Yohanes 5:29 - Kaili Ledo

²⁹ bo mesuvu lako ponturora. Tona nabelo pokainggura matuvu mpanjili bo manggava katuvua mabelo sampe ri kasae-saena. Bo tona nadaa pokainggura matuvu mpanjili ala rahuku.”

Yohanes 5:29 Referans Kwoze

Suro-Suro 24:15

Yaku nasimbayu ante toYahudi gahitu, yaku muni nanjarumaka Alatala mompakatuvu pura-pura tona lako ri kamatera, tona nanoa bo muni tona nadaa.

Lukas 14:14

Ane ivesia rapoviamiu, Alatala mombadekei belo ka komiu. Sabana ledo rapakule tona ivehaitu mombabalasi pokainggumiu nabelo. Pokainggumiu nabelo haitu rabalasi nu Alatala tempo tona nanoa rapakatuvu mpanjili lako ri kamatena.”

1 Timotius 6:18

Popatoramo tona nakalumana, mokainggu mabelo ala pokainggura nabelo haitu majadi kakalumanara. Ira kana majoi rara bo masadia mombatulungi tona ntanina.

Ibrani 13:16

Bo nee rakalingasita mositulungi bo movia anu nabelo, sabana haitu muni nireke pesombata anu nompakadamba rara nu Alatala.

1 Petrus 3:11

Ia kana mombakabasaka pokaingguna nadaa bo movia anu nabelo. Ia kana mangelo posinggabelo bo mompasimbuku matuvu mosinggabelo ante tona ntanina.

Ibrani 10:27

Ane ivesia pokaingguta, damo aga maviora rarata mompopea pehuku bo apu narega mpuu anu mompalabu tona nangeva Alatala.