nompakalanto isema Yaku. TuamaKu sabiKu bo nisaniKu tesaNa haitu nakana.

1 Yohanes 5:9

Ane ri potangara, kita nomparasaya posabi manusia. Tapi posabi nu Alatala narosopa pade posabi manusia, bo Ia mboto nosabi nompakatantu i Yesusmo AnaNa.